ਦੀਪਕ ਠਾਕੁਰ
ਤਲਵਾਡ਼ਾ,18 ਅਪ੍ਰੈਲ 2024
ਪੰਜਾਬ ਸਕੂਲ ਸਿੱਖਿਆ ਬੋਰਡ ਮੁਹਾਲੀ ਵੱਲੋਂ ਅੱਜ ਐਲਾਨੇ 10ਵੀਂ ਜਮਾਤ ਦੇ ਨਤੀਜਿਆਂ ‘ਚ ਸਥਾਨਕ ਸਰਕਾਰੀ ਮੈਰੀਟੋਰਿਅਸ ਸਕੂਲ ਦੀਆਂ ਸੱਤ ਵਿਦਿਆਰਥਣਾ ਨੇ ਮੈਰਿਟ ਸੂਚੀ ‘ਚ ਥਾਂ ਬਣਾਈ ਹੈ। ਸਕੂਲ ਪ੍ਰਿੰਸੀਪਲ ਸੁਨੀਲ ਮਹਰਾਲ ਨੇ ਦਸਿਆ ਕਿ ਵਿਦਿਆਰਥਣ ਰਾਸ਼ੀ ਚੌਧਰੀ ਨੇ 650 ‘ਚੋਂ 640 ਅੰਕ ਪ੍ਰਾਪਤ ਕਰਕੇ ਪੰਜਾਬ ਭਰ ‘ਚੋਂ 6ਵਾਂ, ਪ੍ਰਤੀਕਸ਼ਾ ਕੁਮਾਰੀ ਅਤੇ ਰੁਪਿੰਦਰ ਕੌਰ ਨੇ 636 ਅੰਕਾਂ ਨਾਲ ਮੈਰਿਟ ਸੂਚੀ ‘ਚ 9ਵਾਂ ਅਤੇ 10ਵਾਂ, ਆਇਸ਼ਾ ਕੁਮਾਰੀ ਨੇ 633 ਅੰਕਾਂ ਨਾਲ 13ਵਾਂ, ਇਸ਼ਤਾ ਨੇ 629 ਅੰਕਾਂ ਨਾਲ 17ਵਾਂ , ਅਕਸ਼ਿਤਾ ਅਤੇ ਮੁਸਕਾਨ ਨੇ ਕ੍ਰਮਵਾਰ 627 ਅੰਕ ਪ੍ਰਾਪਤ ਕਰਕੇ 19ਵਾਂ ਸਥਾਨ ਪ੍ਰਾਪਤ ਕੀਤਾ ਹੈ। ਸਕੂਲ ਮੁਖੀ ਨੇ ਸ਼ਾਨਦਾਰ ਨਤੀਜਿਆਂ ਲਈ ਵਿਦਿਆਰਥਣਾਂ, ਅਧਿਆਪਕਾਂ ਅਤੇ ਮਾਪਿਆਂ ਨੂੰ ਮੁਬਾਰਕਾਂ ਦਿੱਤੀਆਂ ਹਨ।