ਦਿੱਲੀ-ਸਹਾਰਨਪੁਰ ਰੇਲਵੇ ਰੂਟ ‘ਤੇ ਰੇਲਗੱਡੀ ਪਲਟਾਉਣ ਦੀ ਸਾਜ਼ਿਸ਼

ਨਵੀਂ ਦਿੱਲੀ, 1 ਜੂਨ, ਦੇਸ਼ ਕਲਿਕ ਬਿਊਰੋ :
Delhi-Saharanpur railway route: ਦਿੱਲੀ-ਸਹਾਰਨਪੁਰ ਰੇਲਵੇ ਰੂਟ ‘ਤੇ ਬਲਵਾ ਪਿੰਡ ਦੇ ਨੇੜੇ, ਸ਼ਰਾਰਤੀ ਅਨਸਰਾਂ ਨੇ ਇੱਕ ਰੇਲਗੱਡੀ ਨੂੰ ਪਲਟਾਉਣ ਦੇ ਇਰਾਦੇ ਨਾਲ ਰੇਲਵੇ ਟਰੈਕ ‘ਤੇ 12 ਫੁੱਟ ਲੰਬਾ ਮੋਟਾ ਲੋਹੇ ਦਾ ਪਾਈਪ ਰੱਖ ਦਿੱਤਾ। ਡਰਾਈਵਰ ਨੇ ਆਪਣੀ ਸੂਝ ਬੂਝ ਦਿਖਾਉਂਦੇ ਹੋਏ ਟ੍ਰੇਨ ਨੂੰ ਪਹਿਲਾਂ ਹੀ ਰੋਕ ਦਿੱਤਾ। ਟ੍ਰੇਨ ਲਗਭਗ ਇੱਕ ਘੰਟੇ ਤੱਕ ਜੰਗਲ ਵਿੱਚ ਖੜ੍ਹੀ ਰਹੀ। ਇਸ ਦੌਰਾਨ ਯਾਤਰੀਆਂ ਨੂੰ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ।
ਦਰਅਸਲ ਸ਼ਨੀਵਾਰ ਰਾਤ ਲਗਭਗ 10:30 ਵਜੇ ਟ੍ਰੇਨ ਨੰਬਰ 64021 ਦਿੱਲੀ ਤੋਂ ਸਹਾਰਨਪੁਰ ਜਾ ਰਹੀ ਸੀ। ਜਿਵੇਂ ਹੀ ਟ੍ਰੇਨ ਬਲਵਾ ਪਿੰਡ ਦੇ ਅੰਡਰਪਾਸ ਦੇ ਨੇੜੇ ਪਹੁੰਚੀ, ਡਰਾਈਵਰ ਨੇ ਐਮਰਜੈਂਸੀ ਬ੍ਰੇਕ ਲਗਾ ਕੇ ਟ੍ਰੇਨ ਨੂੰ ਰੋਕ ਦਿੱਤਾ। ਜਦੋਂ ਉਹ ਹੇਠਾਂ ਉਤਰ ਕੇ ਦੇਖਿਆ ਤਾਂ ਰੇਲਵੇ ਟਰੈਕ (Delhi-Saharanpur railway route) ‘ਤੇ 12 ਫੁੱਟ ਲੰਬਾ ਲੋਹੇ ਦਾ ਪਾਈਪ ਰੱਖਿਆ ਹੋਇਆ ਸੀ।