ਇਨ੍ਹਾਂ ਵੈਬਸਾਈਟਾਂ ਉਤੇ ਦੇਖਿਆ ਜਾ ਸਕਦਾ 8ਵੀਂ ਤੇ 12ਵੀਂ ਕਲਾਸ ਦਾ ਨਤੀਜਾ
ਮੋਹਾਲੀ, 1 ਮਈ, ਦੇਸ਼ ਕਲਿੱਕ ਬਿਓਰੋ :
ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਅੱਠਵੀਂ ਅਤੇ ਸੀਨੀਅਰ ਸੈਕੰਡਰੀ ਪ੍ਰੀਖਿਆ ਮਾਰਚ 2024 (ਸਾਲਾਨਾ) ਦੌਰਾਨ ਰੈਗੂਲਰ, ਓਪਨ ਸਕੂਲ ਪ੍ਰਣਾਲੀ, ਕੰਪਾਰਟਮੈਂਟ, ਕਾਰਗੁਜਾਰੀ ਵਧਾਉਣ ਲਈ ਅਤੇ ਵਾਧੂ ਵਿਸ਼ੇ ਦੀ ਪ੍ਰੀਖਿਆ ਦਾ ਨਤੀਜਾ ਬੀਤੇ ਕੱਲ੍ਹ ਐਲਾਨ ਦਿੱਤਾ ਗਿਆ ਹੈ।
ਅੱਜ ਵਿਦਿਆਰਥੀ ਆਪਣਾ ਨਤੀਜਾ ਦੇਖ ਸਕਣਗੇ। ਵਿਦਿਆਰਥੀ ਆਪਣਾ ਨਤੀਜਾ www.pseb.ac.in ਅਤੇ www.indiaresults.com ਉਤੇ ਦੇਖ ਸਕਦੇ ਹਨ।
ਜ਼ਿਕਰਯੋਗ ਹੈ ਕਿ ਇਸ ਵਾਰ ਰੇਗੂਲਰ 12ਵੀਂ ਕਲਾਸ ਦੇ ਕੁਲ 284452 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤੀ ਸੀ, ਜਿਸ ਵਿਚੋਂ 264643 ਪਾਸ ਹੋਏ ਹਨ ਅਤੇ ਨਤੀਜਾ 93.03 ਫੀਸਦੀ ਰਿਹਾ।
ਅੱਠਵੀਂ ਕਲਾਸ ਦੇ ਕੁਲ 291917 ਵਿਦਿਆਰਥੀਆਂ ਨੇ ਪ੍ਰੀਖਿਆ ਦਿੱਤਾ ਜਿਸ ਵਿਚੋਂ 286987 ਪਾਸ ਹੋਏ ਅਤੇ ਨਤੀਜਾ 98.31 ਫੀਸਦੀ ਰਿਹਾ।