New strict orders issued regarding traffic rules in Punjab! ਪੰਜਾਬ ‘ਚ ਟ੍ਰੈਫਿਕ ਨਿਯਮਾਂ ਨੂੰ ਲੈ ਕੇ ਨਵੇਂ ਸਖ਼ਤ ਹੁਕਮ ਜਾਰੀ
ਰੈੱਡ ਲਾਈਟ ਜੰਪ, ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਅਤੇ ਨਾਬਾਲਗਾਂ ਵੱਲੋਂ ਵਾਹਨ ਚਲਾਉਣ ‘ਤੇ ਹੁਣ ਮੌਕੇ ‘ਤੇ ਨਹੀਂ ਹੋਵੇਗਾ ਨਿਪਟਾਰਾ; ਲਾਗੂ ਹੋਏ ਨਵੇਂ ਹੁਕਮ
ਚੰਡੀਗੜ੍ਹ 25 ਜੂਨ, 2026-
New strict orders issued regarding traffic rules in Punjab!ਪੰਜਾਬ ਦੇ ਟ੍ਰਾਂਸਪੋਰਟ ਵਿਭਾਗ ਨੇ ਸੜਕ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਕਰਨ ਦੇ ਉਦੇਸ਼ ਨਾਲ ਇੱਕ ਬਹੁਤ ਹੀ ਸਖ਼ਤ ਫੈਸਲਾ ਲਿਆ ਹੈ। ਮੋਟਰ ਵਾਹਨ ਐਕਟ (Motor Vehicles Act), 1988 ਦੇ ਤਹਿਤ ਕਈ ਗੰਭੀਰ ਟ੍ਰੈਫਿਕ ਉਲੰਘਣਾਵਾਂ ਨੂੰ ਹੁਣ ਗੈਰ-ਸਮਝੌਤਾਯੋਗ (ਨਾਨ-ਕੰਪਾਊਂਡੇਬਲ) ਅਪਰਾਧ ਘੋਸ਼ਿਤ ਕਰ ਦਿੱਤਾ ਗਿਆ ਹੈ।
ਵਿਭਾਗ ਵੱਲੋਂ ਜਾਰੀ ਨੋਟੀਫਿਕੇਸ਼ਨ (ਅਧਿਸੂਚਨਾ) ਅਨੁਸਾਰ, ਹੁਣ ਇਨ੍ਹਾਂ ਗੰਭੀਰ ਮਾਮਲਿਆਂ ਵਿੱਚ ਮੌਕੇ ‘ਤੇ ਕੋਈ ਜੁਰਮਾਨਾ ਭਰ ਕੇ ਮਾਮਲਾ ਖ਼ਤਮ ਨਹੀਂ ਕੀਤਾ ਜਾ ਸਕੇਗਾ, ਸਗੋਂ ਦੋਸ਼ੀਆਂ ਖ਼ਿਲਾਫ਼ ਨਿਯਮਾਂ ਅਨੁਸਾਰ ਅਦਾਲਤੀ ਅਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਕਿਹੜੇ-ਕਿਹੜੇ ਅਪਰਾਧ ਹੁਣ ‘ਨਾਨ-ਕੰਪਾਊਂਡੇਬਲ’ ਸ਼੍ਰੇਣੀ ਵਿੱਚ ਹਨ?
ਖ਼ਤਰਨਾਕ ਡਰਾਈਵਿੰਗ (ਧਾਰਾ 184), ਖ਼ਤਰਨਾਕ ਤਰੀਕੇ ਨਾਲ ਵਾਹਨ ਚਲਾਉਣ ਨਾਲ ਜੁੜੇ ਅਪਰਾਧ ਹੁਣ ਸਮਝੌਤੇ ਦੀ ਸ਼੍ਰੇਣੀ ਤੋਂ ਬਾਹਰ ਹਨ। ਇਨ੍ਹਾਂ ਵਿੱਚ ਰੈੱਡ ਲਾਈਟ ਜੰਪ ਕਰਨਾ (ਲਾਲ ਬੱਤੀ ਦਾ ਉਲੰਘਣ), ‘ਸਟਾਪ ਸਾਈਨ’ (Stop Sign) ਦੀ ਪਾਲਣਾ ਨਾ ਕਰਨਾ, ਟ੍ਰੈਫਿਕ ਦੇ ਨਿਰਧਾਰਤ ਪ੍ਰਵਾਹ ਦੇ ਉਲਟ (Wrong Side) ਵਾਹਨ ਚਲਾਉਣਾ, ਸ਼ਾਮਲ ਹਨ। ਲਾਪਰਵਾਹੀ ਅਤੇ ਅਣਗਹਿਲੀ ਨਾਲ ਵਾਹਨ ਚਲਾਉਣਾ, ਜਿਸ ਨਾਲ ਦੂਜਿਆਂ ਦੀ ਜਾਨ ਨੂੰ ਖ਼ਤਰਾ ਪੈਦਾ ਹੋਵੇ।
ਸ਼ਰਾਬ ਪੀ ਕੇ ਗੱਡੀ ਚਲਾਉਣਾ (ਧਾਰਾ 185 ਅਤੇ 188), ਨਸ਼ੇ ਦੀ ਹਾਲਤ ਵਿੱਚ ਜਾਂ ਸ਼ਰਾਬ/ਨਸ਼ੀਲੇ ਪਦਾਰਥਾਂ ਦੇ ਪ੍ਰਭਾਵ ਹੇਠ ਵਾਹਨ ਚਲਾਉਣ ਵਾਲਿਆਂ ਅਤੇ ਅਜਿਹੇ ਅਪਰਾਧਾਂ ਵਿੱਚ ਸਹਿਯੋਗ ਕਰਨ ਵਾਲਿਆਂ ਖ਼ਿਲਾਫ਼ ਹੁਣ ਕੋਈ ਸਮਝੌਤਾ ਨਹੀਂ ਹੋਵੇਗਾ। ਨਾਬਾਲਗਾਂ ਵੱਲੋਂ ਵਾਹਨ ਚਲਾਉਣਾ (ਧਾਰਾ 199A), ਜੇਕਰ ਕੋਈ ਨਾਬਾਲਗ (Underage) ਵਾਹਨ ਚਲਾਉਂਦਾ ਫੜਿਆ ਜਾਂਦਾ ਹੈ, ਤਾਂ ਮੋਟਰ ਵਾਹਨ ਐਕਟ ਦੇ ਨਵੇਂ ਪ੍ਰਬੰਧਾਂ ਅਨੁਸਾਰ ਉਸ ਮਾਮਲੇ ਵਿੱਚ ਵੀ ਕੋਈ ਕੰਪਾਊਂਡਿੰਗ (ਮੌਕੇ ‘ਤੇ ਨਿਪਟਾਰਾ) ਨਹੀਂ ਕੀਤੀ ਜਾਵੇਗੀ।
ਪਰਿਵਹਨ ਵਿਭਾਗ ਦੇ ਸਕੱਤਰ ਵਰੁਣ ਰੂਜਮ (ਆਈ.ਏ.ਐੱਸ.) ਵੱਲੋਂ 17 ਜੂਨ ਨੂੰ ਜਾਰੀ ਕੀਤੀ ਗਈ ਇਸ ਅਧਿਸੂਚਨਾ ਨੂੰ ਤੁਰੰਤ ਪ੍ਰਭਾਵ ਨਾਲ ਲਾਗੂ ਕਰ ਦਿੱਤਾ ਗਿਆ ਹੈ। ਵਿਭਾਗ ਦਾ ਮੰਨਣਾ ਹੈ ਕਿ ਇਨ੍ਹਾਂ ਸਖ਼ਤ ਨਿਯਮਾਂ ਦੇ ਲਾਗੂ ਹੋਣ ਨਾਲ ਸੜਕ ਹਾਦਸਿਆਂ ਵਿੱਚ ਵੱਡੀ ਕਮੀ ਆਵੇਗੀ ਅਤੇ ਲੋਕਾਂ ਵਿੱਚ ਟ੍ਰੈਫਿਕ ਨਿਯਮਾਂ ਪ੍ਰਤੀ ਜਾਗਰੂਕਤਾ ਅਤੇ ਜ਼ਿੰਮੇਵਾਰੀ ਵਧੇਗੀ।