ਆਪਣੇ ਮੋਬਾਇਲ ਤੋਂ ਕੰਮ ਨਹੀਂ ਕਰਨਗੀਆਂ ਵਰਕਰਾਂ : ਯੂਨੀਅਨ
ਮੋਹਾਲੀ, 2 ਮਈ, ਦੇਸ਼ ਕਲਿੱਕ ਬਿਓਰੋ :
ਅੱਜ ਇੱਥੇ ਆਗਣਵਾੜੀ ਮੁਲਾਜ਼ਮ ਯੂਨੀਅਨ ਪੰਜਾਬ ਸੀਟੂ ਵੱਲੋਂ ਜ਼ਿਲ੍ਹਾ ਪ੍ਰਧਾਨ ਗੁਰਪ੍ਰੀਤ ਕੌਰ ਦੀ ਅਗਵਾਈ ਵਿੱਚ ਪ੍ਰੋਗਰਾਮ ਅਫਸਰ ਸਰਦਾਰ ਗਗਨਦੀਪ ਸਿੰਘ ਨਾਲ ਹੋਈ ਮੀਟਿੰਗ ਕੀਤੀ ਗਈ। ਮੀਟਿੰਗ ਵਿੱਚ ਸੀਡੀਪੀਓ ਸੁਖਮਨਜੀਤ ਕੌਰ ਬਲਾਕ ਮਾਜਰੀ, ਬਲਾਕ ਖਰੜ 2 ਦੇ ਸੀਡੀਪੀਓ ਔਰ, ਬਲਾਕ ਖਰੜ 1 ਦੇ ਸੀਡੀਪੀਓ ਹਾਜ਼ਰ ਰਹੇ ਰਿਹੇ। ਮੀਟਿੰਗ ਵਿੱਚ ਵਿਸ਼ੇਸ਼ ਤੌਰ ਉਤੇ ਸੂਬਾ ਜੁਆਇੰਟ ਸਕੱਤਰ ਗੁਰਦੀਪ ਕੌਰ ਲਖਨੌਰ, ਜ਼ਿਲ੍ਹਾ ਜਨਰਲ ਸਕੱਤਰ ਭਿੰਦਰ ਕੌਰ, ਬਲਾਕ ਪ੍ਰਧਾਨ ਡੇਰਾ ਬੱਸੀ ਜਸਵਿੰਦਰ ਕੌਰ, ਬਲਾਕ ਸੈਕਟਰੀ ਪੁਸ਼ਪਾ ਦੇਵੀ, ਕੈਸ਼ੀਅਰ ਰੀਨਾ ਰਾਣੀ, ਸਰਕਲ ਪ੍ਰਧਾਨ ਲਾਜਵੰਤੀ ਸੈਦਪੁਰਾ, ਬਲਜੀਤ ਕੌਰ, ਕਮਲਜੀਤ ਕੌਰ, ਗੁਰੂ ਨਾਮ ਕੌਰ, ਬਲਾਕ ਪ੍ਰਧਾਨ ਖਰੜ ਵਨ ਸਵਰਨ ਕੌਰ, ਸੈਕਟਰੀ ਖਰੜ 2 ਦਵਿੰਦਰ ਕੌਰ ਸਰਕਲ ਪ੍ਰਧਾਨ ਕੰਡਾਲਾ ਅਤੇ ਹੋਰ ਅੰਗਣਵਾੜੀ ਵਰਕਰ ਹਾਜ਼ਰ ਹੋਏੇ।
ਮੀਟਿੰਗ ਵਿੱਚ ਯੂਨੀਅਨ ਆਗੂਆਂ ਨੇ ਕਿਹਾ ਕਿ ਪੋਸ਼ਣ ਟਰੈਕ ਨੂੰ ਸਬੰਧੀ ਕਿਹਾ ਕਿ ਜਿੰਨੀ ਦੇਰ ਤਿੰਨ ਤੋਂ ਛੇ ਸਾਲ ਦੇ ਬੱਚੇ ਆਂਗਣਵਾੜੀ ਕੇਂਦਰਾਂ ਵਿੱਚ ਵਾਪਸ ਨਹੀਂ ਕੀਤੇ ਜਾਂਦੇ ਉਦੋਂ ਤੱਕ ਫੋਟੋ ਕੈਪਚਰ ਨਹੀਂ ਕੀਤੀ ਜਾਵੇਗੀ । ਜਦੋਂ ਤੱਕ ਸਮਾਰਟ ਫੋਨ ਜਾਂ ਲੈਪਟਾਪ ਦਾ ਪ੍ਰਬੰਧ ਨਹੀਂ ਹੁੰਦਾ ਉਨੀ ਦੇਰ ਤੱਕ ਪੋਸ਼ਣ ਟਰੈਕ ਤੇ ਅਗਲੇ ਕੰਮ ਜਿਨਾਂ ਵਿੱਚ ਆਨਲਾਈਨ ਸਰਵੇ ਆਨਲਾਈਨ ਫੀਡ ਰਜਿਸਟਰ ਅਤੇ ਹੋਰ ਨਵੇਂ ਰਜਿਸਟਰ ਜੋ ਆਉਣਗੇ ਉਹਨਾਂ ਦਾ ਬਾਈਕਾਟ ਰਹੇਗਾ। ਸਿਰਫ ਪੋਸ਼ਣ ਟਰੈਕ ਖੋਲਣਾ ਹਾਜ਼ਰੀ ਲਾਉਣੀ ਅਤੇ ਭਾਰ ਇਹੀ ਕੰਮ ਕੀਤੇ ਜਾਣਗੇ ।
ਆਗੂਆਂ ਨੇ ਅਧਿਕਾਰੀਆਂ ਨੂੰ ਜਾਣੂ ਕਰਵਾਇਆ ਕਿ ਸੈਂਟਰ ਸਰਕਾਰ ਵੱਲੋਂ ਪੰਜਾਬ ਸਰਕਾਰ ਨੂੰ ਫੋਨ ਖਰੀਦਣ ਲਈ 2018 ਵਿਚ ਪੈਸੇ ਆਇਆ ਸੀ ਪਰ ਫੋਨ ਹੁਣ ਤੱਕ ਨਹੀਂ ਖਰੀਦੇ ਗਏ ਪਿਛਲੇ ਸਮੇਂ ਵਿੱਚ ਡਾਇਰੈਕਟਰ ਦਫਤਰ ਵੱਲੋਂ ਆਂਗਣਵਾੜੀ ਵਰਕਰਾਂ ਨੂੰ ਆਪਣੇ ਨਿਜੀ ਨਿਜੀ ਫੋਨਾ ਲਈ 1000 ਰੁਪਆ ਰੀਚਾਰਜ ਪੱਤਾ ਦਿੱਤਾ ਗਿਆ ਸੀ ਜੋ ਕਿ ਜੂਨ 2023 ਤੋਂ ਦਸੰਬਰ 2023 ਵਿੱਚ ਖਤਮ ਹੋ ਗਿਆ ਸੀ ਪਰ ਦੁਆਰਾ ਹੁਣ ਸਰਕਾਰ ਵੱਲੋਂ ਰੀਚਾਰਜ ਭੱਤਾ ਵੀ ਨਹੀਂ ਦਿੱਤਾ ਗਿਆ। ਦੂਜਾ ਆਂਗਣਵਾੜੀ ਵਰਕਰਾਂ ਨੂੰ ਆਪਣੇ ਨਿਜੀ ਫੋਨਾਂ ਤੇ ਹੋਰ ਕੰਮ ਕਰਨ ਲਈ ਕਿਹਾ ਜਾ ਰਿਹਾ ਹੈ। ਆਗੂਆਂ ਨੇ ਇਹ ਵੀ ਜਾਣੂ ਕਰਵਾਇਆ ਕਿ ਆਂਗਨਵਾੜੀ ਸੈਂਟਰਾਂ ਵਿੱਚ ਬੱਚਿਆਂ ਲਈ ਗਰਭਵਤੀ ਔਰਤਾਂ ਲਈ ਦੁੱਧ ਪਿਲਾਈ ਔਰਤਾਂ ਲਈ ਦਿੱਤੀ ਜਾਣ ਵਾਲੀ ਖੁਰਾਕ ਜਿਵੇਂ ਕੀ ਮੁਰਮੁਰਾ ਨਮਕੀਨ ਦਲੀਆ ਮਿੱਠਾ ਦਲੀਆ ਪੰਜੀਰੀ ਅਤੇ ਖਿਚੜੀ ਦਿੱਤੀ ਜਾਂਦੀ ਹੈ ਜਿਸ ਨੂੰ ਲੈਣ ਲਈ ਲਾਭਪਾਤਰੀਆਂ ਵੱਲੋਂ ਇਨਕਾਰ ਕੀਤਾ ਜਾਂਦਾ ਹੈ, ਕਿਉਂਕਿ ਦਲੀਏ ਵਿੱਚ ਚੀਨੀ ਦੀ ਮਾਤਰਾ ਪੂਰੀ ਨਹੀਂ ਹੈ, ਔਰ ਖਿਚੜੀ ਕੜਵੀ ਬਣਦੀ ਹੈ ਤੇ ਪੰਜੀਰੀ ਕੱਚੀ ਹੈ ਇਸ ਲਈ ਲਾਭਪਾਤਰੀਆਂ ਵੱਲੋਂ ਮੰਗ ਕੀਤੀ ਜਾਂਦੀ ਹੈ ਕੀ ਇਹ ਫੀਡ ਚੰਗੀ ਕੁਆਲਿਟੀ ਦੀ ਦਿੱਤੀ ਜਾਵੇ।