ਕਾਠਮੰਡੂ/16 ਮਈ/ਦੇਸ਼ ਕਲਿਕ ਬਿਊਰੋ:
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਸੋਮਵਾਰ ਨੂੰ ਬੁੱਧ ਪੂਰਨਿਮਾ 'ਤੇ ਨੇਪਾਲ ਜਾਣਗੇ। ਉੱਥੇ ਉਹ ਗੌਤਮ ਬੁੱਧ ਦੇ ਜਨਮ ਸਥਾਨ ਲੁੰਬਿਨੀ ਦਾ ਦੌਰਾ ਕਰਨਗੇ। ਪ੍ਰਧਾਨ ਮੰਤਰੀ ਮੋਦੀ ਦੀ ਲੁੰਬੀਨੀ ਫੇਰੀ ਦੌਰਾਨ ਪੰਜ ਸਮਝੌਤਿਆਂ 'ਤੇ ਹਸਤਾਖਰ ਕੀਤੇ ਜਾਣਗੇ। ਪੀਐਮ ਮੋਦੀ ਨੇਪਾਲ ਦੇ ਪ੍ਰਧਾਨ ਮੰਤਰੀ ਸ਼ੇਰ ਬਹਾਦੁਰ ਦੇਉਬਾ ਨਾਲ ਮੁਲਾਕਾਤ ਕਰਨਗੇ।ਪ੍ਰਾਪਤ ਜਾਣਕਾਰੀ ਮੁਤਾਬਕ ਦੋਵਾਂ ਨੇਤਾਵਾਂ ਵਿਚਾਲੇ ਵਿਕਾਸ, ਹਾਈਡਰੋ ਬਿਜਲੀ ਅਤੇ ਦੂਰਸੰਚਾਰ ਵਰਗੇ ਕਈ ਖੇਤਰਾਂ 'ਤੇ ਸਹਿਯੋਗ ਵਧਾਉਣ ਲਈ ਗੱਲਬਾਤ ਹੋ ਸਕਦੀ ਹੈ।ਪੀਐਮ ਮੋਦੀ ਦਿੱਲੀ ਤੋਂ ਕੁਸ਼ੀਨਗਰ ਜਾ ਰਹੇ ਹਨ। ਫਿਰ ਉਥੋਂ ਉਹ ਐਮ-17 ਹੈਲੀਕਾਪਟਰ ਰਾਹੀਂ ਨੇਪਾਲ ਪਹੁੰਚਣਗੇ। ਸ਼ਾਮ ਨੂੰ ਪੀਐਮ ਦਾ ਜਹਾਜ਼ ਕੁਸ਼ੀਨਗਰ ਵਿੱਚ ਹੀ ਉਤਰੇਗਾ, ਜਿੱਥੋਂ ਉਹ ਲਖਨਊ ਜਾਣਗੇ।