ਦਿਲ ਦਹਿਲਾ ਦੇਣ ਵਾਲਾ ਹਾਦਸਾ: ਸਕਾਰਪੀਓ ਪੁਲ ਤੋੜ ਕੇ ਨਦੀ ’ਚ ਡਿੱਗੀ, 4 ਨਾਬਾਲਗਾਂ ਸਮੇਤ 6 ਦੀ ਮੌਤ

Top Trending News ਰਾਸ਼ਟਰੀ

 

ਦਿਲ ਦਹਿਲਾ ਦੇਣ ਵਾਲਾ ਹਾਦਸਾ: ਸਕਾਰਪੀਓ ਪੁਲ ਤੋੜ ਕੇ ਨਦੀ ’ਚ ਡਿੱਗੀ, 4 ਨਾਬਾਲਗਾਂ ਸਮੇਤ 6 ਦੀ ਮੌਤ

ਪਟਨਾ, 19 ਨਵੰਬਰ 2026: ਬਿਹਾਰ ਦੇ ਅਰਰੀਆ ਜ਼ਿਲ੍ਹੇ ਵਿੱਚ ਬੁੱਧਵਾਰ ਦੇਰ ਰਾਤ ਵਾਪਰੇ ਭਿਆਨਕ ਸੜਕ ਹਾਦਸੇ ਨੇ ਇੱਕ ਪਰਿਵਾਰ ਦੀਆਂ ਖੁਸ਼ੀਆਂ ਨੂੰ ਮਾਤਮ ਵਿੱਚ ਬਦਲ ਦਿੱਤਾ। ਤਿਲਕ ਸਮਾਰੋਹ ਤੋਂ ਵਾਪਸ ਆ ਰਹੀ ਇੱਕ ਸਕਾਰਪੀਓ ਗੱਡੀ ਬੇਕਾਬੂ ਹੋ ਕੇ ਪੁਲ ਦੀ ਰੇਲਿੰਗ ਤੋੜਦੀ ਹੋਈ ਮਾਰੀਆ ਨਦੀ ਵਿੱਚ ਜਾ ਡਿੱਗੀ।

ਇਸ ਦਰਦਨਾਕ ਹਾਦਸੇ ਵਿੱਚ ਛੇ ਵਿਅਕਤੀਆਂ ਦੀ ਮੌਤ ਹੋ ਗਈ, ਜਦਕਿ ਇੱਕ ਨੌਜਵਾਨ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ। ਮ੍ਰਿਤਕਾਂ ਵਿੱਚ ਚਾਰ ਨਾਬਾਲਗ ਵੀ ਸ਼ਾਮਲ ਹਨ। ਮਿਲੀ ਜਾਣਕਾਰੀ ਮੁਤਾਬਕ ਸਾਰੇ ਵਿਅਕਤੀ ਸੁਪੌਲ ਜ਼ਿਲ੍ਹੇ ਦੇ ਪਿਪਰਾ ਇਲਾਕੇ ਦੇ ਥੁਮਹਾ ਪਿੰਡ ਦੇ ਰਹਿਣ ਵਾਲੇ ਸਨ। ਉਹ ਅਰਰੀਆ ਜ਼ਿਲ੍ਹੇ ਦੇ ਸੀਕਤੀ ਖੇਤਰ ਅਧੀਨ ਭਪਟੀਆ ਪਿੰਡ ਵਿੱਚ ਕਰਵਾਏ ਗਏ ਤਿਲਕ ਸਮਾਰੋਹ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਘਰ ਪਰਤ ਰਹੇ ਸਨ।

ਰਸਤੇ ਵਿੱਚ ਤਾਰਾਬਾੜੀ ਥਾਣਾ ਖੇਤਰ ਦੇ ਬੀੜੀ ਪੁਲ ਨੇੜੇ ਇੱਕ ਤੇਜ਼ ਮੋੜ ’ਤੇ ਡਰਾਈਵਰ ਗੱਡੀ ਤੋਂ ਕੰਟਰੋਲ ਗੁਆ ਬੈਠਾ। ਇਸ ਕਾਰਨ ਸਕਾਰਪੀਓ ਸਿੱਧੀ ਨਦੀ ਵਿੱਚ ਜਾ ਡਿੱਗੀ। ਹਾਦਸੇ ਦੀ ਆਵਾਜ਼ ਸੁਣ ਕੇ ਸਥਾਨਕ ਲੋਕ ਮੌਕੇ ’ਤੇ ਪਹੁੰਚੇ ਅਤੇ ਪੁਲਿਸ ਨੂੰ ਸੂਚਿਤ ਕਰਦਿਆਂ ਬਚਾਅ ਕਾਰਜ ਸ਼ੁਰੂ ਕੀਤੇ। ਇਸ ਘਟਨਾ ਤੋਂ ਬਾਅਦ ਥੁਮਹਾ ਪਿੰਡ ਵਿੱਚ ਸੋਗ ਦੀ ਲਹਿਰ ਫੈਲ ਗਈ ਹੈ।