- ਮੁੱਖ ਮੰਤਰੀ ਸਮੇਤ, ਪਟੇਲ ਭਾਈਚਾਰੇ ਦੇ ਅੱਠ ਮੰਤਰੀ ਸ਼ਾਮਿਲ
ਗੁਜਰਾਤ, 17 ਅਕਤੂਬਰ: ਦੇਸ਼ ਕਲਿੱਕ ਬਿਊਰੋ:
ਗੁਜਰਾਤ ਵਿੱਚ, ਭਾਜਪਾ ਨੇ ਸਿਰਫ਼ ਤਿੰਨ ਸਾਲਾਂ ਵਿੱਚ ਮੁੱਖ ਮੰਤਰੀ ਭੂਪੇਂਦਰ ਪਟੇਲ ਨੂੰ ਛੱਡ ਕੇ ਲਗਭਗ ਪੂਰੀ ਕੈਬਨਿਟ ਨੂੰ ਬਦਲ ਦਿੱਤਾ ਹੈ। ਬੀਤੇ ਦਿਨ ਵੀਰਵਾਰ ਨੂੰ, 16 ਮੰਤਰੀਆਂ ਨੇ ਅਸਤੀਫਾ ਦੇ ਦਿੱਤਾ, ਅਤੇ ਅੱਜ ਸ਼ੁੱਕਰਵਾਰ ਨੂੰ 26 ਮੰਤਰੀਆਂ ਨੇ ਸਹੁੰ ਚੁੱਕੀ।
ਮੰਤਰੀ ਮੰਡਲ ਵਿੱਚ 19 ਨਵੇਂ ਚਿਹਰੇ ਹਨ, ਜਦੋਂ ਕਿ ਪਿਛਲੀ ਕੈਬਨਿਟ ਵਿੱਚੋਂ ਸਿਰਫ਼ ਛੇ ਮੰਤਰੀ ਬਰਕਰਾਰ ਰੱਖੇ ਹਨ। ਇਸ ਕੈਬਨਿਟ ‘ਚ ਅੱਠ ਓਬੀਸੀ, ਤਿੰਨ ਐਸਸੀ, ਚਾਰ ਐਸਟੀ ਅਤੇ ਤਿੰਨ ਔਰਤਾਂ ਹਨ। ਮੁੱਖ ਮੰਤਰੀ ਸਮੇਤ ਅੱਠ ਮੰਤਰੀ ਪਟੇਲ ਭਾਈਚਾਰੇ ਤੋਂ ਹਨ।
ਜ਼ਿਕਰਯੋਗ ਹੈ ਕਿ ਹਟਾਏ ਗਏ ਮੰਤਰੀਆਂ ‘ਤੇ ਕੋਈ ਦੋਸ਼ ਜਾਂ ਕਾਨੂੰਨੀ ਕੇਸ ਨਹੀਂ ਚੱਲਿਆ। ਇਸ ਦੇ ਬਾਵਜੂਦ, ਵੱਡੇ ਸਰਕਾਰੀ ਫੇਰਬਦਲ ਨੂੰ 2027 ਦੀਆਂ ਗੁਜਰਾਤ ਵਿਧਾਨ ਸਭਾ ਚੋਣਾਂ ਦੀ ਤਿਆਰੀ ਵਜੋਂ ਦੇਖਿਆ ਜਾ ਰਿਹਾ ਹੈ।