ਹੜ੍ਹਾਂ ਦੀ ਮਾਰ : ਮੰਤਰੀ ਦੇ ਗਲ ਲੱਗ ਰੋਈਆਂ ਔਰਤ, ਸਾਡਾ ਸਭ ਕੁਝ ਰੁੜ ਗਿਆ

ਗੁਰਦਾਸਪੁਰ, 1 ਸਤੰਬਰ, ਦੇਸ਼ ਕਲਿੱਕ ਬਿਓਰੋ :

ਪੰਜਾਬ ਵਿੱਚ ਕੁਦਰਤ ਨੇ ਕਹਿਰ ਢਾਹਿਆ ਹੋਇਆ ਹੈ। ਪੰਜਾਬ ਦੇ ਕਈ ਜ਼ਿਲ੍ਹੇ ਹੜ੍ਹ ਦੀ ਮਾਰ ਹੇਠ ਹਨ। ਲੋਕਾਂ ਦਾ ਸਭ ਕੁਝ ਢਹਿ ਢੇਰੀ ਹੋ ਗਿਆ ਹੈ। ਅੱਜ ਜਦੋਂ ਕੈਬਨਿਟ ਮੰਤਰੀ ਲਾਲ ਚੰਦ ਕਟਾਰੂਚੱਕ ਭੋਆ ਹਲਕੇ ਵਿੱਚ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕਰ ਰਹੇ ਸਨ ਤਾਂ ਪੀੜਤ ਔਰਤਾਂ ਗਲ ਲੱਗ ਕੇ ਰੋਈਆ। ਪੀੜਤ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਘਰ, ਪਸ਼ੂ ਸਭ ਕੁਝ ਪਾਣੀ ਵਿੱਚ ਵਹਿ ਗਏ। ਕੈਬਨਿਟ ਮੰਤਰੀ ਨੇ ਇਕ ਔਰਤ ਸਿਰ ਚੜ੍ਹੇ ਕਰਜ਼ਾ ਉਤਾਰਨ ਦੀ ਨਿੱਜੀ ਜ਼ਿੰਮੇਵਾਰੀ ਲਈ। ਉਨ੍ਹਾਂ ਕਿਹਾ ਕਿ ਸਰਕਾਰ ਵੱਲੋਂ ਹਰ ਤਰ੍ਹਾਂ ਦੀ ਮਦਦ ਕੀਤੀ ਜਾਵੇਗੀ। ਉਨ੍ਹਾਂ ਲੋਕਾਂ ਨੂੰ ਮਦਦ ਹਰ ਤਰ੍ਹਾਂ ਦੀ ਮਦਦ ਦਾ ਭਰੋਸਾ ਦਿੱਤਾ।