Superfast Express Train ਦੇ 11 AC ਡੱਬੇ ਪਟੜੀ ਤੋਂ ਉਤਰੇ, 1 ਯਾਤਰੀ ਦੀ ਮੌਤ 8 ਜ਼ਖਮੀ

ਭੁਵਨੇਸ਼ਵਰ, 30 ਮਾਰਚ, ਦੇਸ਼ ਕਲਿਕ ਬਿਊਰੋ :
ਅੱਜ ਐਤਵਾਰ ਨੂੰ ਓਡੀਸ਼ਾ ਦੇ ਕਟਕ ‘ਚ ਬੇਂਗਲੁਰੂ-ਕਾਮਾਖਿਆ ਸੁਪਰਫਾਸਟ ਐਕਸਪ੍ਰੈੱਸ (12551) ਦੇ 11 ਏਸੀ ਡੱਬੇ ਪਟੜੀ ਤੋਂ ਉਤਰ ਗਏ। ਇਸ ਹਾਦਸੇ ‘ਚ ਇਕ ਯਾਤਰੀ ਦੀ ਮੌਤ ਹੋ ਗਈ ਜਦਕਿ 8 ਹੋਰ ਜ਼ਖਮੀ ਹੋ ਗਏ। ਮੈਡੀਕਲ ਅਤੇ ਐਮਰਜੈਂਸੀ ਟੀਮਾਂ ਮੌਕੇ ‘ਤੇ ਮੌਜੂਦ ਹਨ।
ਹਾਦਸਾ ਸਵੇਰੇ 11:54 ਵਜੇ ਮੰਗੂਲੀ ਪੈਸੇਂਜਰ ਹਾਲਟ ਦੇ ਨਾਲ ਲੱਗਦੇ ਨਿਰਗੁੰਡੀ ਸਟੇਸ਼ਨ ਦੇ ਕੋਲ ਵਾਪਰਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਹਾਦਸੇ ਕਾਰਨ ਤਿੰਨ ਟਰੇਨਾਂ ਨੂੰ ਮੋੜ ਦਿੱਤਾ ਗਿਆ ਹੈ। ਫਸੇ ਯਾਤਰੀਆਂ ਨੂੰ ਕਾਮਾਖਿਆ ਲਿਜਾਣ ਲਈ ਵਿਸ਼ੇਸ਼ ਰੇਲਗੱਡੀ ਸ਼ਾਮ 4:10 ‘ਤੇ ਮੌਕੇ ‘ਤੇ ਪਹੁੰਚੀ ਅਤੇ ਸ਼ਾਮ 5:05 ‘ਤੇ ਕਾਮਾਖਿਆ ਲਈ ਰਵਾਨਾ ਹੋਈ।
ਕਟਕ ਦੇ ਡੀਐਮ ਦੱਤਾਤ੍ਰੇਯ ਭਾਉਸਾਹਿਬ ਸ਼ਿੰਦੇ ਨੇ 1 ਯਾਤਰੀ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਜ਼ਖਮੀਆਂ ਨੂੰ ਸ਼੍ਰੀ ਰਾਮ ਚੰਦਰ ਭਾਜ ਮੈਡੀਕਲ ਕਾਲਜ (SCBMCH) ਲਈ ਰੈਫਰ ਕੀਤਾ ਗਿਆ ਹੈ। ਉਸ ਦੀ ਹਾਲਤ ਸਥਿਰ ਹੈ। ਤੇਜ਼ ਗਰਮੀ ਕਾਰਨ ਹਾਦਸੇ ਤੋਂ ਬਾਅਦ ਕੁਝ ਯਾਤਰੀ ਬਿਮਾਰ ਹੋ ਗਏ। ਉਨ੍ਹਾਂ ਦਾ ਮੌਕੇ ‘ਤੇ ਸਿਹਤ ਕੈਂਪ ‘ਚ ਇਲਾਜ ਕੀਤਾ ਗਿਆ।