ਭਾਰਤੀ ਮੂਲ ਦੀ ਅਮਰੀਕੀ ਔਰਤ ਨੇ ਆਪਣੇ 11 ਸਾਲਾ ਪੁੱਤਰ ਦਾ ਗਲਾ ਕੱਟਿਆ

ਵਾਸ਼ਿਗਟਨ: 24 ਮਾਰਚ, ਦੇਸ਼ ਕਲਿੱਕ ਬਿਓਰੋ
America ਵਿੱਚ Indian origin ਦੀ 48 ਸਾਲਾ ਸਰਿਤਾ ਰਾਮਾਰਾਜੂ ਨਾਂ ਦੀ ਔਰਤ ਨੇ ਆਪਣੇ 11 ਸਾਲਾ ਪੁੱਤਰ ਦੀ ਗਲਾ ਕੱਟ ਕੇ ਹੱਤਿਆ ਕਰ ਦਿੱਤੀ ਅਤੇ ਖੁਦ ਵੀ ਜ਼ਹਿਰ ਖਾ ਕੇ ਆਤਮਹੱਤਿਆ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਬਚ ਗਈ। ਪੁੱਤਰ ਦੀ ਹੱਤਿਆ ਕਰਨ ਤੋਂ ਬਾਅਦ ਔਰਤ ਨੇ ਆਪ ਹੀ ਪੁਲਿਸ ਨੂੰ ਫੋਨ ਕੀਤਾ ਅਤੇ ਖੁਦ ਜ਼ਹਿਰ ਖਾ ਕੇ ਖੁਦਕਸ਼ੀ ਕਰਨ ਦੀ ਜਾਣਕਾਰੀ ਦਿੱਤੀ। ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਡਿਜ਼ਨੀ ਸਮਾਰਕਾਂ ਨਾਲ ਭਰੇ ਇੱਕ ਕਮਰੇ ਵਿੱਚ ਬਿਸਤਰੇ ‘ਤੇ 11 ਸਾਲ ਦੇ ਲੜਕੇ ਦੀ ਲਾਸ਼ ਮਿਲੀ। ਰਾਮਾਰਾਜੂ ਦੁਆਰਾ ਪੁਲਿਸ ਨੂੰ ਬੁਲਾਉਣ ਤੋਂ ਪਹਿਲਾਂ ਲੜਕਾ ਕਈ ਘੰਟਿਆਂ ਤੋਂ ਮਰਿਆ ਹੋਇਆ ਸੀ। ਪੁਲਿਸ ਨੇ ਔਰਤ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।ਰਾਮਾਰਾਜੂ ਦਾ 2018 ਵਿੱਚ ਆਪਣੇ ਪਤੀ ਨਾਲ ਤਲਾਕ ਹੋ ਗਿਆ ਸੀ। ਆਪਣੇ ਤਲਾਕ ਤੋਂ ਬਾਅਦ ਕੈਲੀਫੋਰਨੀਆ ਤੋਂ ਦੂਰ ਚਲੀ ਗਈ ਸੀ, ਉਹ ਆਪਣੇ ਪੁੱਤਰ ਨੂੰ ਮਿਲਣ ਲਈ ਤਿੰਨ ਦਿਨ ਲਈ ਕੈਲੇਫੋਰਨੀਆਂ ਦੇ ਡਿਜਨੀਲੈਂਡ ਗਈ ਸੀ ਅਤੇ ਸਾਂਤਾ ਅਨਾ ਵਿੱਚ ਇੱਕ ਮੋਟਲ ਵਿੱਚ ਰਹਿ ਰਹੀ ਸੀ। ਉਹ ਇਸ ਕਰਕੇ ਦੁਖੀ ਸੀ ਕਿ ਕੋਰਟ ਨੇ ਉਸ ਦੇ ਪੁੱਤਰ ਦੀ ਹਵਾਲਗੀ ਉਸ ਦੇ ਤਲਾਕਸ਼ੁਦਾ ਪਤੀ ਨੂੰ ਦੇ ਦਿੱਤੀ ਸੀ ਅਤੇ ਉਹ ਇਸ ਨੂੰ ਬਰਦਾਸ਼ਤ ਨਹੀਂ ਕਰ ਸਕੀ।