PBKS vs RCB Qualifier 1: ਚੌਥੀ ਵਾਰ ਫਾਈਟਲ ‘ਚ ਪਹੁੰਚੀ RCB
ਮੋਹਾਲੀ: 30 ਮਈ, ਦੇਸ਼ ਕਲਿੱਕ ਬਿਓਰੋ
IPL 2025 ਦੇ ਪਹਿਲੇ ਕੁਆਲੀਫਾਇਰ ਮੈਚ ਵਿੱਚ, ਪੰਜਾਬ ਕਿੰਗਜ਼ (PBKS) ਦਾ ਸਾਹਮਣਾ ਬੈਂਗਲੁਰੂ (RCB) ਟੀਮ ਨਾਲ ਹੋਇਆ। ਮਹਾਰਾਜਾ ਯਾਦਵਿੰਦਰਾ ਸਿੰਘ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ, ਮੁੱਲਾਂਪੁਰ ਵਿਖੇ ਖੇਡੇ ਗਏ ਇਸ ਮੈਚ ਵਿੱਚ ਰਾਇਲ ਚੈਲੇਂਜਰਜ਼ ਬੰਗਲੌਰ (RCB) ਨੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਕਾਰਨ ਪੰਜਾਬ ਕਿੰਗਜ਼ ਨੂੰ 10 ਓਵਰ ਬਾਕੀ ਰਹਿੰਦਿਆਂ ਅੱਠ ਵਿਕਟਾਂ ਨਾਲ ਹਰਾ ਕੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ।ਇਹ ਆਈਪੀਐਲ ਪਲੇਆਫ ਵਿੱਚ ਬਾਕੀ ਗੇਂਦਾਂ (60 ਗੇਂਦਾਂ) ਦੇ ਮਾਮਲੇ ਵਿੱਚ ਸਭ ਤੋਂ ਵੱਡੀ ਜਿੱਤ ਹੈ। ਇਸ ਤਰ੍ਹਾਂ, ਆਰਸੀਬੀ ਨੇ ਚੌਥੀ ਵਾਰ ਆਈਪੀਐਲ ਫਾਈਨਲ ਵਿੱਚ ਜਗ੍ਹਾ ਬਣਾਈ ਜੋ 3 ਜੂਨ ਨੂੰ ਖੇਡਿਆ ਜਾਵੇਗਾ। ਇਹ 2016 ਤੋਂ ਬਾਅਦ ਉਨ੍ਹਾਂ ਦਾ ਪਹਿਲਾ ਫਾਈਨਲ ਹੋਵੇਗਾ।ਹਾਰਨ ਦੇ ਬਾਵਜੂਦ, ਪੰਜਾਬ ਕਿੰਗਜ਼ ਨੂੰ ਫਾਈਨਲ ਵਿੱਚ ਪਹੁੰਚਣ ਦਾ ਇੱਕ ਹੋਰ ਮੌਕਾ ਮਿਲੇਗਾ ਕਿਉਂਕਿ ਉਹ ਦੂਜੇ ਕੁਆਲੀਫਾਇਰ ਵਿੱਚ ਗੁਜਰਾਤ ਟਾਈਟਨਜ਼ (GT)ਅਤੇ ਮੁੰਬਈ ਇੰਡੀਅਨਜ਼ (MI)ਵਿਚਕਾਰ ਐਲੀਮੀਨੇਟਰ ਦੇ ਜੇਤੂ ਨਾਲ ਭਿੜੇਗਾ।ਆਰਸੀਬੀ (RCB) ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, ਅਤੇ ਗੇਂਦਬਾਜ਼ਾਂ ਨੇ ਹਾਲਾਤਾਂ ਦਾ ਪੂਰਾ ਫਾਇਦਾ ਉਠਾਉਂਦੇ ਹੋਏ ਪੰਜਾਬ ਕਿੰਗਜ਼ (PBKS) ਨੂੰ 14.1 ਓਵਰਾਂ ਵਿੱਚ ਸਿਰਫ਼ 101 ਦੌੜਾਂ ‘ਤੇ ਆਊਟ ਕਰ ਦਿੱਤਾ।ਆਰਸੀਬੀRCB ਲਈ, ਜੋਸ਼ ਹੇਜ਼ਲਵੁੱਡ (3-21), ਭੁਵਨੇਸ਼ਵਰ ਕੁਮਾਰ (1-17) ਅਤੇ ਯਸ਼ ਦਿਆਲ (2-26) ਦੀ ਤੇਜ਼ ਗੇਂਦਬਾਜ਼ ਤਿੱਕੜੀ ਨੇ ਪਿੱਚ ਦਾ ਪੂਰਾ ਇਸਤੇਮਾਲ ਕੀਤਾ, ਜਦੋਂ ਕਿ ਲੈੱਗ-ਸਪਿਨਰ ਸੁਯਸ਼ ਸ਼ਰਮਾ (3-17) ਨੇ ਪੰਜਾਬ ਕਿੰਗਜ਼ ਟੀਮ ਲਈ ਮੁਸ਼ਕਲਾਂ ਖੜ੍ਹੀਆਂ ਕਰ ਦਿੱਤੀਆਂ।
ਇਸ ਤੋਂ ਬਾਅਦ ਸਾਲਟ ਨੇ ਵਿਰਾਟ ਕੋਹਲੀ (12) ਨਾਲ ਪਹਿਲੀ ਵਿਕਟ ਲਈ 20 ਗੇਂਦਾਂ ਵਿੱਚ 30 ਦੌੜਾਂ ਅਤੇ ਮਯੰਕ ਅਗਰਵਾਲ (19) ਨਾਲ ਦੂਜੀ ਵਿਕਟ ਲਈ 27 ਗੇਂਦਾਂ ਵਿੱਚ 54 ਦੌੜਾਂ ਜੋੜ ਕੇ ਆਰਸੀਬੀ ਨੂੰ 10 ਓਵਰਾਂ ਵਿੱਚ 2 ਵਿਕਟਾਂ ‘ਤੇ 106 ਦੌੜਾਂ ਤੱਕ ਪਹੁੰਚਾਇਆ।ਪੰਜਾਬ ਕਿੰਗਜ਼ ਨੂੰ ਆਪਣੇ ਜ਼ਿਆਦਾ ਹਮਲਾਵਰ ਰਵੱਈਏ ਦੀ ਕੀਮਤ ਚੁਕਾਉਣੀ ਪਈ ਕਿਉਂਕਿ ਉਨ੍ਹਾਂ ਦੇ ਸਿਰਫ਼ ਤਿੰਨ ਬੱਲੇਬਾਜ਼ ਹੀ ਦੋਹਰੇ ਅੰਕੜੇ ਤੱਕ ਪਹੁੰਚ ਸਕੇ, ਜਿਸ ਵਿੱਚ ਮਾਰਕਸ ਸਟੋਇਨਿਸ ਨੇ ਸਭ ਤੋਂ ਵੱਧ 26 ਦੌੜਾਂ ਬਣਾਈਆਂ।
