ਗਾਂਧੀਨਗਰ, 15 ਜੁਲਾਈ, ਦੇਸ਼ ਕਲਿਕ ਬਿਊਰੋ :
ਅੱਜ ਮੰਗਲਵਾਰ ਸਵੇਰੇ ਗੁਜਰਾਤ ਦੇ ਜੂਨਾਗੜ੍ਹ ਜ਼ਿਲ੍ਹੇ ਵਿੱਚ ਮੁਰੰਮਤ ਦੇ ਕੰਮ ਦੌਰਾਨ ਇੱਕ ਪੁਲ ਦੀ ਵੱਡੀ ਸਲੈਬ ਡਿੱਗ ਗਈ। ਪੁਲ ‘ਤੇ ਮੌਜੂਦ 8 ਲੋਕ 15 ਫੁੱਟ ਹੇਠਾਂ ਡਿੱਗ ਗਏ। ਹਾਲਾਂਕਿ, ਸਾਰਿਆਂ ਨੂੰ ਬਚਾ ਲਿਆ ਗਿਆ ਹੈ।
ਇਹ ਹਾਦਸਾ ਜੂਨਾਗੜ੍ਹ ਵਿੱਚ ਮੰਗਰੋਲ ਤਾਲੁਕਾ ਦੇ ਅਜਾਜ਼ ਪਿੰਡ ਵਿੱਚ ਵਾਪਰਿਆ। ਅਜਾਜ ਪਿੰਡ ਵਿੱਚ ਸਥਿਤ ਪੁਲ ਕੇਸ਼ੋਦ ਨੂੰ ਮਾਧਵਪੁਰ ਨਾਲ ਜੋੜਨ ਵਾਲਾ ਇੱਕ ਮੁੱਖ ਮਾਰਗ ਹੈ, ਜਿੱਥੋਂ ਰੋਜ਼ਾਨਾ ਕਈ ਵਾਹਨ ਲੰਘਦੇ ਹਨ।
ਅੱਜ ਸਵੇਰੇ ਪੁਲ ਦੀ ਮੁਰੰਮਤ ਦਾ ਕੰਮ ਚੱਲ ਰਿਹਾ ਸੀ। ਫਿਰ ਅਚਾਨਕ ਪੁਲ ਦੀ ਸਲੈਬ ਡਿੱਗ ਗਈ ਅਤੇ ਹਿਟਾਚੀ ਮਸ਼ੀਨ ਜ਼ੋਰਦਾਰ ਆਵਾਜ਼ ਨਾਲ ਹੇਠਾਂ ਡਿੱਗ ਗਈ।
ਕੁਝ ਲੋਕ ਪੁਲ ਦੀ ਸਲੈਬ ‘ਤੇ ਖੜ੍ਹੇ ਸਨ, ਜੋ ਸਲੈਬ ਡਿੱਗਣ ‘ਤੇ ਸਿੱਧੇ ਨਦੀ ਵਿੱਚ ਡਿੱਗ ਗਏ, ਪਰ ਖੁਸ਼ਕਿਸਮਤੀ ਨਾਲ ਕੋਈ ਵੀ ਗੰਭੀਰ ਜ਼ਖਮੀ ਨਹੀਂ ਹੋਇਆ।
ਇਹ ਇੱਕ ਹਫ਼ਤੇ ਵਿੱਚ ਗੁਜਰਾਤ ਵਿੱਚ ਪੁਲ ਡਿੱਗਣ ਦੀ ਦੂਜੀ ਘਟਨਾ ਹੈ। 9 ਜੁਲਾਈ ਨੂੰ ਵਡੋਦਰਾ ਦਾ ਗੰਭੀਰ ਪੁਲ ਢਹਿ ਗਿਆ ਸੀ , ਜਿਸ ਵਿੱਚ 21 ਲੋਕਾਂ ਦੀ ਮੌਤ ਹੋ ਗਈ, ਜਦੋਂ ਕਿ ਇੱਕ ਲਾਪਤਾ ਹੈ।
