ਇਰਾਨ ਤੋਂ 282 ਭਾਰਤੀਆਂ ਨੂੰ ਲੈ ਕੇ ਇੱਕ ਹੋਰ ਉਡਾਣ ਦਿੱਲੀ ਪਹੁੰਚੀ, ਦੂਤਾਵਾਸ ਨੇ ਨਿਕਾਸੀ ਕਾਰਜ ਕੀਤਾ ਬੰਦ

ਨਵੀਂ ਦਿੱਲੀ, 25 ਜੂਨ, ਦੇਸ਼ ਕਲਿਕ ਬਿਊਰੋ :
282 ਭਾਰਤੀਆਂ ਨੂੰ ਲੈ ਕੇ ਇੱਕ ਉਡਾਣ ਬੀਤੀ ਰਾਤ 12.01 ਵਜੇ ਮਸ਼ਹਦ ਤੋਂ ਦਿੱਲੀ ਪਹੁੰਚੀ।
ਇਸ ਦੌਰਾਨ ਇਰਾਨ ਵਿੱਚ ਭਾਰਤੀ ਦੂਤਾਵਾਸ ਨੇ ਕਿਹਾ ਕਿ ਉਹ ਈਰਾਨ ਅਤੇ ਇਜ਼ਰਾਈਲ ਵਿਚਕਾਰ ਫੌਜੀ ਟਕਰਾਅ ਦੌਰਾਨ ਸ਼ੁਰੂ ਹੋਏ ਨਿਕਾਸੀ ਕਾਰਜ ਨੂੰ ਬੰਦ ਕਰ ਰਿਹਾ ਹੈ, ਕਿਉਂਕਿ ਦੋਵਾਂ ਦੇਸ਼ਾਂ ਵਿਚਕਾਰ ਜੰਗਬੰਦੀ ਹੋ ਗਈ ਹੈ। ਦੂਤਾਵਾਸ ਨੇ ਨਿਕਾਸੀ ਲਈ ਨਵੇਂ ਨਾਮ ਦਰਜ ਕਰਨ ਲਈ ਖੋਲ੍ਹਿਆ ਗਿਆ ਡੈਸਕ ਬੰਦ ਕਰ ਦਿੱਤਾ ਹੈ।
ਹਾਲਾਂਕਿ, X ‘ਤੇ ਇੱਕ ਪੋਸਟ ਵਿੱਚ, ਦੂਤਾਵਾਸ ਨੇ ਲਿਖਿਆ ਕਿ ਭਾਰਤ ਸਥਿਤੀ ‘ਤੇ ਨੇੜਿਓਂ ਨਜ਼ਰ ਰੱਖ ਰਿਹਾ ਹੈ ਅਤੇ ਜੇਕਰ ਭਾਰਤੀਆਂ ਨੂੰ ਕੋਈ ਖ਼ਤਰਾ ਹੋਇਆ, ਤਾਂ ਉਹ ਆਪਣੀ ਰਣਨੀਤੀ ਬਦਲ ਦੇਵੇਗਾ।