ਕਰਨਾਟਕ ਦੇ ਵਿਜੈਪੁਰਾ ਵਿੱਚ ਟ੍ਰੇਨੀ ਜਹਾਜ਼ ਕ੍ਰੈਸ਼

• ਕੈਪਟਨ ਅਤੇ ਟ੍ਰੇਨੀ ਜ਼ਖਮੀ

ਕਰਨਾਟਕ, 8 ਫਰਵਰੀ: ਦੇਸ਼ ਕਲਿੱਕ ਬਿਊਰੋ:

ਐਤਵਾਰ ਨੂੰ ਕਰਨਾਟਕ ਦੇ ਵਿਜੈਪੁਰਾ ਜ਼ਿਲ੍ਹੇ ਦੇ ਬਾਬਲੇਸ਼ਵਰ ਤਾਲੁਕ ਦੇ ਮੰਗਲੂਰ ਪਿੰਡ ਵਿੱਚ ਰੈੱਡ ਬਰਡ ਏਵੀਏਸ਼ਨ ਨਾਲ ਸਬੰਧਤ ਇੱਕ ਨਿੱਜੀ ਟ੍ਰੇਨੀ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਕੈਪਟਨ ਅਤੇ ਇੱਕ ਟ੍ਰੇਨੀ ਪਾਇਲਟ ਸਵਾਰ ਸਨ, ਦੋਵਾਂ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ।

ਸਥਾਨਕ ਨਿਵਾਸੀਆਂ ਨੇ ਪੁਲਿਸ ਨੂੰ ਹਾਦਸੇ ਬਾਰੇ ਸੂਚਿਤ ਕੀਤਾ। ਜਹਾਜ਼ ਕਲਬੁਰਗੀ ਤੋਂ ਬੇਲਾਗਾਵੀ ਜਾ ਰਿਹਾ ਸੀ। ਉਡਾਣ ਦੌਰਾਨ, ਇੰਜਣ ਅਚਾਨਕ ਖਰਾਬ ਹੋ ਗਿਆ, ਜਿਸ ਕਾਰਨ ਪਾਇਲਟ ਕੰਟਰੋਲ ਗੁਆ ਬੈਠਾ ਅਤੇ ਜਹਾਜ਼ ਇੱਕ ਖੇਤ ਵਿੱਚ ਕਰੈਸ਼ ਹੋ ਗਿਆ।

ਜਹਾਜ਼ ਦੋ-ਸੀਟਰ ਸੇਸਨਾ 172 ਮਾਡਲ ਸਿਖਲਾਈ ਜਹਾਜ਼ ਸੀ। ਸ਼ੁਰੂਆਤੀ ਜਾਂਚ ਵਿੱਚ ਇੰਜਣ ਦੇ ਫ਼ੇਲ੍ਹ ਹੋਣ ਜਾਂ ਫਿਊਲ ਦੀ ਘਾਟ ਹਾਦਸੇ ਦਾ ਕਾਰਨ ਲੱਗ ਰਹੇ ਹਨ। ਬਾਬਲੇਸ਼ਵਰ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।