ਮੋਰਿੰਡਾ ,20, ਅਪ੍ਰੈਲ (ਭਟੋਆ)
ਜਲ ਸਪਲਾਈ ਅਤੇ ਸੈਨੀਟੇਸ਼ਨ, ਪੀ ਡਬਲਯੂ ਡੀ, ਭਵਨ ਤੇ ਮਾਰਗ, ਸਿੰਚਾਈ ,ਸੀਵਰੇਜ ਬੋਰਡ, ਡਰੇਨਜ ਦੇ ਫੀਲਡ ਮੁਲਾਜ਼ਮਾਂ ਦੀ ਜਥੇਬੰਦੀ ਟੈਕਨੀਕਲ ਐਂਡ ਮਕੈਨੀਕਲ ਇੰਪਲਾਈਜ਼ ਯੂਨੀਅਨ( ਰਜਿ 36 )ਪੰਜਾਬ ਦੀ ਜੋਨ ਪੱਧਰੀ ਮੀਟਿੰਗ ਸੂਬਾ ਮੀਤ ਪ੍ਰਧਾਨ ਦੀਦਾਰ ਸਿੰਘ ਢਿੱਲੋ ਅਤੇ ,ਸੂਬਾ ਪ੍ਰਚਾਰ ਸਕੱਤਰ ਸਰੂਪ ਸਿੰਘ ਮਾਜਰੀ ਦੀ ਪ੍ਰਧਾਨਗੀ ਹੇਠ ਮਿਉਂਸੀਪਲ ਪਾਰਕ ਮੋਰਿੰਡਾ ਵਿਖੇ ਹੋਈ। ਮੀਟਿੰਗ ਦੀ ਕਾਰਵਾਈ ਪ੍ਰੈਸ ਨੂੰ ਜਾਰੀ ਕਰਦਿਆਂ ਸੂਬਾ ਪ੍ਰਚਾਰ ਸਕੱਤਰ ਸਰੂਪ ਸਿੰਘ ਮਾਜਰੀ ਨੇ ਦੱਸਿਆ ਕਿ ਸਰਕਲ ਚੰਡੀਗੜ੍ਹ ਅਤੇ ਪਟਿਆਲਾ ਜੋਨ ਕਮੇਟੀ ਦੇ ਕਈ ਅਹੁਦੇਦਾਰ ਸੇਵਾ ਮੁਕਤ ਹੋਣ ਕਾਰਨ ਜੋਨ ਦੀ ਨਵੀਂ ਕਮੇਟੀ ਦੀ ਚੋਣ ਕੀਤੀ ਗਈ ।ਜਿਸ ਵਿੱਚ ਸਰਬ ਸੰਮਤੀ ਨਾਲ ਮਲਾਗਰ ਸਿੰਘ ਖਮਾਣੋ ਨੂੰ ਜੋਨ ਪ੍ਰਧਾਨ, ਤਰਲੋਚਨ ਸਿੰਘ ਅਤੇ ਦੀਦਾਰ ਸਿੰਘ ਢਿੱਲੋ ਨੂੰ ਸੀਨੀਅਰ ਮੀਤ ਪ੍ਰਧਾਨ, ਬਲਜਿੰਦਰ ਸਿੰਘ ਕਜੌਲੀ ਨੂੰ ਜਨਰਲ ਸਕੱਤਰ , ਜਗਤਾਰ ਸਿੰਘ ਮੈਹਣ ਤੇ ਨੈਬ ਸਿੰਘ (ਭਵਨ ਤੇ ਮਾਰਗ) ਨੂੰ ਮੀਤ ਪ੍ਰਧਾਨ, ਹਰਮੀਤ ਸਿੰਘ ਡੇਕਵਾਲਾ ਜਥੇਬੰਦਕ ਸਕੱਤਰ, ਹਿੰਮਤ ਸਿੰਘ ਮੜੌਲੀ ਨੂੰ ਪ੍ਰੈਸ ਸਕੱਤਰ, ਦਲਜੀਤ ਸਿੰਘ ਘਨੋੌਲੀ ਵਿੱਤ ਸਕੱਤਰ,ਸੁਖਦੇਵ ਸਿੰਘ ਕੁਬਾਹੈੜੀ ਨੂੰ ਜੁਆਇੰਟ ਸਕੱਤਰ, ਗੁਰਦਿਆਲ ਸਿੰਘ ਨੂੰ ਮੁੱਖ ਸਲਾਹਕਾਰ ਚੁਣਿਆ ਗਿਆ।
ਉਨਾ ਦੱਸਿਆ ਕਿ ਮੀਟਿੰਗ ਵਿੱਚ ਫੈਸਲਾ ਕੀਤਾ ਗਿਆ ਕਿ 1 ਮਈ ਦੇ ਕੌਮਾਂਤਰੀ ਮਜ਼ਦੂਰ ਦਿਹਾੜੇ ਸਬੰਧੀ ਮੋਰਿੰਡਾ, ਚਮਕੌਰ ਸਾਹਿਬ ,ਰੋਪੜ ,ਕਜੌਲੀ ਫਤਿਹਗੜ੍ਹ ਸਾਹਿਬ ਵਿੱਖੇ ਕੀਤੇ ਜਾ ਰਹੇ ਸਮਾਗਮਾਂ ਵਿੱਚ ਸਮੁੱਚੇ ਫੀਲਡ ਮੁਲਾਜ਼ਮ ਸ਼ਮੂਲੀਅਤ ਕਰਨਗੇ ।ਮੀਟਿੰਗ ਵਿੱਚ ਡੈਮੋਕ੍ਰੇਟਿਕ ਮੁਲਾਜ਼ਮ ਫੈਡਰੇਸ਼ਨ ਪੰਜਾਬ ਦੇ ਸੱਦੇ ਅਨੁਸਾਰ ਮੁਲਾਜ਼ਮਾਂ ਦੀਆਂ ਮੰਗਾਂ ਨੂੰ ਲੈ ਕੇ ਮੋਦੀ ਸਰਕਾਰ ਅਤੇ ਭਗਵੰਤ ਮਾਨ ਦੀ ਸਰਕਾਰ ਅਤੇ ਚੋਣਾਂ ਲੜ ਰਹੇ ਆਪ ਉਮੀਦਵਾਰਾਂ ਨੂੰ ਮੁਲਾਜ਼ਮਾਂ ਦੀਆਂ ਮੰਗਾਂ ਸਬੰਧੀ ਸਵਾਲ - ਜਵਾਬ ਕਰਨ ਦੀ ਮੁਹਿੰਮ ਚਲਾਈ ਜਾਵੇਗੀ। ਮੀਟਿੰਗ ਵਿੱਚ ਬ੍ਰਹਮਪਾਲ ਸਹੋਤਾ, ਅਮਰੀਕ ਸਿੰਘ ਖਿਜਰਾਬਾਦ ਬਰਾਂਚ ਮੋਹਾਲੀ ਤੇ ਰੋਪੜ ,ਤਰਲੋਚਨ ਸਿੰਘ ,ਬਲਜੀਤ ਸਿੰਘ ਹਿੰਦੂਪੁਰ , ਬਰਾਂਚ ਫਤਿਹਗੜ੍ਹ ਸਾਹਿਬ, ਸੁਖਰਾਮ ਕਾਲੇਵਾਲ ਆਗੂ ਡੀ ਐਮ ਐਫ, ਆਦਿ ਆਗੂ ਹਾਜ਼ਰ ਸਨ