BJP IT ਸੈੱਲ ਦੀ ਅੱਜ Gen Z ’ਤੇ ਵਿਸ਼ੇਸ਼ ਵਰਕਸ਼ਾਪ, ਡਿਜੀਟਲ ਪਹੁੰਚ ਵਧਾਉਣ ’ਤੇ ਹੋਵੇਗੀ ਚਰਚਾ
ਨਵੀਂ ਦਿੱਲੀ, 20 ਸਤੰਬਰ
ਭਾਰਤੀ ਜਨਤਾ ਪਾਰਟੀ (BJP) ਦਾ IT ਸੈੱਲ ਅੱਜ, 20 ਸਤੰਬਰ ਨੂੰ Gen Z ਅਤੇ ਨੌਜਵਾਨ ਪੀੜ੍ਹੀ ਨਾਲ ਡਿਜੀਟਲ ਪੱਧਰ ’ਤੇ ਸੰਪਰਕ ਮਜ਼ਬੂਤ ਕਰਨ ਦੇ ਉਦੇਸ਼ ਨਾਲ ਵਿਸ਼ੇਸ਼ ਵਰਕਸ਼ਾਪ ਕਰੇਗਾ। ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਨਿਤਿਨ ਨਬੀਨ ਇਸ ਵਰਕਸ਼ਾਪ ਦਾ ਉਦਘਾਟਨ ਕਰਨਗੇ।
ਵਰਕਸ਼ਾਪ ਦੌਰਾਨ ਵੱਖ-ਵੱਖ ਡਿਜੀਟਲ ਪਲੇਟਫਾਰਮਾਂ ਰਾਹੀਂ ਨੌਜਵਾਨਾਂ ਤੱਕ ਪਾਰਟੀ ਦੀ ਪਹੁੰਚ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣ ਅਤੇ ਸੰਚਾਰ ਦੇ ਨਵੇਂ ਤਰੀਕਿਆਂ ’ਤੇ ਵਿਚਾਰ-ਵਟਾਂਦਰਾ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਬਦਲਦੇ ਡਿਜੀਟਲ ਰੁਝਾਨਾਂ ਅਤੇ ਨਵੇਂ ਪਲੇਟਫਾਰਮਾਂ ਦੇ ਮੱਦੇਨਜ਼ਰ ਸੰਚਾਰ ਰਣਨੀਤੀ ’ਤੇ ਵੀ ਚਰਚਾ ਹੋਵੇਗੀ।
ਵਰਕਸ਼ਾਪ ਦੇ ਇੱਕ ਸੈਸ਼ਨ ਨੂੰ ਭਾਜਪਾ ਦੇ ਰਾਸ਼ਟਰੀ ਸੰਗਠਨ ਮਹਾਂਮੰਤਰੀ ਬੀ.ਐੱਲ. ਸੰਤੋਸ਼ ਸੰਬੋਧਨ ਕਰਨਗੇ। ਇਸ ਦੌਰਾਨ ਪਾਰਟੀ ਦੇ IT ਅਤੇ ਡਿਜੀਟਲ ਅਹੁਦੇਦਾਰਾਂ ਨਾਲ ਸੰਗਠਨ ਅਤੇ ਡਿਜੀਟਲ ਪਹੁੰਚ ਨਾਲ ਜੁੜੇ ਮੁੱਦਿਆਂ ’ਤੇ ਵਿਚਾਰ ਸਾਂਝੇ ਕੀਤੇ ਜਾਣਗੇ।
ਰਿਪੋਰਟਾਂ ਮੁਤਾਬਕ ਵਰਕਸ਼ਾਪ ਦਾ ਮੁੱਖ ਕੇਂਦਰ Gen Z ਨਾਲ ਡਿਜੀਟਲ ਸੰਪਰਕ ਵਧਾਉਣਾ ਅਤੇ ਪਾਰਟੀ ਦੀ ਆਨਲਾਈਨ ਮੌਜੂਦਗੀ ਨੂੰ ਨਵੀਆਂ ਡਿਜੀਟਲ ਲੋੜਾਂ ਅਨੁਸਾਰ ਢਾਲਣਾ ਹੈ।
