ਨਵੀਂ ਦਿੱਲੀ, 23 ਅਪ੍ਰੈਲ, ਦੇਸ਼ ਕਲਿਕ ਬਿਊਰੋ :
ਪਤੰਜਲੀ ਦੇ ਗੁੰਮਰਾਹਕੁੰਨ ਇਸ਼ਤਿਹਾਰ ਮਾਮਲੇ 'ਤੇ ਅੱਜ ਸੁਪਰੀਮ ਕੋਰਟ 'ਚ ਸੁਣਵਾਈ ਹੋਵੇਗੀ। 16 ਅਪ੍ਰੈਲ ਨੂੰ ਬਾਬਾ ਰਾਮਦੇਵ ਅਤੇ ਬਾਲਕ੍ਰਿਸ਼ਨ ਤੀਜੀ ਵਾਰ ਜਸਟਿਸ ਹਿਮਾ ਕੋਹਲੀ ਅਤੇ ਜਸਟਿਸ ਅਮਾਨਤੁੱਲਾ ਦੀ ਬੈਂਚ ਸਾਹਮਣੇ ਪੇਸ਼ ਹੋਏ ਸਨ। ਬਾਬਾ ਰਾਮਦੇਵ ਵੱਲੋਂ ਉਨ੍ਹਾਂ ਦੇ ਵਕੀਲ ਮੁਕੁਲ ਰੋਹਤਗੀ ਨੇ ਇਕ ਵਾਰ ਫਿਰ ਅਦਾਲਤ ਤੋਂ ਮੁਆਫੀ ਮੰਗੀ। ਅਦਾਲਤ ਦੇ ਕਹਿਣ 'ਤੇ ਰਾਮਦੇਵ ਨੇ ਅਦਾਲਤ ਤੋਂ ਮੁਆਫੀ ਮੰਗੀ।
ਰਾਮਦੇਵ ਨੇ ਕਿਹਾ ਸੀ ਕਿ ਸਾਡਾ ਕਿਸੇ ਨੂੰ ਗਲਤ ਦੱਸਣ ਦਾ ਕੋਈ ਇਰਾਦਾ ਨਹੀਂ ਸੀ। ਪਤੰਜਲੀ ਨੇ ਆਯੁਰਵੇਦ ਨੂੰ ਖੋਜ ਆਧਾਰਿਤ ਸਬੂਤਾਂ ਲਈ ਤੱਥਾਂ ਤੱਕ ਪਹੁੰਚਾਉਣ ਦਾ ਉਪਰਾਲਾ ਕੀਤਾ ਹੈ।ਅੱਗੇ ਤੋਂ ਇਸ ਬਾਰੇ ਜਾਗਰੂਕ ਰਹਾਂਗਾ। ਕੰਮ ਦੇ ਉਤਸ਼ਾਹ ਵਿੱਚ ਅਜਿਹਾ ਹੋਇਆ। ਦੁਬਾਰਾ ਨਹੀਂ ਹੋਵੇਗਾ।
ਇਸ 'ਤੇ ਕੋਰਟ ਨੇ ਕਿਹਾ ਕਿ ਤੁਸੀਂ ਇੰਨੇ ਮਸੂਮ ਨਹੀਂ ਹੋ। ਲੱਗਦਾ ਨਹੀਂ ਕਿ ਤੁਹਾਡੇ ‘ਚ ਕੋਈ ਤਬਦੀਲੀ ਆਈ ਹੈ। ਤੁਸੀਂ ਅਜੇ ਵੀ ਆਪਣੀ ਗੱਲ 'ਤੇ ਅੜੇ ਹੋਏ ਹੋ। ਤੁਹਾਨੂੰ ਸੱਤ ਦਿਨ ਦਾ ਸਮਾਂ ਦਿੰਦੇ ਹਾਂ। ਅਸੀਂ 23 ਅਪ੍ਰੈਲ ਨੂੰ ਮਾਮਲੇ ਦੀ ਜਾਂਚ ਕਰਾਂਗੇ। ਤੁਸੀਂ ਦੋਵੇਂ (ਰਾਮਦੇਵ-ਬਾਲਕ੍ਰਿਸ਼ਨ) ਉਸ ਦਿਨ ਵੀ ਅਦਾਲਤ ਵਿੱਚ ਹਾਜ਼ਰ ਰਹਿਣਾ।