ਕਿਹਾ, ਉਪਰ ਮੈਂ ਇਕੱਲੇ ਨੇ ਹੀ ਕਬੱਡੀ ਪਾ ਰੱਖੀ ਹੈ, ਕਿਸੇ ਨੂੰ ਨੀ ਬੋਲਣ ਦਿੰਦਾ
ਜ਼ੀਰਕਪੁਰ, 18 ਅਪ੍ਰੈਲ, ਦੇਸ਼ ਕਲਿੱਕ ਬਿਓਰੋ :
ਆਮ ਆਦਮੀ ਪਾਰਟੀ ਵੱਲੋਂ ਅੱਜ ‘ਮਿਸ਼ਨ ਆਪ’13-0 ਦੀ ਸ਼ੁਰੂਆਤ ਕੀਤੀ ਗਈ। ਇਸ ਦੀ ਸ਼ੁਰੂਆਤ ਮੌਕੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਬੋਲਦੇ ਹੋਏ ਕੇਂਦਰ ਦੀ ਮੋਦੀ ਸਰਕਾਰ ਉਤੇ ਤਿੱਖਾ ਹਮਲਾ ਕੀਤਾ। ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਇਹ ਲੜਾਈ ਦੇਸ਼ ਵਿੱਚ ਲੋਕਤੰਤਰ ਬਚਾਉਣ ਦੀ ਲੜਾਈ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ ਵਿੱਚ ਇਕ ਅਜਿਹਾ ਤਾਨਾਸ਼ਾਹ ਪੈਦਾ ਹੋ ਗਿਆ ਹੈ, ਜਦੋਂ ਚਾਹੁੰਦਾ ਕਿਸੇ ਲੀਡਰ ਨੂੰ ਅੰਦਰ ਕਰ ਦਿੰਦਾ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਕੱਲ੍ਹ ਹੀ ਕਈ ਦਿਨ ਹੋਰ ਥਾਵਾਂ ਉਤੇ ਪ੍ਰਚਾਰ ਕਰਕੇ ਆਇਆ ਹਾਂ। ਲੋਕਾਂ ਨੇ ਕਿਹਾ ਕਿ ਧੱਕੇਸ਼ਾਹੀ ਦਾ ਜਵਾਬ ਹੁਣ ਵੋਟਾਂ ਨਾਲ ਦੇਣਗੇ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਮੈਂ ਹੁਣ ਕਈ ਦਿਨ ਪੰਜਾਬ ਵਿੱਚ ਹੀ ਰਿਹਾਂਗਾ। ਤੁਸੀਂ ਪ੍ਰੋਗਰਾਮ ਬਣਾ ਲੈਣਾ ਮੈਂ ਉਥੇ ਜਾਵਾਂਗਾ। ਉਨ੍ਹਾਂ ਕਿਹਾ ਕਿ ਉਪਰ ਮੈਂ ਇਕੱਲੇ ਨੇ ਹੀ ਕਬੱਡੀ ਪਾ ਰੱਖੀ ਹੈ, ਕਿਸੇ ਨੂੰ ਨਹੀਂ ਬੋਲਣ ਦਿੰਦਾ।