ਗਾਜ਼ਾ, 1 ਮਾਰਚ, ਦੇਸ਼ ਕਲਿਕ ਬਿਊਰੋ :
ਇਜ਼ਰਾਈਲੀ ਸੈਨਿਕਾਂ ਨੇ ਵੀਰਵਾਰ ਨੂੰ ਗਾਜ਼ਾ ਦੇ ਲੋਕਾਂ 'ਤੇ ਗੋਲੀਬਾਰੀ ਕੀਤੀ ਜੋ ਰਾਹਤ ਸਮੱਗਰੀ (ਖਾਣਾ) ਇਕੱਠਾ ਕਰਨ ਲਈ ਆਏ ਸਨ। ਨਿਊਜ਼ ਏਜੰਸੀ ਰਾਇਟਰਜ਼ ਮੁਤਾਬਕ ਇਸ ਦੌਰਾਨ 112 ਫਲਸਤੀਨੀ ਮਾਰੇ ਗਏ। 760 ਲੋਕ ਜ਼ਖਮੀ ਹੋਏ ਹਨ। ਇਜ਼ਰਾਇਲੀ ਫੌਜ ਨੇ ਕਿਹਾ ਕਿ ਫੌਜੀਆਂ ਨੇ ਭੀੜ 'ਤੇ ਗੋਲੀਬਾਰੀ ਕੀਤੀ ਕਿਉਂਕਿ ਉਨ੍ਹਾਂ ਨੂੰ ਲੋਕਾਂ ਤੋਂ ਖਤਰਾ ਮਹਿਸੂਸ ਹੋਇਆ। ਇੱਕ ਚਸ਼ਮਦੀਦ ਨੇ ਨਿਊਜ਼ ਏਜੰਸੀ ਏਐਫਪੀ ਨੂੰ ਦੱਸਿਆ ਕਿ ਰਾਹਤ ਸਮੱਗਰੀ ਨਾਲ ਭਰਿਆ ਇੱਕ ਟਰੱਕ ਅਲ ਨਬੁਲਸੀ ਸ਼ਹਿਰ ਪਹੁੰਚ ਗਿਆ ਸੀ। ਲੋਕਾਂ ਨੇ ਇਸ ਨੂੰ ਘੇਰਨਾ ਸ਼ੁਰੂ ਕਰ ਦਿੱਤਾ।
ਇਸਰਾਈਲੀ ਫੌਜ ਦੇ ਟੈਂਕ ਅਤੇ ਸਿਪਾਹੀ ਟਰੱਕ ਦੇ ਕੋਲ ਖੜ੍ਹੇ ਸਨ। ਲੋਕ ਵੀ ਉਨ੍ਹਾਂ ਵੱਲ ਵਧਣ ਲੱਗੇ। ਇਸ ਦੌਰਾਨ ਜਵਾਨਾਂ ਨੇ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ। ਭਗਦੜ ਮੱਚ ਗਈ।ਫੌਜ ਨੇ ਕਿਹਾ ਕਿ ਸਾਰੇ ਲੋਕ ਜ਼ਰੂਰੀ ਸਮਾਨ ਨੂੰ ਲੁੱਟਣ ਲੱਗੇ। ਉਹ ਸਾਡੇ ਵੱਲ ਵਧ ਰਹੇ ਸਨ, ਅਸੀਂ ਸੋਚਿਆ ਕਿ ਉਹ ਖ਼ਤਰਨਾਕ ਹੋ ਸਕਦੇ ਹਨ ਇਸ ਲਈ ਅਸੀਂ ਗੋਲੀ ਚਲਾ ਦਿੱਤੀ।