ਵਿਆਹ ਦੀ ਮਿਠਾਈ ਖਾਣ ਨਾਲ 2 ਸਾਲਾ ਬੱਚੇ ਦੀ ਮੌਤ, 6 ਹੋਰ ਬਿਮਾਰ

2-year-old dies after eating wedding sweets, 6 others fall ill! ਵਿਆਹ ਦੀ ਮਿਠਾਈ ਖਾਣ ਨਾਲ 2 ਸਾਲਾ ਬੱਚੇ ਦੀ ਮੌਤ, 6 ਹੋਰ ਬਿਮਾਰ

ਬਿਜਨੌਰ (ਯੂਪੀ):

2-year-old dies after eating wedding sweets, 6 others fall ill! ਯੂਪੀ ਦੇ ਬਿਜਨੌਰ ਜ਼ਿਲ੍ਹੇ ਦੇ ਜੀਤਪੁਰ ਖਾਸ ਪਿੰਡ ਤੋਂ ਇੱਕ ਬੇਹੱਦ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਵਿਆਹ ਸਮਾਗਮ ਤੋਂ ਲਿਆਂਦੀ ਗਈ ਮਿਠਾਈ ਖਾਣ ਨਾਲ 2 ਸਾਲ ਦੇ ਇੱਕ ਮਾਸੂਮ ਬੱਚੇ ਦੀ ਮੌਤ ਹੋ ਗਈ। ਇਸ ਦੇ ਨਾਲ ਹੀ 4 ਬੱਚਿਆਂ ਸਮੇਤ ਪਰਿਵਾਰ ਦੇ 6 ਹੋਰ ਲੋਕ ਗੰਭੀਰ ਬਿਮਾਰ ਪੈ ਗਏ ਹਨ। ਪੁਲਿਸ ਨੇ ਇਸ ਸਬੰਧੀ ਜਾਣਕਾਰੀ ਸਾਂਝੀ ਕੀਤੀ ਹੈ।

ਨਾਗਲ ਸੋਤੀ ਥਾਣੇ ਦੇ ਇੰਚਾਰਜ ਰਾਮ ਪ੍ਰਤਾਪ ਨੇ ਦੱਸਿਆ ਕਿ ਪਿੰਡ ਦੀ ਰਹਿਣ ਵਾਲੀ ਸੁਧਾ ਦੇਵੀ (63) ਕਰੀਬ 5 ਦਿਨ ਪਹਿਲਾਂ ਇੱਕ ਵਿਆਹ ਸਮਾਗਮ ਤੋਂ ਮਿਠਾਈ ਲੈ ਕੇ ਆਈ ਸੀ। ਪਰਿਵਾਰਕ ਮੈਂਬਰਾਂ ਨੇ ਮੰਗਲਵਾਰ ਰਾਤ ਨੂੰ ਉਹ ਮਿਠਾਈ ਖਾਧੀ ਸੀ।

ਪੁਲਿਸ ਅਨੁਸਾਰ ਮਿਠਾਈ ਖਾਣ ਦੇ ਕੁਝ ਹੀ ਸਮੇਂ ਬਾਅਦ ਸੰਦੀਪ, ਉਸਦੀ ਪਤਨੀ ਨੀਤੂ, ਦੇਵ ਕੁਮਾਰ (2), ਕਾਰਤਿਕ (6), ਰਿਤਿਕ (4), ਪੱਲਵੀ ਅਤੇ ਵੰਸ਼ (10) ਨੂੰ ਪੇਟ ਦਰਦ, ਉਲਟੀਆਂ ਅਤੇ ਦਸਤ ਦੀ ਸ਼ਿਕਾਇਤ ਹੋਣ ਲੱਗੀ। ਇਸ ਦੌਰਾਨ 2 ਸਾਲਾ ਬੱਚੇ ਦੀ ਮੌਤ ਹੋ ਗਈ, ਜਦਕਿ ਬਾਕੀ ਬਿਮਾਰ ਲੋਕਾਂ ਦਾ ਪਿੰਡ ਵਿੱਚ ਹੀ ਇੱਕ ਨਿੱਜੀ ਡਾਕਟਰ ਤੋਂ ਇਲਾਜ ਕਰਵਾਇਆ ਗਿਆ।