ਸੀਟੂ ਦਾ ਇਜਲਾਸ ਸੰਗਰੂਰ ‘ਚ ਹੋਣਾ ਸਾਡੇ ਲਈ ਮਾਨ ਵਾਲੀ ਗੱਲ : ਮੇਜਰ ਪੁੰਨਾਵਾਲ
ਸੰਗਰੂਰ, 30 ਸਤੰਬਰ, ਦੇਸ਼ ਕਲਿੱਕ ਬਿਓਰੋ :
ਸੈਂਟਰ ਆਫ ਇੰਡੀਆ ਟਰੇਡ ਯੂਨੀਅਨ (ਸੀਟੂ) ਦੀ ਮੀਟਿੰਗ ਅੱਜ ਲਹਿਰਾ ਭਵਨ ਸੰਗਰੂਰ ਵਿਖੇ ਜੋਗਿੰਦਰ ਸਿੰਘ ਔਲਖ ਦੀ ਪ੍ਰਧਾਨਗੀ ਹੇਠ ਹੋਈ । ਇਸ ਮੌਕੇ ਕਿਰਤੀ ਜਮਾਤ ਦੀ ਸਿਰਮੌਰ ਜਥੇਬੰਦੀ ਸੀਟੂ ਦੇ 25 ਤੇ 26 ਨਵੰਬਰ ਨੂੰ ਸੰਗਰੂਰ ਵਿਖੇ ਹੋ ਰਹੇ 17ਵੇਂ ਸੂਬਾਈ ਇਜਲਾਸ ਦੇ ਇੰਤਜਾਮ ਲਈ ਸਵਾਗਤੀ ਕਮੇਟੀ ਦੀ ਚੋਣ ਕੀਤੀ ਗਈ। ਇਸ ਮੀਟਿੰਗ ਵਿੱਚ ਸੀਟੂ ਪੰਜਾਬ ਦੇ ਜਰਨਲ ਸਕੱਤਰ ਕਾਮਰੇਡ ਚੰਦਰ ਸ਼ੇਖਰ ਤੇ ਸੀਟੂ ਆਲ ਇੰਡੀਆ ਦੇ ਸਕੱਤਰ ਊਸ਼ਾ ਰਾਣੀ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਏ। ਇਸ ਮੌਕੇ ਸਵਾਗਤੀ ਕਮੇਟੀ ਵਿਚ ਕਾਮਰੇਡ ਮੇਜਰ ਸਿੰਘ ਪੁੰਨਾਵਾਲ ਨੂੰ ਚੇਅਰਮੈਨ ਤੇ ਊਸ਼ਾ ਰਾਣੀ ਨੂੰ ਜਨਰਲ ਕੋਆਰਡੀਨੇਟਰ ਚੁਣਿਆ ਗਿਆ ਤੇ ਜੋਗਿੰਦਰ ਸਿੰਘ ਔਲਖ ਨੂੰ ਪ੍ਰਧਾਨ, ਇੰਦਰਪਾਲ ਪੁੰਨਾਵਾਲ ਜਰਨਲ ਸਕੱਤਰ, ਮਨਦੀਪ ਕੁਮਾਰੀ ਖਜ਼ਾਨਚੀ, ਸਤਵੀਰ ਤੁੰਗਾਂ ਪ੍ਰੈੱਸ ਸਕੱਤਰ ਅਤੇ ਇਨਾਂ ਸਮੇਤ 27 ਮੈਂਬਰੀ ਸਵਾਗਤੀ ਕਮੇਟੀ ਦੇ ਆਹੁਦੇਦਾਰਾਂ ਦੀ ਚੋਣ ਕੀਤੀ ਗਈ। ਸਵਾਗਤੀ ਕਮੇਟੀ ਨੇ ਆਪਣੀ ਮੀਟਿੰਗ ਕਰਕੇ ਇਸ ਡੈਲੀਗੇਟ ਇਜਲਾਸ ਲਈ 8 ਲੱਖ ਰੁਪਏ ਦਾ ਬੱਜਟ ਪਾਸ ਕੀਤਾ। ਸਵਾਗਤੀ ਕਮੇਟੀ ਨੇ ਇਜਲਾਸ ਤੇ ਰਿਹਾਇਸ਼ ਲਈ ਥਾਵਾਂ ਬੁੱਕ ਕਰਵਾ ਦਿਤੀਆਂ, ਨਾਲ ਹੀ ਸਵਾਗਤੀ ਕਮੇਟੀ ਨੇ ਵੱਖ ਵੱਖ ਕੰਮ ਨੇਪਰੇ ਚਾੜ੍ਹਨ ਲਈ 6 ਸਬ ਕਮੇਟੀਆ ਦਾ ਗਠਨ ਕੀਤਾ ਤੇ ਉਨਾਂ ਦੇ ਕਨਵੀਨਰ ਵੀ ਸਰਬ ਸੰਮਤੀ ਨਾਲ ਚੁਣੇ ਗਏ। ਇਸ ਮੌਕੇ ਸੰਕੂਤਲ ਧੂਰੀ, ਅਮਰੀਕ ਸਿੰਘ ਕਾਂਝਲਾ, ਤ੍ਰਿਸ਼ਨਜੀਤ ਕੌਰ, ਕੁਲਵਿੰਦਰ ਸਿੰਘ ਭੂਦਨ, ਰਘਵਿੰਦਰ ਸਿੰਘ ਭਵਾਨੀਗੜ੍ਹ, ਰਾਮ ਸਿੰਘ ਸੋਹੀਆ, ਐਡਵੋਕੇਟ ਮਿੱਤ ਸਿੰਘ ਜਨਾਲ, ਸੇਰ ਸਿੰਘ ਫਰਵਾਹੀ, ਮਾਨ ਸਿੰਘ ਗੁਰਮ,ਨਵਤੇਜ ਸਿੰਘ ਭੱਠਲ, ਸਿੰਗਾਰਾ ਸਿੰਘ ਹੋਰਾਂ ਦੀਆਂ ਵੀ ਵੱਖ ਵੱਖ ਕਾਰਜਾਂ ਲਈ ਡਿਉਟੀ ਲਗਾਈ ਗਈ। ਇਸੇ ਤਰਾਂ ਸਿੰਦਰ ਕੌਰ ਬਲੀ, ਗੁਰਦੇਵ ਸਿੰਘ ਮੰਡੇਰ, ਕਿਰਪਾਲ ਸਿੰਘ, ਸੁਖਵੀਰ ਸਿੰਘ, ਜੁਗਰਾਜ ਸਿੰਘ ਮਹੇਰਨਾ, ਹਰਭਗਵਾਨ ਸਰਮਾਂ ਸੁਨਾਮ, ਦਰਬਾਰਾ ਸਿੰਘ ਬੇਨੜਾ,ਦਰਸ਼ਨ ਸਿੰਘ ਕੁਠਾਲਾ, ਜਗਰੂਪ ਸਿੰਘ ਬੇਦੀ ਲੌਗੋਵਾਲ, ਹਰਪਾਲ ਕੌਰ ਨੂੰ ਵੀ ਵੱਖ-ਵੱਖ ਜਿੰਮੇਵਾਰੀਆਂ ਸੌਪੀਆਂ ਗਈਆਂ। ਇਸ ਮੌਕੇ ਸਵਾਗਤੀ ਕਮੇਟੀ ਦੇ ਚੇਅਰਮੈਨ ਤੇ ਆਲ ਇੰਡੀਆ ਕਿਸਾਨ ਸਭਾ ਦੇ ਕੌਮੀ ਆਗੂ ਮੇਜਰ ਸਿੰਘ ਪੁੰਨਾਵਾਲ ਨੇ ਕਿਹਾ ਕਿ ਪੰਜਾਬ ਦੀ ਮਿਹਨਤਕਸ਼ ਮਜਦੂਰ ਜਮਾਤ ਦੀ ਅਗਵਾਈ ਕਰਨ ਵਾਲੀ ਸਿਰਮੌਰ ਜਥੇਬੰਦੀ ਸੀਟੂ ਦਾ ਸੁਬਾਈ ਇਜਲਾਸ ਸੰਗਰੂਰ ਵਿੱਚ ਹੋਣਾ ਸਾਡੇ ਲਈ ਮਾਣ ਵਾਲੀ ਗੱਲ ਹੈ,ਸੰਗਰੂਰ ਜਿਲੇ ਦੇ ਸਾਥੀ ਪੂਰੀ ਤਾਨਦੇਹੀ ਨਾਲ ਇਸ ਪ੍ਰੋਗਰਾਮ ਨੂੰ ਨੇਪਰੇ ਚਾੜ੍ਹਨ ਚ ਕੋਈ ਕਸਰ ਬਾਕੀ ਨਹੀਂ ਛੱਡਣਗੇ ।ਮੀਟਿੰਗ ਦੇ ਅਖੀਰ ਵਿਚ ਜਿਲਾ ਸਕੱਤਰ ਇੰਦਰਪਾਲ ਪੁੰਨਾਵਾਲ ਨੇ ਪਹੁੰਚੇ ਸਾਰੇ ਸਾਥੀਆਂ ਦਾ ਧੰਨਵਾਦ ਕੀਤਾ।