ਅਮਰਾਵਤੀ, 14 ਜੁਲਾਈ, ਦੇਸ਼ ਕਲਿਕ ਬਿਊਰੋ :
ਅੱਜ ਇੱਕ ਭਿਆਨਕ ਹਾਦਸਾ ਵਾਪਰਨ ਦੀ ਖ਼ਬਰ ਸਾਹਮਣੇ ਆਈ ਹੈ।ਮਿਲੀ ਜਾਣਕਾਰੀ ਅਨੁਸਾਰ ਅੰਬਾਂ ਨਾਲ ਭਰੇ ਇੱਕ ਟਰੱਕ ਦੇ ਹਾਦਸਾਗ੍ਰਸਤ ਹੋਣ ਕਾਰਨ ਨੌਂ ਲੋਕਾਂ ਦੀ ਮੌਤ ਹੋ ਗਈ। ਪੁਲਿਸ ਨੇ ਸੋਮਵਾਰ ਨੂੰ ਦੱਸਿਆ ਆਂਧਰਾ ਪ੍ਰਦੇਸ਼ ਦੇ ਅੰਨਮੱਈਆ ਜ਼ਿਲ੍ਹੇ ਵਿੱਚ ਦੇ ਰੈਡੀਚੇਰੂਵੂ ਨੇੜੇ ਅੰਬਾਂ ਨਾਲ ਭਰਿਆ ਟਰੱਕ ਇੱਕ ਮਿੰਨੀ ਟਰੱਕ ‘ਤੇ ਪਲਟ ਗਿਆ, ਜਿਸ ਕਾਰਨ ਨੌਂ ਲੋਕਾਂ ਦੀ ਮੌਤ ਹੋ ਗਈ ਅਤੇ ਗਿਆਰਾਂ ਹੋਰ ਜ਼ਖਮੀ ਹੋ ਗਏ। ਅੰਬਾਂ ਨਾਲ ਭਰੇ ਟਰੱਕ ਵਿੱਚ 20 ਤੋਂ ਵੱਧ ਲੋਕ ਸਵਾਰ ਸਨ। ਇਹ ਹਾਦਸਾ ਐਤਵਾਰ ਦੇਰ ਰਾਤ ਵਾਪਰਿਆ। ਇੱਕ ਪੁਲਿਸ ਅਧਿਕਾਰੀ ਨੇ ਕਿਹਾ, “ਇਹ ਉਦੋਂ ਵਾਪਰਿਆ ਜਦੋਂ ਇੱਕ ਟਰੱਕ ਦਾ ਪਿਛਲਾ ਪਹੀਆ ਰੇਤ ਵਿੱਚ ਫਸ ਗਿਆ ਅਤੇ ਇਹ ਸੰਤੁਲਨ ਗੁਆ ਬੈਠਾ ਅਤੇ ਇੱਕ ਮਿੰਨੀ ਟਰੱਕ ‘ਤੇ ਡਿੱਗ ਗਿਆ।”
ਮੁੱਖ ਮੰਤਰੀ ਐਨ. ਚੰਦਰਬਾਬੂ ਨਾਇਡੂ ਨੇ ਬੀਤੀ ਰਾਤ ਅੰਨਮੱਈਆ ਜ਼ਿਲ੍ਹੇ ਦੇ ਪੁਲਮਪੇਟ ਮੰਡਲ ਵਿੱਚ ਰੈਡੀਚੇਰੂਵੂ ਕੱਟਾ ਨੇੜੇ ਅੰਬਾਂ ਨਾਲ ਭਰੇ ਇੱਕ ਟਰੱਕ ਦੇ ਪਲਟਣ ਨਾਲ ਨੌਂ ਲੋਕਾਂ ਦੀ ਮੌਤ ‘ਤੇ ਸੋਗ ਪ੍ਰਗਟ ਕੀਤਾ। ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਤੋਂ ਹਾਦਸੇ ਦੇ ਕਾਰਨਾਂ ਬਾਰੇ ਪੁੱਛਗਿੱਛ ਕੀਤੀ।
