ਮੋਰਿੰਡਾ: 3 ਅਗਸਤ, ਭਟੋਆ
ਆਰੀਆ ਗਰਲਸ ਸੀਨੀਅਰ ਸੈਕਡਰੀ ਸਕੂਲ ਮੋਰਿੰਡਾ ਵਲੋਂ ਤੀਆਂ ਦਾ ਇਤਹਾਸਿਕ ਤਿਉਹਾਰ ਉਤਸ਼ਾਹ ਪੂਰਵਕ ਮਨਾਇਆ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਿੰਸੀਪਲ ਕਮਲਜੀਤ ਕੌਰ ਨੇ ਦੱਸਿਆ ਕਿ ਇਸ ਮੌਕੇ ਪੰਜਾਬੀ ਸੂਟਾਂ ਅਤੇ ਫੁਲਕਾਰੀਆਂ ਵਿਚ ਸਜੀਆਂ ਅਧਿਆਪਕਾਂ ਅਤੇ ਵਿਦਆਰਥਣਾਂ ਨੇ ਗਿੱਧੇ, ਭੰਗੜੇ, ਡਾਂਸ, ਅਤੇ ਗੀਤ ਸੰਗੀਤ ਵਿੱਚ ਭਾਗ ਲਿਆ। ਰੰਗ ਬਿਰੰਗੀਆਂ ਰਵਾਇਤੀ ਪੋਸ਼ਾਕਾਂ ਵਿੱਚ ਸਜੀਆਂ ਅਧਿਆਪਕਾਂ ਅਤੇ ਬੱਚਿਆਂ ਨੇ ਤੀਜ ਦੇ ਗੀਤ ਗਾਏ ਅਤੇ ਪੰਜਾਬੀ ਸਭਿਆਚਾਰ ਨਾਲ ਸਬੰਧਤ ਬੋਲੀਆਂ ਪਾਈਆਂ। ਬੱਚੀਆਂ ਵੱਲੋਂ ਗੀਤ ਗਾਏ, ਗਿੱਧਾ ਤੇ ਡਾਂਸ ਦੀ ਪੇਸ਼ਕਾਰੀ ਪੇਸ਼ ਕੀਤੀ ਗਈ। ਇਸ ਮੌਕੇ ਪੇਸ਼ ਕੀਤੇ ਸਭਿਆਚਾਰਕ ਪ੍ਰੋਗਰਾਮ ਤੋਂ ਪੰਜਾਬ ਦੇ ਵਿਰਸੇ ਦੀ ਝਲਕ ਸਾਫ ਦਿਖਾਈ ਦਿਤੀ ।
ਹੱਥਾਂ ਤੇ ਮਹਿੰਦੀ ਲਗਾ ਕੇ ਸੱਜੀਆਂ ਧਜੀਆਂ ਅਧਿਆਪਕਾ ਅਤੇ ਵਿਦਿਆਰਥਣਾ ਦੁਆਰਾ ਗਾਣਿਆਂ ਉੱਤੇ ਖੂਬ ਡਾਂਸ ਕੀਤਾ । ਇਸ ਸਮੇਂ ਹੱਥਾਂ ਵਿੱਚ ਆਪ ਬਣਾਈਆਂ ਪੱਖੀਆਂ, ਆਪ ਕਢਾਈ ਕੀਤੀਆਂ ਚਾਦਰਾਂ, ਪੀੜੀਆਂ, ਫੜੀਆਂ ਹੋਈਆਂ ਸਨ ਅਤੇ ਕਈ ਵਿਦਿਆਰਥਣਾ ਚਰਖ਼ੇ ਕੱਤ ਰਹੀਆਂ ਸਨ। ਇਸ ਮੌਕੇ ਸਭ ਨੇ ਇੱਕ ਦੂਜੇ ਨੂੰ ਤੀਆਂ ਦੀਆਂ ਵਧਾਈਆਂ ਦਿੱਤੀਆਂ। ਪ੍ਰਿੰਸੀਪਲ ਕਮਲਜੀਤ ਕੌਰ ਨੇ ਆਖਿਆ ਕਿ ਪੰਜਾਬੀ ਸਭਿਆਚਾਰ ਸਾਡੇ ਜੀਵਨ ਦਾ ਅਨਿੱਖੜਵਾਂ ਅੰਗ ਹੈ ਅਤੇ ਤੀਆਂ ਇਹ ਆਪਸੀ ਸਾਂਝ, ਖੁਸ਼ੀਆਂ, ਚਾਵਾਂ ਤੇ ਉਮੰਗਾਂ ਦਾ ਪ੍ਰਤੀਕ ਹੈ। ਇਸ ਮੌਕੇ, ਸਕੂਲ ਦੇ ਮੈਨੇਜਰ ਸਾਕਸ਼ੀ ਸੂਦ ,ਗੁਰਦੀਪ ਕੌਰ, ਹਰਪ੍ਰੀਤ ਸ਼ਰਮਾ, ਪੂਨਮ, ਅੰਬਰਦੀਪ ,ਦਲਵੀਰ ਕੌਰ, ਹਰਜੀਤ ਕੌਰ, ਬੰਧਨਾ, ਸਵਿੰਦਰ ਕੌਰ, ਅਬਨਿੰਦਰ ਕੌਰ, ਆਦੀ ਅਧਿਆਪਕ ਹਾਜ਼ਰ ਸਨ।