- ਕਨਿਕਾ ਮਾਨ ਦੀ ‘ਬਿੱਗ ਬੌਸ 20’ ਵਿੱਚ ਧਮਾਕੇਦਾਰ ਐਂਟਰੀ, ਸਲਮਾਨ ਬੋਲੇ- ਹੁਣ ਦਿਖੇਗਾ ਅਸਲੀ ‘ਡ੍ਰੈਗਨ ਮੋਡ’
ਮੁੰਬਈ, 8 ਸਤੰਬਰ (ਦੇਸ਼ ਕਲਿੱਕ ਬਿਊਰੋ): ਹਰਿਆਣਾ ਦੇ ਪਾਣੀਪਤ ਤੋਂ ਮਨੋਰੰਜਨ ਜਗਤ ਵਿੱਚ ਆਪਣੀ ਪਛਾਣ ਬਣਾਉਣ ਵਾਲੀ ਅਦਾਕਾਰਾ ਕਨਿਕਾ ਮਾਨ ਨੇ ਰਿਐਲਿਟੀ ਸ਼ੋਅ ‘ਬਿੱਗ ਬੌਸ 20’ ਦੇ ਘਰ ਵਿੱਚ ਐਂਟਰੀ ਕਰ ਲਈ ਹੈ। ਗ੍ਰੈਂਡ ਪ੍ਰੀਮੀਅਰ ਦੌਰਾਨ ਸਲਮਾਨ ਖਾਨ ਨੇ ਕਨਿਕਾ ਦਾ ਸਵਾਗਤ ਕੀਤਾ। ਕਨਿਕਾ ਨੇ ‘ਸ਼ਰਾਰਤ’ ਗੀਤ ’ਤੇ ਸ਼ਾਨਦਾਰ ਪਰਫਾਰਮੈਂਸ ਦੇ ਕੇ ਸ਼ੋਅ ਦੀ ਪਹਿਲੀ ਕੰਟੈਸਟੈਂਟ ਵਜੋਂ ਐਂਟਰੀ ਲਈ।
ਪਰਫਾਰਮੈਂਸ ਤੋਂ ਬਾਅਦ ਸਲਮਾਨ ਖਾਨ ਨੇ ਕਨਿਕਾ ਦੀ ਖੂਬ ਤਾਰੀਫ਼ ਕੀਤੀ ਅਤੇ ਉਸ ਨੂੰ ਹਰਿਆਣਾ ਦੀ ‘ਦੇਸੀ ਛੋਰੀ’ ਵਜੋਂ ਦਰਸ਼ਕਾਂ ਨਾਲ ਰੂਬਰੂ ਕਰਵਾਇਆ। ਮਜ਼ਾਕੀਆ ਅੰਦਾਜ਼ ਵਿੱਚ ਸਲਮਾਨ ਨੇ ਕਿਹਾ ਕਿ ਕਨਿਕਾ ਹੁਣ ‘ਬਿੱਗ ਬੌਸ ਦੀ ਮਹਿਮਾਨ’ ਬਣ ਗਈ ਹੈ ਅਤੇ ਹੁਣ ਘਰ ਵਿੱਚ ਉਸ ਦਾ ਅਸਲੀ ‘ਡ੍ਰੈਗਨ ਮੋਡ’ ਦੇਖਣ ਨੂੰ ਮਿਲੇਗਾ। ਸਲਮਾਨ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੀ ਮਾਂ ਕਨਿਕਾ ਦੀ ਵੱਡੀ ਫੈਨ ਹੈ।
ਪਾਣੀਪਤ ਵਿੱਚ ਹੋਇਆ ਜਨਮ, ਚੰਡੀਗੜ੍ਹ ਤੋਂ ਪੜ੍ਹਾਈ
ਕਨਿਕਾ ਮਾਨ ਦਾ ਜਨਮ ਪਾਣੀਪਤ ਵਿੱਚ ਹੋਇਆ ਹੈ। ਉਸ ਨੇ ਚੰਡੀਗੜ੍ਹ ਦੀ ਪੰਜਾਬ ਯੂਨੀਵਰਸਿਟੀ ਤੋਂ ਪੜ੍ਹਾਈ ਕੀਤੀ। ਮਨੋਰੰਜਨ ਜਗਤ ਵਿੱਚ ਕਰੀਅਰ ਬਣਾਉਣਾ ਉਸ ਲਈ ਸ਼ੁਰੂ ਵਿੱਚ ਆਸਾਨ ਫੈਸਲਾ ਨਹੀਂ ਸੀ। ਪਰਿਵਾਰ ਵੱਲੋਂ ਵੀ ਉਸ ਦੀ ਪੜ੍ਹਾਈ ਅਤੇ ਕਰੀਅਰ ਨੂੰ ਲੈ ਕੇ ਚਿੰਤਾ ਜਤਾਈ ਗਈ ਸੀ। ਹਾਲਾਂਕਿ ਬਾਅਦ ਵਿੱਚ ਪਰਿਵਾਰ ਨੇ ਉਸ ਦਾ ਸਾਥ ਦਿੱਤਾ ਅਤੇ ਕਨਿਕਾ ਨੇ ਮਾਡਲਿੰਗ ਰਾਹੀਂ ਮਨੋਰੰਜਨ ਜਗਤ ਵਿੱਚ ਕਦਮ ਰੱਖਿਆ। ਹੁਣ ‘ਬਿੱਗ ਬੌਸ 20’ ਵਿੱਚ ਉਸ ਦੀ ਐਂਟਰੀ ਨਾਲ ਸ਼ੋਅ ਵਿੱਚ ਉਸ ਦੀ ਸ਼ਖ਼ਸੀਅਤ ਅਤੇ ਖੇਡ ਨੂੰ ਲੈ ਕੇ ਦਰਸ਼ਕਾਂ ਦੀ ਦਿਲਚਸਪੀ ਵਧ ਗਈ ਹੈ।
