- ਸੋਸ਼ਲ ਮੀਡੀਆ ‘ਤੇ ਚਰਚਾਵਾਂ ਤੇਜ਼
- ਪਰ ਅਧਿਕਾਰਿਤ ਪੁਸ਼ਟੀ ਨਹੀਂ
ਨਵੀਂ ਦਿੱਲੀ: ਹਾਰਦਿਕ ਪੰਡਯਾ ਹਾਲ ਹੀ ਵਿੱਚ ਸੱਟ ਕਾਰਨ ਆਈਪੀਐਲ 2026 ਦੇ ਕੁਝ ਮੈਚਾਂ ਤੋਂ ਬਾਹਰ ਰਿਹਾ ਹੈ। ਇਸ ਦੌਰਾਨ, ਸੋਸ਼ਲ ਮੀਡੀਆ ‘ਤੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਹ ਅਤੇ ਉਸਦੀ ਪ੍ਰੇਮਿਕਾ ਮਾਹਿਕਾ ਸ਼ਰਮਾ ਵਿਆਹ ਕਰਵਾ ਸਕਦੇ ਹਨ। ਹਾਲਾਂਕਿ, ਕਿਸੇ ਵੀ ਧਿਰ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਗਿਆ ਹੈ।
ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਵਿੱਚ ਦਾਅਵਾ ਕੀਤਾ ਕਿ ਮਾਹਿਕਾ ਮੈਚਾਂ ਦੌਰਾਨ ਸਟੇਡੀਅਮ ਵਿੱਚ ਲਗਾਤਾਰ ਮੌਜੂਦ ਰਹਿੰਦੀ ਸੀ, ਅਤੇ ਹਾਰਦਿਕ ਮੈਚ ਤੋਂ ਬਾਅਦ ਸਿੱਧਾ ਉਸ ਕੋਲ ਜਾਂਦਾ ਸੀ। ਪੋਸਟ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਲੀਕ ਹੋਈ ਟੀਮ ਚਰਚਾ ਦੀਆਂ ਸ਼ਿਕਾਇਤਾਂ ਤੋਂ ਬਾਅਦ, ਬੀਸੀਸੀਆਈ ਨੇ ਖਿਡਾਰੀਆਂ ਦੀਆਂ ਪ੍ਰੇਮਿਕਾਵਾਂ ਦੇ ਟੀਮ ਕੈਂਪ ਵਿੱਚ ਦਾਖਲ ਹੋਣ ‘ਤੇ ਪਾਬੰਦੀਆਂ ਸਖ਼ਤ ਕਰ ਦਿੱਤੀਆਂ ਹਨ। ਇਹ ਦਾਅਵਾ ਕੀਤਾ ਗਿਆ ਸੀ ਕਿ ਹਾਰਦਿਕ ਇਨ੍ਹਾਂ ਨਿਯਮਾਂ ਤੋਂ ਨਾਰਾਜ਼ ਸੀ ਅਤੇ ਇਸ ਕਾਰਨ ਵਿਆਹ ਕਰਨ ਦਾ ਫੈਸਲਾ ਲਿਆ ਗਿਆ। ਹਾਲਾਂਕਿ, ਇਨ੍ਹਾਂ ਦਾਅਵਿਆਂ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ। ਸੋਸ਼ਲ ਮੀਡੀਆ ‘ਤੇ ਬਹੁਤ ਸਾਰੇ ਉਪਭੋਗਤਾ ਇਨ੍ਹਾਂ ਵਾਇਰਲ ਪੋਸਟਾਂ ਨੂੰ ਫੇਕ ਵੀ ਕਹਿ ਰਹੇ ਹਨ।
ਦੱਸ ਦਈਏ ਕਿ ਹਾਰਦਿਕ ਨੇ ਮਈ 2020 ਵਿੱਚ ਨਤਾਸ਼ਾ ਸਟੈਂਕੋਵਿਚ ਨਾਲ ਵਿਆਹ ਕੀਤਾ ਸੀ। ਉਸੇ ਸਾਲ, ਨਤਾਸ਼ਾ ਨੇ 30 ਜੁਲਾਈ, 2020 ਨੂੰ ਆਪਣੇ ਪੁੱਤਰ, ਅਗਸਤਯ ਨੂੰ ਜਨਮ ਦਿੱਤਾ। ਇਹ ਜੋੜਾ 2024 ਵਿੱਚ ਵੱਖ ਹੋ ਗਿਆ ਸੀ। ਹਾਰਦਿਕ ਹੁਣ ਮਾਹਿਕਾ ਸ਼ਰਮਾ ਨੂੰ ਡੇਟ ਕਰ ਰਿਹਾ ਹੈ।