ਪਾਣੀ ਸਿਹਤ ਲਈ ਪੀਣਾ ਬਹੁਤ ਜ਼ਰੂਰੀ ਹੈ। ਘੱਟ ਪਾਣੀ ਪੀਣ ਨਾਲ ਸਾਨੂੰ ਕਈ ਸਮੱਸਿਆਵਾਂ (Problems) ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਪਾਣੀ ਮਹੱਤਵਪੂਰਨ ਸਰੀਰਕ ਕਿਰਿਆਵਾਂ ਨੂੰ ਕਰਨ ਵਿੱਚ ਸਾਡੀ ਬਹੁਤ ਮਦਦ ਕਰਦਾ ਹੈ। ਜੇਕਰ ਘੱਟ ਪਾਣੀ (drinking less water) ਪੀਂਦੇ ਹਾਂ ਤਾਂ ਸਾਨੂੰ ਕਈ ਸਮੱਸਿਆਵਾਂ ਦਾ ਵੀ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਘੱਟ ਪਾਣੀ ਪੀਣ ਕਾਰਨ ਹੋ ਸਕਦੀਆਂ ਸਮੱਸਿਆਵਾਂ :
ਊਰਜਾ ਦਾ ਘੱਟ ਜਾਣਾ : ਘੱਟ ਪਾਣੀ ਪੀਣ ਨਾਲ ਊਰਜਾ ਵਿੱਚ ਕਮੀ ਆਉਂਦੀ ਹੈ। ਇਸ ਕਾਰਨ ਹਰ ਸਮੇਂ ਥਕਾਵਟ ਮਹਿਸੂਸ ਹੁੰਦੀ ਰਹਿੰਦੀ ਹੈ।
ਚਮੜੀ ਨੂੰ ਨੁਕਸਾਨ : ਜਿਹੜੇ ਲੋਕ ਪਾਣੀ ਜ਼ਿਆਦਾ ਪੀਂਦੇ ਹਨ ਉਨ੍ਹਾਂ ਦੀ ਚਮੜੀ ਵਿਚ ਲਚੀਲਾਪਨ ਜ਼ਿਆਦਾ ਹੁੰਦਾ ਹੈ। ਯੋਗ ਪਾਣੀ ਨਾ ਪੀਣ ਨਾਲ ਉਮਰ ਵੱਧਣ ਦੇ ਪ੍ਰਭਾਵ ਵਧ ਸਕਦੇ ਹਨ। ਪਾਣੀ ਦੀ ਕਮੀ ਨਾਲ ਮਹੀਨ ਰੇਖਾਵਾਂ ਅਤੇ ਝੁਰੜੀਆਂ ਪੈ ਸਕਦੀਆਂ ਹਨ। ਇਸ ਲਈ ਲੋਕਾਂ ਨੂੰ ਚਮੜੀ ਦੀ ਦੇਖਭਾਲ ਲਈ ਮਾਈਸਚਰਾਈਜਿੰਗ ਅਤੇ ਹਾਈਡ੍ਰੇਟਿੰਗ ਉਤਪਾਦਾਂ ਦੀ ਲੋੜ ਹੁੰਦੀ ਹੈ ਤਾਂ ਕਿ ਮੁਲਾਇਮ ਅਤੇ ਕੋਮਲ ਦਿਖਾਈ ਦੇਵੇ।
ਧੀਮਾ ਮੇਟਾਬਾਲੀਜ਼ਿਮ : ਸਰੀਰ ਦੇ ਹਰੇਕ ਕੰਮ ਲਈ ਪਾਣੀ ਬਹੁਤ ਜ਼ਰੂਰੀ ਹੁੰਦਾ ਹੈ, ਇਸ ਲਈ ਜਦੋਂ ਤੁਸੀਂ ਡਿਹਾਈਡ੍ਰੇਟੇਡ ਹੁੰਦੇ ਹੋ, ਤਾਂ ਮੇਟਾਬਾਲੀਜ਼ਿਮ ਸਵਾਭਾਵਿਕ ਤੌਰ ਉਤੇ ਹੌਲੀ ਹੋ ਜਾਂਦਾ ਹੈ ਅਤੇ ਇਸ ਨਾਲ ਊਰਜਾ ਦਾ ਪੱਧਰ ਵੀ ਹੌਲੀ ਹੁੰਦਾ ਹੈ।
ਸਿਰ ਦਰਦ : ਤੁਹਾਡੇ ਦਿਮਾਗ ਨੂੰ ਪਾਣੀ ਦੀ ਬਹੁਤ ਲੋੜ ਹੁੰਦੀ ਹੈ, ਇਸ ਲਈ ਜਦੋਂ ਇਸਦੀ ਘਾਟ ਹੁੰਦੀ ਹੈ ਤਾਂ ਇਸ ਨਾਲ ਸਿਰਦਰਦ ਅਤੇ ਥਕਾਨ ਹੋ ਸਕਦੀ ਹੈ। ਇਸ ਲਈ ਦਵਾਈ ਲੈਣ ਤੋਂ ਪਹਿਲਾਂ ਥੋੜਾ ਪਾਣੀ ਪੀਓ ਅਤੇ ਆਰਾਮ ਕਰੋ।
ਸਟ੍ਰੋਕ ਦਾ ਡਰ : ਜਰਨਲ ਆਫ ਕਿਲਨਿਕਲ ਨਿਊਰੋਸਾਇੰਸ ਵਿੱਚ 2020 ਵਿੱਚ ਪ੍ਰਕਾਸ਼ਿਤ ਇਕ ਅਧਿਆਨ ਅਨੁਸਾਰ, ਡਿਹਾਈਡ੍ਰੇਸ਼ਨ ਸਟ੍ਰੋਕ ਦੇ ਜੋਖਿਮ ਨੂੰ ਵੀ ਵਧਾਉਂਦਾ ਹੈ ਅਤੇ ਜਦੋਂ ਤੁਹਾਨੂੰ ਸਟ੍ਰੋਕ ਹੁੰਦਾ ਹੈ, ਤਾਂ ਰਿਕਵਰੀ ਦਾ ਸਮਾਂ ਵੀ ਵਧ ਸਕਦਾ ਹੈ।
ਇਕ ਦਿਨ ਵਿੱਚ ਕਿੰਨਾਂ ਪਾਣੀ ਪੀਣਾ ਚਾਹੀਦਾ?
ਇਕ ਦਿਨ ਵਿੱਚ ਕਿੰਨਾ ਪਾਣੀ ਪੀਣਾ ਚਾਹੀਦਾ, ਇਹ ਕਈ ਗੱਲਾਂ ਉਤੇ ਨਿਰਭਰ ਕਰਦਾ ਹੈ। ਜਿਵੇਂ ਪੁਰਸ਼ਾਂ ਨੂੰ ਔਰਤਾਂ ਦੇ ਮੁਕਾਬਲੇ ਜ਼ਿਆਦਾ ਪਾਣੀ ਦੀ ਲੋੜ ਹੁੰਦੀ ਹੈ। ਜੇਕਰ ਤੁਸੀਂ ਕੰਮ ਕਰਦੇ ਹੈ ਜਾਂ ਸ਼ਰੀਰਿਕ ਤੌਰ ਉਤੇ ਸਰਗਰਮ ਹੈ, ਤਾਂ ਤੁਹਾਨੂੰ ਜ਼ਿਆਦਾ ਪਾਣੀ ਪੀਣਾ ਚਾਹੀਦਾ। ਪ੍ਰੰਤੂ ਇਕ ਦਿਨ ਵਿੱਚ ਘੱਟ ਤੋਂ ਘੱਟ ਢਾਈ ਤੋਂ ਲੈ ਕੇ ਤਿੰਨ ਲੀਟਰ ਤੱਕ ਪਾਣੀ ਪੀਣਾ ਚਾਹੀਦਾ।