ਨਵੀਂ ਦਿੱਲੀ, 27 ਮਈ, ਦੇਸ਼ ਕਲਿੱਕ ਬਿਓਰੋ :
ਭਲਕੇ 28 ਮਈ ਨੂੰ ਦਿੱਲੀ ਦੇ ਨਵੀਂ ਦਿੱਲੀ ਜ਼ਿਲ੍ਹੇ ਵਿੱਚ ਨਿੱਜੀ ਵਾਹਨਾਂ ਉਤੇ ਰੋਕ ਹੋਵੇਗੀ। ਕੱਲ੍ਹ ਨੂੰ ਦੇਸ਼ ਦੀ ਬਣੀ ਨਵੀਂ ਪਾਰਲੀਮੈਂਟ ਦਾ ਉਦਘਾਟਨ ਸਮਾਰੋਹ ਹੈ। ਇਸ ਨੂੰ ਦੇਖਦੇ ਹੋਏ ਟ੍ਰੈਫਿਕ ਪੁਲਿਸ ਵੱਲੋਂ ਐਡਵਾਇਜ਼ਰੀ ਜਾਰੀ ਕੀਤੀ ਗਈ ਹੈ। ਉਦਘਾਟਨ ਸਮਾਰੋਹ ਵਿਚ ਆਉਣ ਵਾਲੇ ਤਮਾਮ ਵੀਆਈਪੀ ਅਤੇ ਵੀਵੀਆਈਪੀ ਦੀ ਵੱਡੀ ਗਿਣਤੀ ਕਾਰਨ ਨਵੀਂ ਦਿੱਲੀ ਖੇਤਰ ਵਿੱਚ ਨਿੱਜੀ ਵਾਹਨਾਂ ਦੇ ਦਾਖਲ ਹੋਣ ਆਗਿਆ ਨਹੀਂ ਹੋਵੇਗੀ। ਇਹ ਸਵੇਰੇ ਸਾਢੇ ਪੰਜ ਵਜੇ ਤੋਂ ਲੈ ਕੇ ਸ਼ਾਮ ਕਰੀਬ ਚਾਰ ਵਜੇ ਤੱਕ ਪਾਬੰਦੀ ਰਹੇਗੀ।
ਟ੍ਰੈਫਿਕ ਪੁਲਿਸ ਮੁਤਾਬਕ ਮਦਰ ਟੇਰੇਸਾ ਕ੍ਰੀਸੇਂਟ ਰੋਡ, ਤਾਲਕਟੋਰਾ, ਬਾਬਾ ਖੜਕ ਸਿੰਘ ਮਾਰਗ, ਗੋਲ ਡਾਕਖਾਨਾ, ਅਸ਼ੋਕ ਰੋਡ, ਪਟੇਲ ਚੌਂਕ, ਵਿੰਡਸਰ ਪਲੇਸ, ਜਨਪਥ, ਅਕਬਰ ਰੋਡ, ਤਿੰਨ ਮੂਰਤੀ ਮਾਰਗ ਆਦਿ ਖੇਤਰ ਨੂੰ ਰੇਗੂਲੇਟੇਡ ਖੇਤਰ ਮੰਨਿਆ ਜਾਵੇਗਾ। ਇਸ ਖੇਤਰ ਵਿੱਚ ਕੇਵਲ ਸਿਵਿਲ ਸਰਵਿਸ ਇਸਪਾਈਰੇਂਟ, ਸਥਾਨਕ ਵਾਸੀ, ਪਹਿਲਾਂ ਤੋਂ ਜਿੰਨਾਂ ਨੂੰ ਆਗਿਆ ਦਿੱਤੀ ਗਈ ਅਤੇ ਐਂਮਰਜੈਂਸੀ ਵਾਹਨਾਂ ਨੂੰ ਹੀ ਛੋਟ ਦਿੱਤੀ ਜਾਵੇਗੀ।