ਮੈਲਬਰਨ, 20 ਮਈ, ਦੇਸ਼ ਕਲਿੱਕ ਬਿਓਰੋ :
ਆਸਟਰੇਲੀਆ ਵਿੱਚ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸਨੇ ਸਭ ਨੂੰ ਹੈਰਾਨ ਤੇ ਪ੍ਰੇਸ਼ਾਨ ਕਰ ਦਿੱਤਾ ਹੈ। ਆਸਟਰੇਲੀਆ ਵਿੱਚ ਔਰਤਾਂ ਦੇ ਪਤਿਆਂ ‘ਤੇ ਵਰਤੇ ਹੋਏ ਕੌਡਮ ਅਤੇ ਹੱਥ ਨਾਲ ਲਿਖੇ ਹੋਏ ਪੱਤਰ ਭੇਜੇ ਜਾ ਰਹੇ ਹਨ। ‘ਬੀਬੀਸੀ’ ਦੀ ਖਬਰ ਮੁਤਾਬਕ ਇਹ ਮਾਮਲਾ ਆਸਟਰੇਲੀਆ ਦੇ ਮੈਲਬਰਨ ਦਾ ਹੈ। ਇੱਥੇ ਕਰੀਬ 65 ਔਰਤਾਂ ਨੂੰ ਕਿਸੇ ਅਣਪਛਾਤੇ ਵਿਅਕਤੀ ਵੱਲੋਂ ਵਰਤੇ ਹੋਏ Condam ਦੇ ਨਾਲ ਹੱਥੀਂ ਲਿਖਿਆ ਪੱਤਰ ਭੇਜਿਆ ਜਾ ਰਿਹਾ ਹੈ।
ਇਹ ਘਟਨਾਵਾਂ ਪਿਛਲੇ ਕਰੀਬ 3 ਮਹੀਨਿਆਂ ਤੋਂ ਵਾਪਰ ਰਹੀਆਂ ਹਨ। ਪੁਲਿਸ ਵੱਲੋਂ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕੀਤੀ ਗਈ ਹੈ। ਪੁਲਿਸ ਵੱਲੋਂ ਇਕ ਅਹਿਮ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ। ਦੱਸਿਆ ਗਿਆ ਹੈ ਕਿ ਸਾਰੀਆਂ ਪੀੜਤ ਔਰਤਾਂ ਸਾਲ 1999 ਵਿੱਚ ਕਿਲਬ੍ਰੇਡਾ ਗਰਲ ਕਾਲਜ ਤੋਂ ਪੜ੍ਹੀਆਂ ਹੋਈਆਂ ਹਨ। ਇਹ ਇਕ ਕੜੀ ਹੈ ਜੋ ਸਭ ਨੂੰ ਆਪਸ ਵਿੱਚ ਜੋੜਦੀ ਹੈ। ਪੁਲਿਸ ਨੇ ਇਹ ਵੀ ਦੱਸਿਆ ਕਿ ਇਨ੍ਹਾਂ ਨੂੰ ਟਾਰਗੇਟ ਕਰਕੇ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ। 24 ਸਾਲ ਪਹਿਲਾਂ ਔਰਤਾਂ ਨੇ ਈਅਰਬੁਕ ਵਿੱਚ ਆਪਣੇ ਐਡਰਸ਼ ਲਿਖੇ ਹੋਣਗੇ, ਸਾਇਦ ਉਥੋਂ ਸਾਰਿਆ ਦਾ ਪਤਾ ਲਿਆ ਗਿਆ ਹੋਵੇਗਾ।
ਪੁਲਿਸ ਅਧਿਕਾਰੀ ਸਾਜਰਜਟ ਗ੍ਰਾਂਟ ਲੁਈਸ ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਮਹਿਲਾਵਾਂ ਨੂੰ ਜਾਣਬੁਝ ਕੇ ਦਿਮਾਗੀ ਤੌਰ ਉਤੇ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ। ਅਸਲੀਲ ਸੁਨੇਹੇ ਭੇਜੇ ਜਾ ਰਹੇ ਹਨ। ਅਧਿਕਾਰੀ ਗ੍ਰਾਂਟ ਲੁਈਸ ਨੇ ਦੱਸਿਆ ਕਿ ਜੋ ਵੀ ਅਜਿਹਾ ਕਰ ਰਿਹਾ ਹੈ ਉਸ ਨੂੰ ਇਹ ਸਭ ਕੁਝ ਬੰਦ ਕਰਨਾ ਹੋਵੇਗਾ, ਨਹੀਂ ਅਸੀਂ ਉਸਨੂੰ ਲਭ ਲਵਾਂਗੇ। ਉਨ੍ਹਾਂ ਦੱਸਿਆ ਕਿ ਗੰਭੀਰਤਾ ਨਾਲ ਡੀਐਨਏ ਅਤੇ ਲਿਖਾਈ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਨ੍ਹਾਂ ਜਾਂਚਾਂ ਦੇ ਆਧਾਰ ਉਤੇ ਹੀ ਅਪਰਾਧੀ ਨੂੰ ਫੜ੍ਹਨਾ ਸੋਖਾ ਹੋਵੇਗਾ।