- ਅੰਡਰ-19 ਏਸ਼ੀਆ ਕੱਪ: ਭਾਰਤ ਨੇ ਪਾਕਿਸਤਾਨ ਨੂੰ ਦਿੱਤਾ 209 ਦੌੜਾਂ ਦਾ ਟੀਚਾ
- ਅਰਜੁਨ ਰਾਜਪੂਤ ਨੇ ਜੜਿਆ ਸ਼ਾਨਦਾਰ ਸੈਂਕੜਾ
- ਪਾਕਿਸਤਾਨ ਨੇ ਪਹਿਲੇ ਓਵਰ ਵਿੱਚ ਬਿਨਾਂ ਵਿਕਟ ਗੁਆਏ ਬਣਾਈਆਂ 7 ਦੌੜਾਂ
ਚੰਡੀਗੜ੍ਹ, 8 ਅੰਡਰ-19 ਏਸ਼ੀਆ ਕੱਪ ਦੇ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਮੁਕਾਬਲੇ ਵਿੱਚ ਭਾਰਤੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਪਾਕਿਸਤਾਨ ਨੂੰ 209 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਜਵਾਬ ਵਿੱਚ ਪਾਕਿਸਤਾਨ ਨੇ ਪਹਿਲੇ ਓਵਰ ਦੀ ਸਮਾਪਤੀ ਤੱਕ ਬਿਨਾਂ ਕੋਈ ਵਿਕਟ ਗੁਆਏ 7 ਦੌੜਾਂ ਬਣਾ ਲਈਆਂ ਸਨ।
ਭਾਰਤ ਵੱਲੋਂ ਅਰਜੁਨ ਰਾਜਪੂਤ ਨੇ ਸਭ ਤੋਂ ਵੱਧ 107 ਦੌੜਾਂ ਦੀ ਸ਼ਾਨਦਾਰ ਸੈਂਕੜੇ ਵਾਲੀ ਪਾਰੀ ਖੇਡੀ। ਪਾਕਿਸਤਾਨ ਵੱਲੋਂ ਅਲੀ ਰਜ਼ਾ, ਨਿਕਾਬ ਸ਼ਫੀਕ ਅਤੇ ਰਿਜ਼ਵਾਨੁੱਲ੍ਹਾ ਨੇ 3-3 ਵਿਕਟਾਂ ਹਾਸਲ ਕੀਤੀਆਂ। ਓਮਾਨ ਦੇ ਅਲ ਅਮੀਰਾਤ ਕ੍ਰਿਕਟ ਗਰਾਊਂਡ ਵਿੱਚ ਖੇਡੇ ਜਾ ਰਹੇ ਇਸ ਮੁਕਾਬਲੇ ਵਿੱਚ ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ।
ਟੀਚੇ ਦਾ ਪਿੱਛਾ ਕਰਨ ਉਤਰੀ ਪਾਕਿਸਤਾਨੀ ਟੀਮ ਨੇ ਈਸ਼ਾਨ ਸੂਦ ਵੱਲੋਂ ਸੁੱਟੇ ਪਹਿਲੇ ਓਵਰ ਵਿੱਚ 7 ਦੌੜਾਂ ਬਣਾਈਆਂ। ਓਵਰ ਦੀ ਪੰਜਵੀਂ ਗੇਂਦ ’ਤੇ ਜਹਾਂਗੀਰ ਬਿਲਾਲ ਨੇ ਅੱਗੇ ਵਧ ਕੇ ਕਵਰ ਦੇ ਵਿਚਕਾਰੋਂ ਸ਼ਾਨਦਾਰ ਚੌਕਾ ਜੜਿਆ। ਇਸ ਤੋਂ ਪਹਿਲਾਂ ਉਸਮਾਨ ਖਾਨ ਨੇ ਮਿਡਵਿਕਟ ਵੱਲ ਸ਼ਾਟ ਖੇਡ ਕੇ ਇੱਕ ਦੌੜ ਲਈ। ਈਸ਼ਾਨ ਸੂਦ ਨੇ ਇਸ ਓਵਰ ਵਿੱਚ ਦੋ ਵਾਈਡ ਗੇਂਦਾਂ ਵੀ ਸੁੱਟੀਆਂ।