ਪਟਿਆਲਾ, 27 ਮਈ: ਮੰਗਲਵਾਰ ਨੂੰ, ਪਟਿਆਲਾ ਵਿੱਚ ਇੱਕ ਜਵਾਨ ਕੁੜੀ ਦੀ ਲਾਸ਼ ਇੱਕ ਨੀਲੇ ਡਰੰਮ ਵਿਚੋਂ ਮਿਲੀ। ਡਰੰਮ ਪਟਿਆਲਾ ਦੀ ਰੇਲਵੇ ਕਲੋਨੀ ਵਿੱਚ ਪਿਆ ਸੀ। ਕਾਤਲਾਂ ਨੇ ਸ਼ੱਕ ਤੋਂ ਬਚਣ ਲਈ ਲਾਸ਼ ਨੂੰ ਡਰੰਮ ਦੇ ਅੰਦਰ ਭਰ ਦਿੱਤਾ ਅਤੇ ਲਾਲ ਢੱਕਣ ਨਾਲ ਢੱਕ ਦਿੱਤਾ, ਫੇਰ ਇਸ ਨੂੰ ਇੱਕ ਖਾਲੀ ਪਲਾਟ ‘ਚ ਸੁੱਟ ਦਿੱਤਾ। ਜਾਣਕਾਰੀ ਮਿਲਣ ਤੋਂ ਤੁਰੰਤ ਬਾਅਦ ਪੁਲਿਸ ਟੀਮਾਂ ਮੌਕੇ ‘ਤੇ ਪਹੁੰਚੀਆਂ।
ਕੁੜੀ ਦੇ ਇੱਕ ਹੱਥ ‘ਤੇ “ਨੇਹਾ” ਲਿਖਿਆ ਹੋਇਆ ਹੈ, ਜਦੋਂ ਕਿ ਦੂਜੇ ਹੱਥ ‘ਤੇ ਦਿਲ ਦਾ ਟੈਟੂ ਹੈ। ਇਸ ਟੈਟੂ ਦੇ ਅੰਦਰ “N” ਅਤੇ “A” ਅੱਖਰ ਉੱਕਰੇ ਹੋਏ ਹਨ। ਔਰਤ ਦੇ ਚਿਹਰੇ ‘ਤੇ ਵੀ ਸੱਟਾਂ ਦੇ ਨਿਸ਼ਾਨ ਹਨ। ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਰਾਜਿੰਦਰਾ ਹਸਪਤਾਲ ਭੇਜ ਦਿੱਤਾ ਗਿਆ ਹੈ। ਪੁਲਿਸ ਔਰਤ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਪੁਲਿਸ ਨੂੰ ਸ਼ੱਕ ਹੈ ਕਿ ਔਰਤ ਦਾ ਕਤਲ ਪ੍ਰੇਮ ਸਬੰਧਾਂ ਕਾਰਨ ਕੀਤਾ ਗਿਆ ਸੀ, ਫੇਰ ਇਸ ਨੂੰ ਡਰੰਮ ਪੈਕ ਕੀਤਾ ਗਿਆ ਸੀ, ਅਤੇ ਫਿਰ ਇੱਥੇ ਸੁੱਟ ਦਿੱਤਾ ਗਿਆ ਸੀ। ਪੁਲਿਸ ਪੂਰੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਨੇੜਲੇ ਇਲਾਕੇ ਦੇ CCTV ਕੈਮਰੇ ਚੈੱਕ ਕਰ ਰਹੀ ਹੈ।