ਬਠਿੰਡਾ: 23 ਅਪ੍ਰੈਲ, ਦੇਸ਼ ਕਲਿੱਕ ਬਿਓਰੋ
ਡਾ ਅਜੀਤਪਾਲ ਸਿੰਘ ਜੀ ਸੱਸ ਬੇਬੇ ਮੁਖਤਿਆਰ ਕੌਰ ਦਾ ਬੀਤੀ 7 ਅਪ੍ਰੈਲ ਨੂੰ ਦੇਹਾਂਤ ਹੋ ਗਿਆ ਸੀ,ਜਿਹਨਾਂ ਦਾ ਬਹੁਤ ਵੱਡਾ ਪਰਿਵਾਰ ਹੈ l ਉਹਨਾਂ ਦੇ ਨਮਿਤ ਅੰਤਿਮ ਅਰਦਾਸ ਪਿੰਡ ਸ਼ੇਰ ਸਿੰਘਵਾਲਾ(ਫਰੀਦਕੋਟ ਸਾਦਕ ਰੋਡ) ਦੇ ਗੁਰਦੁਆਰਾ ਸਾਹਿਬ ਸ਼ਹੀਦ ਭਾਈ ਜੀਵਨ ਸਿੰਘ ਵਿਖੇ ਐਤਵਾਰ ਨੂੰ ਹੋਈ l ਭਾਰਤੀ ਕਿਸਾਨ ਯੂਨੀਅਨ ਕ੍ਰਾਂਤੀਕਾਰੀ ਦੇ ਸੀਨੀਅਰ ਮੀਤ ਪ੍ਰਧਾਨ ਲਾਲ ਸਿੰਘ ਗੋਲੇਵਾਲਾ ਜਮਹੂਰੀ ਅਧਿਕਾਰ ਸਭਾ ਸਭਾ ਦੇ ਸੂਬਾ ਕਮੇਟੀ ਮੈਂਬਰ ਪ੍ਰਿੰਸੀਪਲ ਬੱਗਾ ਸਿੰਘ,ਲੋਕ ਸੰਗਰਾਮ ਮੋਰਚਾ ਦੀ ਆਗੂ ਭੈਣ ਮੁਖਤਿਆਰ ਕੌਰ ਅਤੇ ਦਲਿਤ ਮਜ਼ਦੂਰ ਮੰਚ ਦੇ ਸੁਬਾਈ ਆਗੂ ਸੁਖਪਾਲ ਸਿੰਘ ਖਿਆਲੀਵਾਲਾ ਨੇ ਸ਼ਰਧਾਂਜਲੀਆਂ ਭੇਟ ਕੀਤੀਆਂ l
ਬੇਬੇ ਆਪਣੇ ਪਿੱਛੇ ਦੋ ਪੁੱਤਰ-ਨੂੰਹਾਂ,ਛੇ ਧੀਆਂ- ਜੂਆਈਆਂ ਅਤੇ ਕਾਫੀ ਗਿਣਤੀ ਵਿੱਚ ਪੜੋਤੇ-ਪੜੋਤੀਆਂ,ਦੋਹਤਰੇ- ਦੋਹਤਰੀਆਂ ਦਾ ਵੱਡਾ ਪਰਿਵਾਰ ਛੱਡ ਕੇ ਗਏ ਹਨ। ਸਾਰੀ ਜ਼ਿੰਦਗੀ ਦਸਾਂ ਨਹੁੰਆਂ ਦੀ ਕਿਰਤ ਕਮਾਈ ਕੀਤੀ l ਸਖਤ ਮਿਹਨਤ ਕਰਕੇ ਆਪਣੇ ਧੀਆਂ ਪੁੱਤਾਂ ਨੂੰ ਪੜਾਇਆ ਅਤੇ ਚੰਗੇ ਸੰਸਕਾਰ ਦਿੱਤੇ l ਬੇਬੇ ਦੇ ਦੋ ਸਪੁੱਤਰ ਗੁਰਾ ਸਿੰਘ ਤੇ ਸੁਖਦੇਵ ਸਿੰਘ ਡਾਕਟਰੀ ਕਿੱਤੇ ਨਾਲ ਸੰਬੰਧਿਤ ਹਨ l ਜਵਾਈ ਡਾ ਅਜੀਤਪਾਲ ਸਿੰਘ ਸਿਹਤ ਲੇਖਕ,ਜਮਹੂਰੀ ਅਧਿਕਾਰ ਸਭਾ ਸਭਾ ਦੇ ਸੂਬਾਈ ਆਗੂ ਤੇ ਡਿਪਟੀ ਮੈਡੀਕਲ ਕਮਿਸ਼ਨਰ ਹਨ l ਬੇਬੇ ਦੀਆਂ ਦੋ ਧੀਆਂ ਭਗਤਾਂ ਭਾਈ ਕਾ ਵਿਖੇ ਵਿਆਹੀਆਂ ਹੋਈਆਂ ਹਨ l ਉਹਨਾਂ ਵਿੱਚੋਂ ਇੱਕ ਜਵਾਈ ਹਰਬੰਸ ਸਿੰਘ ਦਾ ਮਾਲਵਾ ਬੁੱਕ ਡਿਪੋ ਹੈ l ਇਹਨਾਂ ਹੀ ਮਹੀਨਿਆਂ ਵਿੱਚ ਮਾਤਾ ਦਾ ਇੱਕ ਟੁੱਟਿਆ ਚੂਲਾ ਬਠਿੰਡੇ ਦੇ ਇੱਕ ਹਸਪਤਾਲ ਵਿੱਚ ਬਦਲਾ ਵੀ ਦਿੱਤਾ ਗਿਆ ਸੀ l ਉਹ ਤਕਰੀਬਨ ਦੋ ਹਫਤੇ ਹਸਪਤਾਲ ਵਿੱਚ ਦਾਖਲ ਰਹੇ ਅਤੇ ਕਰੀਬ ਦੋ ਮਹੀਨੇ ਆਪਣੀ ਧੀ ਅਮਰਜੀਤ ਕੌਰ ਦੇ ਘਰ ਬਠਿੰਡੇ ਰਹੇ l ਧੀਆਂ-ਪੁੱਤਾਂ ਨੇ ਉਹਨਾਂ ਦੀ ਬਹੁਤ ਸੇਵਾ ਵੀ ਕੀਤੀ ਪਰ ਵੱਡੀ ਉਮਰ ਕਾਰਨ ਉਹ ਬਚਾਏ ਨਹੀਂ ਜਾ ਸਕੇ l ਬੇਬੇ ਦੀ ਯਾਦਦਾਸ਼ਤ ਬਹੁਤ ਕਮਾਲ ਦੀ ਸੀ l 1947 ਵਿੱਚ ਪਾਕਿਸਤਾਨ ਬਣਨ ਵੇਲੇ ਹੋਈ ਪੰਜਾਬ ਦੀ ਵੰਡ ਸਮੇਂ ਆਪਸੀ ਮਾਰਧਾੜ ਦੀਆਂ ਦੁਰਘਟਨਾਵਾਂ ਉਹਨਾਂ ਨੂੰ ਬਾਖੂਬੀ ਚੇਤੇ ਸਨ l ਉਹ ਅਖੀਰਲੇ ਸਮੇਂ ਤੱਕ ਆਪਣੇ ਵੱਲੋਂ ਪੰਜਾਬ ਦੇ ਇਤਿਹਾਸ ਦੀਆਂ ਅਹਿਮ ਘਟਨਾਵਾਂ,ਕਹਾਣੀਆਂ,ਸੱਭਿਆਚਾਰਕ ਵਿਰਸੇ ਦੀਆਂ ਗੱਲਾਂ ਸੁਣਾਉਂਦੇ ਰਹੇ ਅਤੇ ਪਰਿਵਾਰ ਨੂੰ ਦੁੱਖੀ ਲੋਕਾਂ ਦੀ ਸੇਵਾ ਕਰਨ ਦੀ ਨਸੀਹਤ ਦਿੰਦੇ ਰਹੇ l ਸਾਰਾ ਪਿੰਡ ਹੀ ਇਸ ਗੱਲੋਂ ਉਹਨਾਂ ਦਾ ਸਤਿਕਾਰ ਕਰਦਾ ਹੈ