ਮੋਰਿੰਡਾ: 8 ਜੁਲਾਈ, ਭਟੋਆ
ਡਾ.ਬਲਵਿੰਦਰ ਕੌਰ ਸਿਵਲ ਸਰਜਨ ਰੂਪਨਗਰ ਦੇੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਤੇ ਡਾ.ਗੋਬਿੰਦ ਟੰਡਨ ਸੀਨੀਅਰ ਮੈਡੀਕਲ ਅਫਸਰ ਦੀ ਅਗਵਾਈ ਹੇਠ ਅਯੁਸ਼ਮਾਨ ਆਰੋਗਿਆ ਕੇਂਦਰ ਚਤਾਮਲੀ (Ayushman Arogya Kendra Chatamali) ਵਿਖੇ ਨੈਸ਼ਨਲ ਕੁਆਲਿਟੀ ਐਸ਼ੋਰੈਂਸ ਸਟੈਂਡਰਡ ਦੇ ਅਧੀਨ ਰਾਸ਼ਟਰੀ ਮਿਆਰੀ ਅਸੈਸਮੈਂਟ ਸਫਲਤਾਪੂਰਵਕ ਕਰਵਾਇਆ ਗਿਆ।ਇਸ ਮੌਕੇ ਤੇ ਹਰਵਿੰਦਰ ਸਿੰਘ ਬੀ.ਈ.ਈ ਨੇ ਦਸਿਆ ਕਿ ਇਸ ਅਸੈਸਮੈਂਟ ਦੌਰਾਨ ਨਿਰਧਾਰਿਤ ਟੀਮ ਵੱਲੋਂ ਕੇਂਦਰ ਦੀ ਸੇਵਾਵਾਂ, ਵਿਵਸਥਾ, ਸਫਾਈ, ਰਿਕਾਰਡ ਰੱਖਣ ਅਤੇ ਮਰੀਜ਼ਾਂ ਦੀ ਸੰਤੁਸ਼ਟੀ ਆਦਿ ਮਾਪਦੰਡਾਂ ਦੀ ਗਹਿਰਾਈ ਨਾਲ ਜਾਂਚ ਕੀਤੀ ਗਈ।ਇਸ ਅਸੈਸਮੈਂਟ ਵਿੱਚ ਸਿਹਤ ਕੇਂਦਰ ਚਤਾਮਲੀ (Chatamali) ਦੀ ਟੀਮ ਨੇ ਪੂਰੀ ਤਨਦੇਹੀ ਅਤੇ ਸਮਰਪਣ ਨਾਲ ਭਾਗ ਲਿਆ। Ayushman Arogya Kendra ਇੰਚਾਰਜ ਸੀ.ਐਚ.ਓ ਹਰਜੀਤ ਕੌਰ, ਏ.ਐਨ.ਐਮ ਲਖਵਿੰਦਰ ਕੌਰ , ਆਸ਼ਾ ਵਰਕਰਜ਼ ਅਤੇ ਹੋਰ ਸਟਾਫ ਨੇ ਸਹਿਯੋਗੀ ਭੂਮਿਕਾ ਨਿਭਾਈ। ਅਸੈਸਮੈਂਟ ਟੀਮ ਵੱਲੋਂ ਕੇਂਦਰ ਦੀ ਸਫਾਈ, ਮਰੀਜ਼-ਮਿੱਤਰ ਵਾਤਾਵਰਨ, ਸੇਵਾਵਾਂ ਦੀ ਉਪਲਬਧਤਾ, ਐਮਰਜੈਂਸੀ ਤਿਆਰੀ, ਮੈਡੀਕਲ ਰਿਕਾਰਡ ਸਹੀ ਰੱਖਣ ਅਤੇ ਆਉਣ ਵਾਲੇ ਮਰੀਜ਼ਾਂ ਦੀ ਸੰਤੁਸ਼ਟੀ ਸੰਬੰਧੀ ਪ੍ਰਸ਼ੰਸਾ ਕੀਤੀ ਗਈ।ਇਸ ਮੌਕੇ ਤੇ ਡਾ.ਗੋਬਿੰਦ ਟੰਡਨ ਨੇ ਦਸਿਆ ਕਿ ਸਿਹਤ ਮੰਤਰਾਲਾ ਭਾਰਤ ਸਰਕਾਰ ਵੱਲੋਂ ਨਿਰਧਾਰਤ ਐਨਕਿਊਏਐਸ ਮਿਆਰੀ ਪ੍ਰਣਾਲੀ ਅਨੁਸਾਰ ਸੇਵਾਵਾਂ ਦੀ ਗੁਣਵੱਤਾ ਨੂੰ ਲਗਾਤਾਰ ਬਿਹਤਰ ਬਣਾਉਣ ਲਈ ਸਿਹਤ ਵਿਭਾਗ ਦੀ ਟੀਮ ਵਚਨਬੱਧ ਹੈ। ਇਸ ਮੌਕੇ ਤੇ ਡਾ.ਸਚਿਨ ਕੁਮਾਰ ਨੇ ਕਿਹਾ ਕਿ ਸਿਹਤ ਕੇਂਦਰ ਚਤਾਮਲੀ ਨੂੰ ਇਹ ਅਸੈਸਮੈਂਟ ਇੱਕ ਨਵੀਂ ਪ੍ਰੇਰਨਾ ਦੇਵੇਗਾ ਤਾਂ ਜੋ ਸਥਾਨਕ ਵਾਸੀਆਂ ਨੂੰ ਹੋਰ ਵਧੀਆ ਸਿਹਤ ਸੇਵਾਵਾਂ ਮਿਲ ਸਕਣ।ਸਥਾਨਕ ਪੱਧਰ ‘ਤੇ ਲੋਕਾਂ ਨੇ ਵੀ ਸਿਹਤ ਕੇਂਦਰ ਦੀਆਂ ਸੇਵਾਵਾਂ ਅਤੇ ਸਟਾਫ ਦੇ ਵਿਹਾਰ ਦੀ ਪੂਰੀ ਪ੍ਰਸ਼ੰਸਾ ਕੀਤੀ। ਇਸ ਮੌਕੇ ਤੇ ਕਿਰਪਾਲ ਕੌਰ ਐਲ.ਐਚ.ਵੀ,ਰਾਮਸਰਨ ਸਿੰਘ ਹੈਲਥ ਸੁਪਰਵਾਈਜ਼ਰ,ਨਰਿੰਦਰਪਾਲ ਸਿੰਘ,ਲਖਵਿੰਦਰ ਕੌਰ ਏ.ਐਨ.ਐਮ,ਕੰਤਪਾਲ ਕੌਰ,ਬਖਸ਼ਿੰਦਰ ਕੌਰ ਆਸ਼ਾ ਫੈਸਿਲੀਟੇਟਰ,ਮਨਪ੍ਰੀਤ ਸਿੰਘ ਹੈਲਥ ਵਰਕਰ,ਗੁਰਿੰਦਰ ਸਿੰਘ ਹੈਲ਼ਥ ਵਰਕਰ ਅਤੇ ਸਮੂਹ ਆਸ਼ਾ ਵਰਕਰਜ਼ ਹਾਜਰ ਸਨ।