- ਪੰਜਾਬ ਦੀਆਂ ਜ਼ਿਲ੍ਹਾ ਅਦਾਲਤਾਂ ’ਚ ਕਲਰਕਾਂ ਦੀਆਂ 1270 ਅਸਾਮੀਆਂ ਦੀ ਭਰਤੀ
- 7 ਅਕਤੂਬਰ ਤੋਂ ਸ਼ੁਰੂ ਹੋਣਗੀਆਂ ਅਰਜ਼ੀਆਂ
- 4 ਨਵੰਬਰ ਤੱਕ ਕਰ ਸਕੋਗੇ ਅਪਲਾਈ
- ਸ਼ੁਰੂਆਤੀ ਤਨਖ਼ਾਹ 29,200 ਰੁਪਏ
ਚੰਡੀਗੜ੍ਹ, 4 ਅਕਤੂਬਰ (ਦੇਸ਼ ਕਲਿੱਕ ਬਿਊਰੋ): ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਅਧੀਨ ਆਉਣ ਵਾਲੀਆਂ ਜ਼ਿਲ੍ਹਾ ਅਦਾਲਤਾਂ ਵਿੱਚ ਕਲਰਕਾਂ ਦੀਆਂ 1,270 ਅਸਾਮੀਆਂ ਭਰੀਆਂ ਜਾਣਗੀਆਂ। ਸਬਆਰਡੀਨੇਟ ਕੋਰਟਾਂ ਵਿੱਚ ਸਟਾਫ਼ ਦੀ ਕੇਂਦਰੀ ਭਰਤੀ ਲਈ ਬਣੀ ਸੋਸਾਇਟੀ (SSSC) ਨੇ ਇਸ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ। ਯੋਗ ਉਮੀਦਵਾਰ 7 ਅਕਤੂਬਰ 2026 ਨੂੰ ਸ਼ਾਮ 4 ਵਜੇ ਤੋਂ 4 ਨਵੰਬਰ 2026 ਨੂੰ ਸ਼ਾਮ 4 ਵਜੇ ਤੱਕ ਆਨਲਾਈਨ ਅਰਜ਼ੀ ਦੇ ਸਕਣਗੇ। ਅਰਜ਼ੀਆਂ SSSC ਦੀ ਅਧਿਕਾਰਤ ਵੈੱਬਸਾਈਟ ਰਾਹੀਂ ਭਰੀਆਂ ਜਾਣਗੀਆਂ।
ਭਰਤੀ ਨਾਲ ਜੁੜੀਆਂ 7 ਅਹਿਮ ਗੱਲਾਂ
- ਕੁੱਲ 1,270 ਅਸਾਮੀਆਂ: ਇਨ੍ਹਾਂ ਵਿੱਚੋਂ 1,243 ਅਸਾਮੀਆਂ ਇਸ ਸਮੇਂ ਖਾਲੀ ਹਨ, ਜਦਕਿ 27 ਹੋਰ ਅਸਾਮੀਆਂ ਖਾਲੀ ਹੋਣ ਦੀ ਸੰਭਾਵਨਾ ਹੈ। ਲੋੜ ਮੁਤਾਬਕ ਅਸਾਮੀਆਂ ਦੀ ਗਿਣਤੀ ਵਿੱਚ ਤਬਦੀਲੀ ਹੋ ਸਕਦੀ ਹੈ।
- ਸ਼ੁਰੂਆਤੀ ਤਨਖ਼ਾਹ 29,200 ਰੁਪਏ: ਚੁਣੇ ਗਏ ਉਮੀਦਵਾਰਾਂ ਨੂੰ ਪੇਅ ਲੈਵਲ-5 ਅਧੀਨ 29,200 ਰੁਪਏ ਮੁੱਢਲੀ ਮਹੀਨਾਵਾਰ ਤਨਖ਼ਾਹ ਮਿਲੇਗੀ।
- ਵਿੱਦਿਅਕ ਯੋਗਤਾ: ਉਮੀਦਵਾਰ ਕੋਲ ਗ੍ਰੈਜੂਏਸ਼ਨ ਦੀ ਡਿਗਰੀ ਹੋਣੀ ਲਾਜ਼ਮੀ ਹੈ। ਦਸਵੀਂ ਜਮਾਤ ਵਿੱਚ ਪੰਜਾਬੀ ਵਿਸ਼ਾ ਪੜ੍ਹਿਆ ਹੋਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਕੰਪਿਊਟਰ ਦੀ ਜਾਣਕਾਰੀ ਵੀ ਜ਼ਰੂਰੀ ਹੈ।
- ਉਮਰ ਹੱਦ: ਆਮ ਵਰਗ ਦੇ ਉਮੀਦਵਾਰਾਂ ਦੀ ਉਮਰ 18 ਤੋਂ 37 ਸਾਲ ਹੋਣੀ ਚਾਹੀਦੀ ਹੈ। ਰਾਖਵੇਂ ਵਰਗਾਂ ਨੂੰ ਨਿਯਮਾਂ ਅਨੁਸਾਰ ਉਮਰ ਵਿੱਚ ਛੋਟ ਮਿਲੇਗੀ। ਉਮਰ ਦੀ ਗਿਣਤੀ 1 ਜਨਵਰੀ 2026 ਦੇ ਆਧਾਰ ’ਤੇ ਕੀਤੀ ਜਾਵੇਗੀ।
- ਅਰਜ਼ੀ ਫੀਸ: SC, BC/OBC, ESM ਅਤੇ EWS ਵਰਗਾਂ ਲਈ ਫੀਸ 710 ਰੁਪਏ ਹੈ। ਦਿਵਿਆਂਗ ਉਮੀਦਵਾਰਾਂ (PwBD) ਲਈ 875 ਰੁਪਏ ਅਤੇ ਹੋਰ ਉਮੀਦਵਾਰਾਂ ਲਈ 1,200 ਰੁਪਏ ਫੀਸ ਨਿਰਧਾਰਤ ਕੀਤੀ ਗਈ ਹੈ।
- ਲਿਖਤੀ ਪ੍ਰੀਖਿਆ: ਪਹਿਲਾਂ ਕੰਪਿਊਟਰ ਆਧਾਰਿਤ ਲਿਖਤੀ ਪ੍ਰੀਖਿਆ ਹੋਵੇਗੀ, ਜਿਸ ਦਾ ਸਮਾਂ ਦੋ ਘੰਟੇ ਹੋਵੇਗਾ। ਇਸ ਵਿੱਚ ਜਨਰਲ ਨਾਲੇਜ ਅਤੇ ਅੰਗਰੇਜ਼ੀ ਨਾਲ ਸਬੰਧਤ ਸਵਾਲ ਪੁੱਛੇ ਜਾਣਗੇ। ਗ਼ਲਤ ਜਵਾਬ ਦੇਣ ’ਤੇ ਇੱਕ-ਚੌਥਾਈ ਅੰਕ ਕੱਟਿਆ ਜਾਵੇਗਾ।
- ਕੰਪਿਊਟਰ ਅਤੇ ਟਾਈਪਿੰਗ ਟੈਸਟ: ਲਿਖਤੀ ਪ੍ਰੀਖਿਆ ਪਾਸ ਕਰਨ ਵਾਲਿਆਂ ਨੂੰ ਕੰਪਿਊਟਰ ਟੈਸਟ ਦੇਣਾ ਪਵੇਗਾ। ਇਸ ਵਿੱਚ ਸਪ੍ਰੈੱਡਸ਼ੀਟ ਦੀ ਵਰਤੋਂ ਅਤੇ ਅੰਗਰੇਜ਼ੀ ਟਾਈਪਿੰਗ ਦੀ ਜਾਂਚ ਹੋਵੇਗੀ। ਟਾਈਪਿੰਗ ਦੀ ਰਫ਼ਤਾਰ ਘੱਟੋ-ਘੱਟ 30 ਸ਼ਬਦ ਪ੍ਰਤੀ ਮਿੰਟ ਹੋਣੀ ਚਾਹੀਦੀ ਹੈ। ਇਹ ਟੈਸਟ ਸਿਰਫ਼ ਪਾਸ ਕਰਨਾ ਲਾਜ਼ਮੀ ਹੋਵੇਗਾ; ਇਸ ਦੇ ਅੰਕ ਮੈਰਿਟ ਸੂਚੀ ਵਿੱਚ ਨਹੀਂ ਜੋੜੇ ਜਾਣਗੇ।
