IPL 2025: RCB vs LSG# ਕੁਆਲੀਫਾਇਰ -1 ‘ਚ ਪਹੁੰਚਣ ਲਈ ਅੱਜ ਬੰਗਲੁਰੂ ਦੀ ਟੀਮ ਲਾਵੇਗੀ ਅੱਡੀ ਚੋਟੀ ਦਾ ਜ਼ੋਰ

ਨਵੀਂ ਦਿੱਲੀ: 27 ਮਈ, ਦੇਸ਼ ਕਲਿੱਕ ਬਿਓਰੋ
IPL 2025 ਲੀਗ ਦੇ ਪੜਾਅ ਦਾ ਆਖਰੀ ਮੈਚ ਅੱਜ ਆਖਰੀ ਮੈਚ ਹੈ ਜੋ ਰਾਇਲ ਚੈਲੇਂਜਰਜ਼ ਬੰਗਲੌਰ RCB ਅਤੇ ਲਖਨਊ ਸੁਪਰਜਾਇੰਟਸ LSG ਵਿਚਕਾਰ ਖੇਡਿਆ ਜਾਵੇਗਾ। ਜੇਕਰ RCB ਜਿੱਤ ਜਾਂਦੀ ਹੈ ਤਾਂ ਇਹ ਟੀਮ ਟਾਪ-2 ਵਿੱਚ ਪਹੁੰਚ ਜਾਵੇਗੀ। ਜੇਕਰ LSG ਜਿੱਤ ਜਾਂਦਾ ਹੈ ਤਾਂ ਰਾਇਲ ਚੈਲੇਂਜਰਜ਼ ਬੰਗਲੁਰੂ ਨੂੰ ਐਲੀਮੀਨੇਟਰ ਖੇਡਣਾ ਪਵੇਗਾ। ਦੂਜੇ ਪਾਸੇ, ਸੋਮਵਾਰ ਨੂੰ, ਪੰਜਾਬ ਕਿੰਗਜ਼ ਨੇ ਮੁੰਬਈ ਇੰਡੀਅਨਜ਼ ਨੂੰ ਹਰਾ ਕੇ ਕੁਆਲੀਫਾਇਰ-1 ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ। ਅੱਜ ਦੇ IPL ਵਿੱਚ, RCB ਅਤੇ LSG ਦੀਆਂ ਟੀਮਾਂ ਜ਼ੋਰ ਅਜ਼ਮਾਈ ਕਰਨਗੀਆਂ। ਰਾਇਲ ਚੈਲੇਂਜਰਜ਼ ਬੰਗਲੁਰੂ 13 ਮੈਚਾਂ ਵਿੱਚ 8 ਜਿੱਤਾਂ ਅਤੇ 1 ਡਰਾਅ ਨਾਲ 17 ਅੰਕਾਂ ਨਾਲ ਤੀਜੇ ਸਥਾਨ ‘ਤੇ ਹੈ। ਅੱਜ ਦੇ ਮੈਚ ਨੂੰ ਜਿੱਤਣ ਨਾਲ, ਬੰਗਲੁਰੂ ਟਾਪ-2 ਵਿੱਚ ਪਹੁੰਚ ਜਾਵੇਗਾ ਅਤੇ ਕੁਆਲੀਫਾਇਰ-1 ਵਿੱਚ ਆਪਣਾ ਸਥਾਨ ਪੱਕਾ ਕਰੇਗਾ। ਜੇਕਰ ਟੀਮ ਹਾਰ ਜਾਂਦੀ ਹੈ ਤਾਂ ਉਨ੍ਹਾਂ ਨੂੰ ਐਲੀਮੀਨੇਟਰ ਖੇਡਣਾ ਪਵੇਗਾ।
ਲਖਨਊ ਸੁਪਰਜਾਇੰਟਸ (LSG) ਪਲੇਆਫ ਤੋਂ ਬਾਹਰ ਹੋ ਗਈ ਹੈ, ਟੀਮ ਦੇ 13 ਮੈਚਾਂ ਵਿੱਚ 6 ਜਿੱਤਾਂ ਅਤੇ 7 ਹਾਰਾਂ ਨਾਲ 12 ਅੰਕ ਹਨ। ਅੱਜ ਦੇ ਮੈਚ ਨੂੰ ਜਿੱਤਣ ਨਾਲ ਟੀਮ 14 ਅੰਕਾਂ ਨਾਲ ਛੇਵੇਂ ਸਥਾਨ ‘ਤੇ ਰਹੇਗੀ। ਜੇਕਰ ਟੀਮ ਹਾਰ ਜਾਂਦੀ ਹੈ, ਤਾਂ ਇਹ 7ਵੇਂ ਨੰਬਰ ‘ਤੇ ਰਹੇਗੀ। ਹਾਲਾਂਕਿ, ਜੇਕਰ ਲਖਨਊ ਦੀ ਟੀਮ ਬੰਗਲੁਰੂ ਨੂੰ ਹਰਾ ਦਿੰਦੀ ਹੈ ਤਾਂ LSG ਟੀਮ ਨੂੰ ਐਲੀਮੀਨੇਟਰ ਖੇਡਣ ਲਈ ਮਜਬੂਰ ਹੋਵੇਗੀ। IPL 2025 ਦੇ ਫਾਈਨਲ ਵਿੱਚ ਪਹੁੰਚਣ ਲਈ, ਜਿੱਥੇ ਚੋਟੀ ਦੇ 2 ਸਥਾਨਾਂ ‘ਤੇ ਰਹਿਣ ਵਾਲੀਆਂ ਟੀਮਾਂ ਕੁਆਲੀਫਾਇਰ-1 ਵਿੱਚ ਇੱਕ ਦੂਜੇ ਨਾਲ ਖੇਡਦੀਆਂ ਹਨ। ਇਸ ਮੈਚ ਦੀ ਜੇਤੂ ਟੀਮ ਫਾਈਨਲ ਵਿੱਚ ਪਹੁੰਚਦੀ ਹੈ, ਜਦੋਂ ਕਿ ਹਾਰਨ ਵਾਲੀ ਟੀਮ ਕੋਲ ਫਾਈਨਲ ਵਿੱਚ ਪਹੁੰਚਣ ਦਾ ਇੱਕ ਹੋਰ ਮੌਕਾ ਹੁੰਦਾ ਹੈ।
ਇਸੇ ਤਰ੍ਹਾਂ ਤੀਜੇ ਅਤੇ ਚੌਥੇ ਸਥਾਨ ਦੀਆਂ ਟੀਮਾਂ ਵਿਚਕਾਰ ਇੱਕ ਐਲੀਮੀਨੇਟਰ ਹੁੰਦਾ ਹੈ, ਜੋ ਟੀਮ ਇਸਨੂੰ ਜਿੱਤਦੀ ਹੈ, ਉਹ ਕੁਆਲੀਫਾਇਰ-2 ਵਿੱਚ ਕੁਆਲੀਫਾਇਰ-1 ਦੀ ਹਾਰਨ ਵਾਲੀ ਟੀਮ ਨਾਲ ਭਿੜੇਗੀ। ਕੁਆਲੀਫਾਇਰ-2 ਜਿੱਤਣ ਵਾਲੀ ਟੀਮ ਫਾਈਨਲ ਵਿੱਚ ਪਹੁੰਚਦੀ ਹੈ। ਐਲੀਮੀਨੇਟਰ ਹਾਰਨ ਵਾਲੀ ਟੀਮ ਬਾਹਰ ਹੋ ਜਾਂਦੀ ਹੈ।