ਮੋਹਾਲੀ: ਮੋਹਾਲੀ ਵਿੱਚ, ਸਾਢੇ 4 ਸਾਲ ਦੀ ਇੱਕ ਬੱਚੀ ਨੂੰ ਦਿਨ-ਦਿਹਾੜੇ ਉਸਦੇ ਦਾਦਾ-ਦਾਦੀ ਤੋਂ ਅਗਵਾ ਕਰ ਲਿਆ ਗਿਆ। ਇੱਕ ਕਾਰ ਵਿੱਚ ਸਵਾਰ ਲੋਕ ਜ਼ਬਰਦਸਤੀ ਬੱਚੀ ਨੂੰ ਚੁੱਕ ਕੇ ਲੈ ਗਏ। ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ, ਜਿਸ ਵਿੱਚ ਬੱਚੀ ਦਾਦਾ-ਦਾਦੀ ਨਾਲ ਸਕੂਟਰੀ ‘ਤੇ ਸੀ। ਦੋ ਨੌਜਵਾਨ ਇੱਕ ਮੋਟਰ ਸਾਈਕਲ ‘ਤੇ ਆਏ ਅਤੇ ਬੱਚੀ ਨੂੰ ਖੋਹਣ ਦੀ ਕੋਸ਼ਿਸ਼ ਕੀਤੀ, ਪਰ ਸਕੂਟਰੀ ਡਿੱਗ ਗਈ।
ਇਸ ਦੌਰਾਨ, ਇੱਕ ਕਾਰ ਆਈ ਅਤੇ ਉਸ ਵਿੱਚੋਂ ਆਏ ਆਦਮੀਆਂ ਨੇ ਬੱਚੀ ਨੂੰ ਚੁੱਕ ਲਿਆ। ਦਾਦਾ-ਦਾਦੀ ਬੱਚੀ ਨੂੰ ਛੁਡਾਉਣ ਦੀ ਕੋਸ਼ਿਸ਼ ਕਰਨ ਲਈ ਕਾਰ ਨਾਲ ਲਟਕ ਗਏ, ਪਰ ਡਰਾਈਵਰ ਕਰ ਲੈ ਕੇ ਭੱਜ ਗਿਆ। ਬੱਚੀ ਦੇ ਪਿਤਾ ਨੇ ਦੱਸਿਆ ਕਿ ਉਸਦੀ ਮਾਂ ਦੇ ਪੱਟ ਵਿੱਚ ਫਰੈਕਚਰ ਅਤੇ ਉਸਦੇ ਪਿਤਾ ਦੀ ਬਾਂਹ ਟੁੱਟ ਗਈ ਹੈ। ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ।
ਐਸਪੀ ਮਨਪ੍ਰੀਤ ਸਿੰਘ ਨੇ ਦੱਸਿਆ ਕਿ ਬੱਚੀ ਨੂੰ ਉਸਦੀ ਮਾਂ ਅਤੇ ਮਾਮੇ ਨੇ ਅਗਵਾ ਕੀਤਾ ਹੈ। ਪੁਲਿਸ ਨੇ ਛੇ ਘੰਟਿਆਂ ਦੇ ਅੰਦਰ ਬੱਚੀ ਨੂੰ ਉਸਦੀ ਮਾਂ ਤੋਂ ਬਰਾਮਦ ਕਰ ਲਿਆ। ਸ਼ੁਰੂਆਤੀ ਜਾਂਚ ਵਿੱਚ ਪਤਾ ਲੱਗਾ ਹੈ ਕਿ ਮਾਪਿਆਂ ਵਿਚਕਾਰ ਝਗੜਾ ਚੱਲ ਰਿਹਾ ਸੀ।