ਅੱਜ ਦੇ ਦਿਨ 2010 'ਚ ਮੁੰਬਈ 'ਤੇ ਹਮਲਾ ਕਰਨ ਵਾਲੇ ਅੱਤਵਾਦੀਆਂ 'ਚੋਂ ਜ਼ਿੰਦਾ ਫੜੇ ਗਏ ਅਜਮਲ ਕਸਾਬ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ
ਚੰਡੀਗੜ੍ਹ, 6 ਮਈ, ਦੇਸ਼ ਕਲਿਕ ਬਿਊਰੋ :
ਦੇਸ਼ ਅਤੇ ਦੁਨੀਆ ਵਿਚ 6 ਮਈ ਦਾ ਇਤਿਹਾਸ ਕਈ ਮਹੱਤਵਪੂਰਨ ਘਟਨਾਵਾਂ ਦਾ ਗਵਾਹ ਹੈ ਅਤੇ ਕਈ ਮਹੱਤਵਪੂਰਨ ਘਟਨਾਵਾਂ ਇਤਿਹਾਸ ਦੇ ਪੰਨਿਆਂ ਵਿਚ ਸਦਾ ਲਈ ਦਰਜ ਹੋ ਗਈਆਂ ਹਨ।ਆਓ ਜਾਣੀਏ 6 ਮਈ ਦੇ ਇਤਿਹਾਸ ਬਾਰੇ :-
* ਅੱਜ ਦੇ ਦਿਨ 2015 ਵਿੱਚ ਭਾਰਤੀ ਫਿਲਮ ਅਭਿਨੇਤਾ ਸਲਮਾਨ ਖਾਨ ਨੂੰ ਗ਼ੈਰ ਇਰਾਦਤਨ ਹੱਤਿਆ ਦੇ ਮਾਮਲੇ ਵਿੱਚ 5 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ, ਬਾਅਦ ਵਿੱਚ ਹਾਈ ਕੋਰਟ ਨੇ ਅਪੀਲ 'ਤੇ ਉਸ ਨੂੰ ਤੁਰੰਤ ਜ਼ਮਾਨਤ 'ਤੇ ਰਿਹਾਅ ਕਰ ਦਿੱਤਾ ਸੀ।
* ਅੱਜ ਦੇ ਦਿਨ 2010 'ਚ ਮੁੰਬਈ 'ਤੇ ਹਮਲਾ ਕਰਨ ਵਾਲੇ ਅੱਤਵਾਦੀਆਂ 'ਚੋਂ ਜ਼ਿੰਦਾ ਫੜੇ ਗਏ ਅਜਮਲ ਕਸਾਬ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ।
* ਅੱਜ ਦੇ ਦਿਨ 2002 ਵਿੱਚ ਭੁਪਿੰਦਰ ਨਾਥ ਕ੍ਰਿਪਾਲ ਭਾਰਤ ਦੇ 31ਵੇਂ ਚੀਫ਼ ਜਸਟਿਸ ਬਣੇ ਸਨ।
* 2001 ਵਿੱਚ ਅੱਜ ਦੇ ਦਿਨ ਪੋਪ ਜੌਨ ਪਾਲ ਦੂਜੇ ਨੇ ਸੀਰੀਆ ਵਿੱਚ ਇੱਕ ਮਸਜਿਦ ਦਾ ਦੌਰਾ ਕੀਤਾ ਅਤੇ ਮਸਜਿਦ ਦਾ ਦੌਰਾ ਕਰਨ ਵਾਲੇ ਪਹਿਲੇ ਪੋਪ ਸਨ।
* ਅੱਜ ਦੇ ਦਿਨ 1999 ਵਿੱਚ ਮਹਾਰਾਸ਼ਟਰ ਦੀਆਂ ਸਾਰੀਆਂ ਖੇਤੀਬਾੜੀ ਯੂਨੀਵਰਸਿਟੀਆਂ ‘ਚ ਔਰਤਾਂ ਲਈ 30 ਫੀਸਦੀ ਰਾਖਵੇਂਕਰਨ ਦਾ ਫੈਸਲਾ ਲਿਆ ਗਿਆ ਸੀ।
* ਬੈਂਕ ਆਫ ਇੰਗਲੈਂਡ ਨੂੰ 6 ਮਈ 1997 ਨੂੰ ਖੁਦਮੁਖਤਿਆਰੀ ਦਿੱਤੀ ਗਈ ਸੀ।
* ਅੱਜ ਦੇ ਦਿਨ 1910 ਵਿਚ ਜਾਰਜ ਪੰਜਵਾਂ ਆਪਣੇ ਪਿਤਾ ਐਡਵਰਡ ਸੱਤਵੇਂ ਦੀ ਮੌਤ ਤੋਂ ਬਾਅਦ ਬ੍ਰਿਟੇਨ ਦਾ ਸਮਰਾਟ ਬਣਿਆ ਸੀ।
* ਅੱਜ ਦੇ ਦਿਨ 1857 ਵਿੱਚ, ਬ੍ਰਿਟਿਸ਼ ਈਸਟ ਇੰਡੀਆ ਕੰਪਨੀ ਨੇ ਬੰਗਾਲ ਨੇਟਿਵ ਇਨਫੈਂਟਰੀ ਦੀ 34ਵੀਂ ਰੈਜੀਮੈਂਟ ਨੂੰ ਭੰਗ ਕਰ ਦਿੱਤਾ ਸੀ। ਰੈਜੀਮੈਂਟ ਦੇ ਸਿਪਾਹੀ ਮੰਗਲ ਪਾਂਡੇ ਨੇ ਬ੍ਰਿਟਿਸ਼ ਸ਼ਾਸਨ ਵਿਰੁੱਧ ਬਗਾਵਤ ਕਰ ਦਿੱਤੀ ਸੀ।
* ਅੱਜ ਦੇ ਦਿਨ 1840 ਵਿਚ, ਗ੍ਰੇਟ ਬ੍ਰਿਟੇਨ ਵਿਚ ਦੁਨੀਆ ਦੀ ਪਹਿਲੀ ਗੂੰਦ ਲੱਗੀ ਡਾਕ ਟਿਕਟ 'ਪੈਨੀ ਬਲੈਕ' ਦੀ ਵਰਤੋਂ ਕੀਤੀ ਗਈ ਸੀ।
* ਅੱਜ ਦੇ ਦਿਨ 1739 ਵਿੱਚ, ਚਿਮਾਜੀਅੱਪਾ ਦੀ ਅਗਵਾਈ ਵਿੱਚ, ਮਰਾਠਿਆਂ ਨੇ ਵਸਈ ਮੁਹਿੰਮ ਨੂੰ ਜਿੱਤ ਲਿਆ ਅਤੇ ਉੱਤਰੀ ਕੋਂਕਣ ਨੂੰ ਮਰਾਠਾ ਸਾਮਰਾਜ ਵਿੱਚ ਲਿਆਂਦਾ ਸੀ।
* 6 ਮਈ 1632 ਨੂੰ ਮੁਗਲ ਬਾਦਸ਼ਾਹ ਸ਼ਾਹਜਹਾਂ ਅਤੇ ਆਦਿਲਸ਼ਾਹ ਵਿਚਕਾਰ ਸ਼ਾਹਜੀ ਨੂੰ ਹਰਾਉਣ ਲਈ ਸੰਧੀ ਹੋਈ।
* ਅੱਜ ਦੇ ਦਿਨ 1529 ਵਿੱਚ ਬੰਗਾਲ ਦੇ ਅਫਗਾਨ ਸ਼ਾਸਕ ਨਸਰਤ ਸ਼ਾਹ ਨੂੰ ਗੋਗਰਾ ਨਦੀ ਦੇ ਕੰਢੇ ਹੋਈ ਲੜਾਈ ਵਿੱਚ ਬਾਬਰ ਹੱਥੋਂ ਹਾਰ ਮਿਲੀ ਸੀ।