ਭਾਰਤੀ ਫੌਜ ਵੱਲੋਂ ਵਾਪਸੀ ਦੀ ਮੰਗ
ਈਟਾਨਗਰ, 20 ਜਨਵਰੀ :
ਭਾਰਤੀ ਫੌਜ ਨੇ ਹੌਟਲਾਈਨ ਦੇ ਰਾਹੀਂ ਚੀਨੀ ਪੀਪਲਜ਼ ਲਿਬਰੇਸ਼ਨ ਆਰਮੀ (ਪੀਐਲਏ) ਨਾਲ ਸੰਪਰਕ ਕੀਤਾ ਹੈ ਅਤੇ ਅਰੁਣਚਲ ਪ੍ਰਦੇਸ਼ ਤੋਂ ਅਗਵਾ ਕਿਸ਼ੋਰ ਮਿਰਾਮ ਤਰੋਨ ਦੀ ਵਾਪਸੀ ਦੀ ਮੰਗ ਕੀਤੀ ਹੈ। ਰੱਖਿਆ ਸੂਤਰਾਂ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਕ ਰੱਖਿਆ ਪੀਆਰਓ ਨੇ ਟਵੀਟ ਕੀਤਾ, ਅਰੁਣਚਲ ਪ੍ਰਦੇਸ਼ ਦੇ ਜੋਦੋ ਦੇ 17 ਸਾਲਾ ਮਿਰਾਮ ਤਰੋਨ ਨੂੰ ਕਥਿਤ ਤੌਰ ਉਤੇ ਐਲਏਸੀ ਦੇ ਪਾਰ ਪੀਐਲਏ ਨੇ ਫੜ ਲਿਆ ਹੈ। ਸੂਚਨਾ ਮਿਲਣ ਉਤੇ, ਭਾਰਤੀ ਫੌਜ ਨੇ ਤੁਰੰਤ ਇਕ ਹੌਟਲਾਈਨ ਰਾਹੀਂ ਸੀਐਲਏ ਨਾਲ ਸੰਪਰਕ ਕੀਤਾ। ਪ੍ਰੋਟੋਕਾਲ ਦੇ ਤਹਿਤ ਉਸਦਾ ਪਤਾ ਲਗਾਉਣ ਅਤੇ ਉਸ ਨੂੰ ਵਾਪਸ ਕਰਾਉਣ ਲਈ ਪੀਐਲਏ ਤੋਂ ਮਦਦ ਮੰਗੀ ਗਈ ਹੈ।
ਅਰੁਣਚਲ ਪ੍ਰਦੇਸ਼ ਸਰਕਾਰ ਨੇ ਇਕ ਅਧਿਕਾਰੀ ਨੇ ਕਿਹਾ ਕਿ ਸੂਬਾ ਸਰਕਾਰ ਨੇ ਵੀ ਨੌਜਵਾਨ ਲੜਕੇ ਦੀ ਸੁਰੱਖਿਅਤ ਵਾਪਸੀ ਯਕੀਨੀ ਕਰਨ ਲਈ ਰੱਖਿਆ ਮੰਤਰਾਲੇ ਨੂੰ ਦਖਲਅੰਦਾਜ਼ੀ ਕਰਨ ਦੀ ਮੰਗ ਕੀਤੀ ਹੈ।(ਆਈਏਐਨਐਸ)