Indigo Airlines ਦੇ ਫਲਾਈਟ ਕੈਪਟਨ ਸਮੇਤ 3 ਅਫਸਰਾਂ ‘ਤੇ ਪਰਚਾ ਦਰਜ
ਗੁਰੂਗ੍ਰਾਮ, 23 ਜੂਨ, ਦੇਸ਼ ਕਲਿਕ ਬਿਊਰੋ :
ਹਰਿਆਣਾ ਦੇ ਗੁਰੂਗ੍ਰਾਮ ਵਿੱਚ, ਇੰਡੀਗੋ ਏਅਰਲਾਈਨਜ਼ ਦੇ ਇੱਕ ਟਰੇਨੀ ਪਾਇਲਟ ਨੇ ਫਲਾਈਟ ਦੇ ਕੈਪਟਨ ਸਮੇਤ 3 ਅਫਸਰਾਂ ਵਿਰੁੱਧ ਐਸਸੀ/ਐਸਟੀ ਐਕਟ ਤਹਿਤ ਐਫਆਈਆਰ ਦਰਜ ਕਰਵਾਈ ਹੈ। ਟਰੇਨੀ ਪਾਇਲਟ ਨੇ ਦੋਸ਼ ਲਗਾਇਆ ਕਿ ਇੱਕ ਮੀਟਿੰਗ ਵਿੱਚ ਉਸਦਾ ਅਪਮਾਨ ਕੀਤਾ ਗਿਆ ਅਤੇ ਉਸਦੇ ਵਿਰੁੱਧ ਜਾਤੀਵਾਦੀ ਟਿੱਪਣੀਆਂ ਕੀਤੀਆਂ ਗਈਆਂ।
ਉਸ ‘ਤੇ ਜਾਤੀਵਾਦੀ ਟਿੱਪਣੀਆਂ ਕਰਦਿਆਂ ਕਿਹਾ ਗਿਆ ਕਿ “ਤੁਸੀਂ ਉਡਾਣ ਭਰਨ ਦੇ ਯੋਗ ਨਹੀਂ ਹੋ, ਵਾਪਸ ਜਾਓ ਤੇ ਜੁੱਤੀਆਂ ਗੰਢੋ।”
ਗੁਰੂਗ੍ਰਾਮ ਵਿੱਚ ਮੀਟਿੰਗ ਤੋਂ ਬਾਅਦ, ਸਿਖਲਾਈ ਪਾਇਲਟ ਨੇ ਬੈਂਗਲੁਰੂ ਵਿੱਚ ਆਪਣੇ ਨਾਲ ਵਾਪਰੀ ਘਟਨਾ ਬਾਰੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ। ਕਰਨਾਟਕ ਪੁਲਿਸ ਨੇ ਜ਼ੀਰੋ ਐਫਆਈਆਰ ਦਰਜ ਕਰਕੇ ਗੁਰੂਗ੍ਰਾਮ ਭੇਜ ਦਿੱਤੀ ਹੈ। ਜਿਸ ਤੋਂ ਬਾਅਦ ਗੁਰੂਗ੍ਰਾਮ ਦੇ ਡੀਐਲਐਫ ਫੇਜ਼-1 ਥਾਣੇ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
