ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਨੇ ਜਨਸੰਵਾਦ ਸਮਾਗਮ ਦੌਰਾਨ ਆਪਾ ਖੋਇਆ

ਸਮਾਗਮ ਦੌਰਾਨ ਕੁਝ ਬੋਲਣ ਦੀ ਕੋਸ਼ਿਸ਼ ਕਰਨ ਵਾਲੇ ਵਿਅਕਤੀ ਬਾਰੇ ਕਿਹਾ “ਇਸਕੀ ਪਿਟਾਈ ਕਰੋ ਔਰ ਬਾਹਰ ਫੈਂਕੋ”
ਇਕ ਹੋਰ ਸਮਾਗਮ ਦੌਰਾਨ ਬਜ਼ੁਰਗ ਔਰਤ ਨੂੰ ਵੀ ਬੋਲਣ ਤੋਂ ਰੋਕਿਆ ਤੇ ਕਿਹਾ “ ਕਹੀਂ ਸੇ ਸਿੱਖਾ ਕੇ ਭੇਜੀ ਹੂਈ ਹੈ ਤੂ”
ਚੰਡੀਗੜ੍ਹ,15 ਮਈ,ਦੇਸ਼ ਕਲਿਕ ਬਿਊਰੋ:
ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਇੱਕ ਨਵੇਂ ਵਿਵਾਦ ਵਿੱਚ ਘਿਰ ਗਏ ਹਨ। ਉਨ੍ਹਾਂ ਦੇ ਜਨਸੰਵਾਦ ਸਮਾਗਮ ਦੇ ਦੋ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਏ ਹਨ। ਇੱਕ ਵਿੱਚ ਉਹ ਸੁਰੱਖਿਆ ਕਰਮਚਾਰੀਆਂ ਨੂੰ "ਆਪ ਵਰਕਰ" ਨੂੰ ਕੁੱਟਣ ਅਤੇ ਬਾਹਰ ਕੱਢਣ ਲਈ ਕਹਿੰਦੇ ਹੋਏ ਦਿਖਾਈ ਦੇ ਰਹੇ ਹਨ, ਅਤੇ ਦੂਜੇ ਵੀਡੀਓ ਵਿੱਚ ਮੁੱਖ ਮੰਤਰੀ ਨੇ ਇੱਕ ਮੁੱਦਾ ਉਠਾਉਣ ਦੀ ਕੋਸ਼ਿਸ਼ ਕਰਨ ਵਾਲੀ ਇੱਕ ਔਰਤ ਨੂੰ "ਸਿਖਾ ਕੇ ਭੇਜੀ ਹੋਈ" ਕਿਹਾ ਹੈ।
ਦੋਵੇਂ ਘਟਨਾਵਾਂ ਸਿਰਸਾ ਵਿੱਚ ਜਨ ਸੰਵਾਦ ਦੌਰਾਨ ਵਾਪਰੀਆਂ। 'ਜਨਸੰਵਾਦ' ਦੌਰਾਨ, ਲੋਕ ਆਪਣੀਆਂ ਸ਼ਿਕਾਇਤਾਂ ਮੁੱਖ ਮੰਤਰੀ ਨਾਲ ਸਾਂਝੀਆਂ ਕਰਦੇ ਹਨ ਅਤੇ ਉਹ ਅਧਿਕਾਰੀਆਂ ਨੂੰ ਉਨ੍ਹਾਂ ਦੀਆਂ ਸਮੱਸਿਆਵਾਂ ਨੂੰ ਮੌਕੇ 'ਤੇ ਹੱਲ ਕਰਨ ਦੇ ਨਿਰਦੇਸ਼ ਦਿੰਦੇ ਹਨ।
ਇੱਕ ਜਨ ਸੰਵਾਦ ਵਿੱਚ, ਮੁੱਖ ਮੰਤਰੀ ਖੱਟਰ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਸੂਬੇ ਵਿੱਚੋਂ ਨਸ਼ਿਆਂ ਦੀ ਅਲਾਮਤ ਨੂੰ ਜੜ੍ਹੋਂ ਪੁੱਟਣ ਲਈ ਹਰੇਕ ਜ਼ਿਲ੍ਹੇ ਵਿੱਚ ਨਸ਼ਾ ਛੁਡਾਊ ਕੇਂਦਰ ਖੋਲ੍ਹੇਗੀ। ਉਨ੍ਹਾਂ ਕਿਹਾ ਕਿ ਸੰਤਾਂ ਅਤੇ ਉੱਘੀਆਂ ਸ਼ਖ਼ਸੀਅਤਾਂ ਨੂੰ ਅਜਿਹੇ ਕੇਂਦਰ ਚਲਾਉਣ ਦੀ ਜ਼ਿੰਮੇਵਾਰੀ ਸੌਂਪੀ ਜਾਵੇਗੀ ਤਾਂ ਜੋ ਨੌਜਵਾਨਾਂ ਨੂੰ ਸਹੀ ਮਾਰਗ 'ਤੇ ਲਿਆਇਆ ਜਾ ਸਕੇ।
ਖੱਟਰ ਨੇ ਹਾਜ਼ਰ ਲੋਕਾਂ ਨੂੰ ਕਿਹਾ ਕਿ ਉਹ "ਸੁਝਾਅ ਦੇਣ" ਕਿ ਨਸ਼ਿਆਂ ਦੀ ਲਾਹਨਤ ਨੂੰ ਹੋਰ ਕਿਵੇਂ ਰੋਕਿਆ ਜਾਵੇ।
ਜਿਵੇਂ ਹੀ ਹਾਜ਼ਰੀਨ ਵਿੱਚ ਬੈਠੇ ਇੱਕ ਵਿਅਕਤੀ ਨੇ ਕੁਝ ਕਹਿਣ ਦੀ ਕੋਸ਼ਿਸ਼ ਕੀਤੀ, ਖੱਟਰ ਨੇ ਕਿਹਾ, “ਰਜਨੀਤੀ ਮੱਤ ਕਰਨੇ ਦੋ ਇਸਕੋ। ਯੇ ਰਾਜਨੀਤੀ ਕਰਨ ਵਾਲਾ ਹੈ। ਆਮ ਆਦਮੀ ਪਾਰਟੀ ਦਾ ਕਾਰਜਕਰਤਾ ਹੈ। ਇਸਕੀ ਪਿਟਾਈ ਕਰੋ ਔਰ ਬਹਾਰ ਫੇਂਕੋ (ਇਸ ਆਦਮੀ ਨੂੰ ਰਾਜਨੀਤੀ ਨਾ ਕਰਨ ਦਿਓ। ਇਹ ਸਮਾਗਮ ਦਾ ਰਾਜਨੀਤੀਕਰਨ ਕਰਨ ਆਇਆ ਹੈ। ਇਹ 'ਆਪ' ਦਾ ਵਰਕਰ ਹੈ। ਉਸ ਨੂੰ ਕੁੱਟ-ਕੁੱਟ ਕੇ ਬਾਹਰ ਕੱਢ ਦਿਓ)।
ਇਸ ਘਟਨਾ ਦੀ ਇੱਕ ਵੀਡੀਓ ਕਲਿੱਪ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਗਈ ਹੈ।
ਇਨ੍ਹਾਂ ਟਿੱਪਣੀਆਂ 'ਤੇ 'ਆਪ' ਨੇਤਾ ਅਨੁਰਾਗ ਢਾਂਡਾ ਦੀ ਤਿੱਖੀ ਪ੍ਰਤੀਕਿਰਿਆ ਆਈ ਹੈ, ਜਿਸ ਨੇ ਕਿਹਾ ਸੀ ਕਿ "ਖੱਟਰ ਦੁਆਰਾ ਵਰਤੀ ਗਈ ਭਾਸ਼ਾ ਮੁੱਖ ਮੰਤਰੀ ਦੇ ਅਨੁਕੂਲ ਨਹੀਂ ਹੈ"।
“ਆਪ ਦੇ ਵਰਕਰ ਹਰ ਜਨ ਸੰਵਾਦ ਪ੍ਰੋਗਰਾਮ ਵਿੱਚ ਤੁਹਾਨੂੰ ਸਵਾਲ ਪੁੱਛਣਗੇ। ਕੱਲ੍ਹ ਤੁਸੀਂ ਸਾਡੇ ਪਾਰਟੀ ਵਰਕਰਾਂ ਨੂੰ ਸਿਰਸਾ ਵਿੱਚ ਹਿਰਾਸਤ ਵਿੱਚ ਲਿਆ ਸੀ, ਅੱਜ ਤੁਸੀਂ ਡੱਬਵਾਲੀ ਵਿੱਚ ਸਾਡੇ ਪਾਰਟੀ ਵਰਕਰਾਂ ਦੀ ਪੁਲਿਸ ਦੁਆਰਾ ਕੁੱਟਮਾਰ ਕੀਤੀ ਹੈ, ”ਢਾਂਡਾ ਨੇ ਕਿਹਾ, ‘ਆਪ’ ਵਰਕਰ ਲਾਠੀਆਂ ਦਾ ਸਾਹਮਣਾ ਕਰਨ ਜਾਂ ਜੇਲ੍ਹਾਂ ਵਿੱਚ ਜਾਣ ਤੋਂ ਡਰਦੇ ਨਹੀਂ ਹਨ।
ਉਨ੍ਹਾਂ ਅੱਗੇ ਕਿਹਾ ਕਿ 'ਆਪ' ਵਰਕਰ ਜਨਸੰਵਾਦ ਪ੍ਰੋਗਰਾਮਾਂ 'ਚ ਤੁਹਾਨੂੰ ਸਵਾਲ ਪੁੱਛਦੇ ਰਹਿਣਗੇ। ਜੇਕਰ ਤੁਸੀਂ ਲੋਕਾਂ ਦੇ ਸਵਾਲਾਂ ਦਾ ਜਵਾਬ ਨਹੀਂ ਦੇ ਸਕਦੇ ਹੋ, ਤਾਂ ਤੁਹਾਨੂੰ ਜਨਸੰਵਾਦ ਨੂੰ ਬੰਦ ਕਰ ਦੇਣਾ ਚਾਹੀਦਾ ਹੈ।
ਢਾਂਡਾ ਨੇ ਸ਼ਨੀਵਾਰ ਨੂੰ ਐਲਾਨ ਕੀਤਾ ਸੀ ਕਿ 'ਆਪ' ਵਰਕਰ "ਭਾਜਪਾ ਦੇ ਜਨ ਸੰਵਾਦ ਦੇ ਪ੍ਰਚਾਰ ਨੂੰ ਜਾਰੀ ਨਹੀਂ ਰਹਿਣ ਦੇਣਗੇ"। ਉਸਨੇ ਕਿਹਾ ਸੀ ਕਿ "ਸਾਡੀ ਪਾਰਟੀ ਦੇ ਵਰਕਰ ਮੀਟਿੰਗਾਂ ਵਿੱਚ ਸ਼ਾਮਲ ਹੋਣਗੇ ਅਤੇ ਜਨਤਕ ਚਿੰਤਾਵਾਂ ਦੇ ਮੁੱਦਿਆਂ 'ਤੇ ਮੁੱਖ ਮੰਤਰੀ ਤੋਂ ਸਵਾਲ ਕਰਨਗੇ।"
ਐਤਵਾਰ ਨੂੰ, 'ਆਪ' ਨੇਤਾ ਨੇ ਖੱਟਰ ਨੂੰ ਇਕ ਹੋਰ ਮੁੱਦੇ 'ਤੇ ਵੀ ਘੇਰਿਆ ਜਿਸ ਵਿਚ ਡੱਬਵਾਲੀ ਵਿਚ 'ਜਨ ਸੰਵਾਦ' ਦੌਰਾਨ ਇਕ ਬਜ਼ੁਰਗ ਔਰਤ ਨੇ ਕੁਝ ਨੁਕਤੇ ਉਠਾਏ ਸਨ।
ਇੱਕ ਵੀਡੀਓ ਵਿੱਚ ਜੋ ਉਸਨੇ ਘਟਨਾ ਬਾਰੇ ਸਾਂਝਾ ਕੀਤਾ, ਜਿਵੇਂ ਹੀ ਔਰਤ ਕੁਝ ਕਹਿਣਾ ਸ਼ੁਰੂ ਕਰਦੀ ਹੈ, ਮੁੱਖ ਮੰਤਰੀ ਖੱਟਰ ਜਵਾਬ ਦਿੰਦੇ ਹਨ: “ਅਬ ਤੂ ਰੁਕ ਜਾ, ਬੈਠ ਜਾ… ਕਹੀਂ ਸੇ ਸਿੱਖਾ ਕੇ ਭੇਜੀ ਹੂਈ ਹੈ ਤੂ… ਫਿਰ ਚੁਪ ਕਰ (ਤੁਹਾਨੂੰ ਕਿਸੇ ਨੇ ਸਿਖਾਇਆ ਹੈ।ਚੁੱਪ ਰਹੋ ਅਤੇ ਬੈਠੋ।"
ਹਿੰਦੀ ਵਿੱਚ ਇੱਕ ਟਵੀਟ ਵਿੱਚ, ਢਾਂਡਾ ਨੇ ਕਿਹਾ, “ਜਦੋਂ ਇੱਕ ਬਜ਼ੁਰਗ ਔਰਤ, ਜਿਸ ਨੇ ਆਪਣੇ ਜਵਾਨ ਪੁੱਤਰ ਨੂੰ ਨਸ਼ਿਆਂ ਵਿੱਚ ਗੁਆ ਦਿੱਤਾ, ਨਸ਼ਾਖੋਰੀ ਨੂੰ ਰੋਕਣ ਲਈ ਬੇਨਤੀ ਕਰ ਰਹੀ ਹੈ, ਤਾਂ ਮੁੱਖ ਮੰਤਰੀ ਬੇਸ਼ਰਮੀ ਨਾਲ ਕਹਿ ਰਹੇ ਹਨ ਕਿ ਕਿਸੇ ਨੇ ਉਸਨੂੰ ਅਜਿਹਾ ਕਹਿਣ ਲਈ ਸਿਖਾਇਆ ਹੈ। ਕੀ ਇਹ ਜਨ ਸੰਵਾਦ ਹੈ?"
ਕਾਂਗਰਸ ਦੇ ਰਾਜ ਸਭਾ ਮੈਂਬਰ ਦੀਪੇਂਦਰ ਹੁੱਡਾ ਨੇ ਵੀ ਵੀਡੀਓ ਕਲਿੱਪ ਸ਼ੇਅਰ ਕੀਤੀ ਹੈ।ਜਿਸ ਵਿਚ ਕਿਹਾ ਗਿਆ ਹੈ “ਇੱਕ ਵਿਧਵਾ ਮਾਂ ਜਿਸਨੇ ਆਪਣਾ ਜਵਾਨ ਪੁੱਤਰ ਗੁਆ ਦਿੱਤਾ। ਇੱਕ ਮਾਂ ਜਿਸਦਾ ਪੁੱਤਰ ਸਰਕਾਰੀ-ਸੁਰੱਖਿਅਤ ਨਸ਼ੇ ਦੇ ਵਪਾਰ ਦਾ ਸ਼ਿਕਾਰ ਹੋ ਗਿਆ। ਇੱਕ ਮਾਂ ਜੋ ਨਸ਼ੇ ਦੇ ਸੌਦਾਗਰਾਂ ਖਿਲਾਫ ਕਾਰਵਾਈ ਦੀ ਮੰਗ ਕਰ ਰਹੀ ਹੈ...ਇਹ ਹੰਕਾਰ ਅਤੇ ਅਸੰਵੇਦਨਸ਼ੀਲਤਾ ਦੇਖੋ!
ਅੱਜ ਮਦਰਜ਼ ਡੇ ਹੈ!, ”ਉਸਨੇ ਹਿੰਦੀ ਵਿੱਚ ਇੱਕ ਟਵੀਟ ਵਿੱਚ ਕਿਹਾ।
ਬਾਅਦ ਵਿੱਚ ਔਰਤ ਨੇ ਸਿਰਸਾ ਵਿੱਚ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਸ ਨੇ ਆਪਣਾ ਜਵਾਨ ਪੁੱਤਰ ਗੁਆ ਦਿੱਤਾ ਹੈ। “ਉਹ ਨਸ਼ੇ ਵੇਚਣ ਵਾਲਿਆਂ ਨੂੰ ਨਹੀਂ ਫੜਦੇ। ਮੁੱਖ ਮੰਤਰੀ ਨੇ ਮੇਰੀ ਗੱਲ ਨਹੀਂ ਸੁਣੀ। ਮੈਂ ਆਪਣਾ ਪੁੱਤਰ ਗੁਆ ਲਿਆ ਹੈ। ਮੈਂ ਇੱਕ ਵਿਧਵਾ ਹਾਂ, ਮੈਂ ਆਪਣੇ ਪੁੱਤਰ ਨੂੰ ਪਾਲਿਆ, ਪਰ ਮੈਂ ਉਸਨੂੰ ਵੀ ਗੁਆ ਦਿੱਤਾ।