30 ਜੁਲਾਈ 2012 ਨੂੰ ਭਾਰਤ ‘ਚ ਇੱਕ ਵੱਡਾ ਪਾਵਰ ਗਰਿੱਡ ਫੇਲ੍ਹ ਹੋਣ ਕਾਰਨ 30 ਕਰੋੜ ਲੋਕਾਂ ਨੂੰ ਬਿਜਲੀ ਤੋਂ ਬਿਨਾਂ ਰਹਿਣਾ ਪਿਆ ਸੀ
ਚੰਡੀਗੜ੍ਹ, 30 ਜੁਲਾਈ, ਦੇਸ਼ ਕਲਿਕ ਬਿਊਰੋ :
ਦੇਸ਼-ਦੁਨੀਆ ‘ਚ 30 ਜੁਲਾਈ ਦਾ ਇਤਿਹਾਸ ਕਈ ਮਹੱਤਵਪੂਰਨ ਘਟਨਾਵਾਂ ਦਾ ਗਵਾਹ ਹੈ। ਕਈ ਮਹੱਤਵਪੂਰਨ ਘਟਨਾਵਾਂ ਇਤਿਹਾਸ ਦੇ ਪੰਨਿਆਂ ‘ਚ ਹਮੇਸ਼ਾ ਲਈ ਦਰਜ ਹੋ ਗਈਆਂ ਹਨ। 30 ਜੁਲਾਈ ਦਾ ਇਤਿਹਾਸ ਇਸ ਪ੍ਰਕਾਰ ਹੈ :-
- 30 ਜੁਲਾਈ 2010 ਨੂੰ ਸਾਇਨਾ ਨੇਹਵਾਲ (ਬੈਡਮਿੰਟਨ) ਨੂੰ ਰਾਜੀਵ ਗਾਂਧੀ ਖੇਲ ਰਤਨ ਤੇ ਸੁਨੀਲ ਛੇਤਰੀ (ਫੁੱਟਬਾਲ), ਝੂਲਨ ਗੋਸਵਾਮੀ (ਕ੍ਰਿਕਟ), ਰਾਜੀਵ ਤੋਮਰ (ਕੁਸ਼ਤੀ) ਸਮੇਤ 15 ਖਿਡਾਰੀਆਂ ਲਈ ਅਰਜੁਨ ਪੁਰਸਕਾਰਾਂ ਦਾ ਐਲਾਨ ਕੀਤਾ ਗਿਆ।
- 2007 ਵਿੱਚ ਇਸ ਦਿਨ ਚੀਨੀ ਵਿਗਿਆਨੀਆਂ ਨੇ ਜ਼ੇਂਗਜ਼ੂ ਵਿੱਚ ਲਗਭਗ 50 ਲੱਖ ਸਾਲ ਪੁਰਾਣੀਆਂ ਚੱਟਾਨਾਂ ਦੀ ਖੋਜ ਕੀਤੀ ਸੀ।
- 30 ਜੁਲਾਈ 2002 ਨੂੰ ਕੈਨੇਡਾ ਨੇ ਅਲ ਕਾਇਦਾ ਸਮੇਤ 7 ਸੰਗਠਨਾਂ ਨੂੰ ਅੱਤਵਾਦੀ ਸੰਗਠਨ ਘੋਸ਼ਿਤ ਕੀਤਾ ਸੀ।
- 2000 ਵਿੱਚ ਇਸ ਦਿਨ ਸੰਯੁਕਤ ਰਾਸ਼ਟਰ ਨੇ ਇਜ਼ਰਾਈਲ ਦੁਆਰਾ ਖਾਲੀ ਕੀਤੇ ਗਏ ਖੇਤਰਾਂ ਵਿੱਚ ਸ਼ਾਂਤੀ ਸੈਨਾਵਾਂ ਤਾਇਨਾਤੀ ਸ਼ੁਰੂ ਕੀਤੀ ਸੀ।
- 30 ਜੁਲਾਈ 1989 ਨੂੰ, ਚਿਲੀ ਨੇ ਆਪਣੇ ਸੰਵਿਧਾਨ ਵਿੱਚ ਸੋਧ ਕੀਤੀ ਸੀ।
- 30 ਜੁਲਾਈ 2012 ਨੂੰ ਭਾਰਤ ‘ਚ ਇੱਕ ਵੱਡਾ ਪਾਵਰ ਗਰਿੱਡ ਫੇਲ੍ਹ ਹੋਣ ਕਾਰਨ 30 ਕਰੋੜ ਲੋਕਾਂ ਨੂੰ ਬਿਜਲੀ ਤੋਂ ਬਿਨਾਂ ਰਹਿਣਾ ਪਿਆ ਸੀ।
- 1982 ਵਿੱਚ ਇਸ ਦਿਨ ਸੋਵੀਅਤ ਯੂਨੀਅਨ ਨੇ ਇੱਕ ਭੂਮੀਗਤ ਪ੍ਰਮਾਣੂ ਪ੍ਰੀਖਣ ਕੀਤਾ ਸੀ।
- 30 ਜੁਲਾਈ 1957 ਨੂੰ ਐਕਸਪੋਰਟ ਰਿਸਕ ਇੰਸ਼ੋਰੈਂਸ ਕਾਰਪੋਰੇਸ਼ਨ ਆਫ਼ ਇੰਡੀਆ (ਪ੍ਰਾਈਵੇਟ) ਲਿਮਟਿਡ ਦੀ ਸਥਾਪਨਾ ਕੀਤੀ ਗਈ ਸੀ।
- 1932 ਵਿੱਚ ਇਸ ਦਿਨ 10ਵੀਆਂ ਆਧੁਨਿਕ ਓਲੰਪਿਕ ਖੇਡਾਂ ਲਾਸ ਏਂਜਲਸ ਅਮਰੀਕਾ ਵਿੱਚ ਸ਼ੁਰੂ ਹੋਈਆਂ ਸਨ।
- 30 ਜੁਲਾਈ 1909 ਨੂੰ ਰਾਈਟ ਬ੍ਰਦਰਜ਼ ਨੇ ਫੌਜ ਲਈ ਪਹਿਲਾ ਜਹਾਜ਼ ਬਣਾਇਆ ਸੀ।
- 1836 ਵਿੱਚ ਇਸ ਦਿਨ ਹਵਾਈ, ਅਮਰੀਕਾ ਵਿੱਚ ਪਹਿਲਾ ਅੰਗਰੇਜ਼ੀ ਭਾਸ਼ਾ ਦਾ ਅਖਬਾਰ ਪ੍ਰਕਾਸ਼ਿਤ ਹੋਇਆ ਸੀ।
- 30 ਜੁਲਾਈ 1923 ਨੂੰ 20ਵੀਂ ਸਦੀ ਦੇ ਚਿੰਤਕ, ਇਤਿਹਾਸਕਾਰ ਅਤੇ ਸੁਹਜ ਸ਼ਾਸਤਰੀ ਗੋਵਿੰਦ ਚੰਦਰ ਪਾਂਡੇ ਦਾ ਜਨਮ ਹੋਇਆ ਸੀ।
- 1886 ਵਿੱਚ ਇਸ ਦਿਨ ਭਾਰਤ ਦੀ ਮਸ਼ਹੂਰ ਮਹਿਲਾ ਡਾਕਟਰ, ਸਮਾਜ ਸੇਵਕਾ ਅਤੇ ਪਦਮ ਭੂਸ਼ਣ ਪੁਰਸਕਾਰ ਜੇਤੂ ਮੁੱਟੂ ਲਕਸ਼ਮੀ ਰੈੱਡੀ ਦਾ ਜਨਮ ਹੋਇਆ ਸੀ।