ਬਠਿੰਡਾ: 27 ਅਪ੍ਰੈਲ, ਦੇਸ਼ ਕਲਿੱਕ ਬਿਓਰੋ
ਮਨੋਹਰ ਲਾਲ ਨਾਲ ਮੇਰੀ ਜਾਣ ਪਹਿਚਾਣ ਸਾਢੇ ਚਾਰ ਦਹਾਕਿਆਂ ਤੋਂ ਵੱਧ ਦੀ ਹੈ ਸੀ l ਮੈਡੀਕਲ ਅਫਸਰ ਵਜੋਂ ਚੱਕ ਫਤਿਹ ਸਿੰਘ ਵਾਲਾ ਡਿਸਪੈਂਸਰੀ ਵਿਖੇ ਜੋਇਨ ਕਰਨ ਪਿੱਛੋਂ ਮੇਰੀ ਉਹਨਾਂ ਨਾਲ ਨੇੜਤਾ ਹੋਰ ਵੀ ਵੱਧ ਗਈ ਸੀ l ਰਾਮਪੁਰੇ ਉਹਨਾਂ ਦੇ ਸਾਂਝੇ ਪਰਿਵਾਰ ਵਿੱਚ ਮੇਰਾ ਆਉਣ ਜਾਣ ਲੱਗਿਆ ਰਹਿੰਦਾ l ਪਰਿਵਾਰ ਦੇ ਸਾਰੇ ਜੀਆਂ ਨਾਲ ਹੀ ਨੇੜਿਓ ਜਾਣ ਪਹਿਚਾਣ ਹੁੰਦੀ ਰਹੀ l ਉਹਨਾਂ ਦੀ ਧਰਮ ਪਤਨੀ (ਚਮਨ ਲਾਲ ਪ੍ਰਭਾਕਰ ਦੀ ਭੈਣ) ਨੂੰ ਅਚਾਨਕ appendix ਦਾ ਦਰਦ ਉੱਠਿਆ ਤਾਂ ਸਿਵਲ ਹਸਪਤਾਲ ਵਿੱਚ ਉਹਨਾਂ ਦਾ ਆਪਰੇਸ਼ਨ ਮੇਰੀ ਨਿਗਰਾਨੀ ਵਿੱਚ ਕਰਵਾਇਆ ਗਿਆ l ਉਹਨਾਂ ਦੇ ਪਟਿਆਲੇ ਸ਼ਿਫਟ ਹੋ ਜਾਣ ਪਿੱਛੋਂ ਵੀ ਮੇਰਾ ਉਹਨਾਂ ਨਾਲ ਆਉਣ ਜਾਣ ਬਣਿਆ ਰਿਹਾ ਪਰਿਵਾਰਿਕ ਸਾਂਝ ਗੁੜੀ ਹੁੰਦੀ ਗਈ ਅਤੇ ਉਹਨਾਂ ਨੇ ਜਦੋਂ ਮਕਾਨ ਬਣਾਇਆ ਤਾਂ ਉਦੋਂ ਵੀ ਅਸੀਂ ਨੇੜੇ ਹੀ ਰਹਿੰਦੇ ਸੀ l ਚੰਡੀਗੜ੍ਹ ਸ਼ਿਫਟ ਹੋ ਜਾਣ ਪਿੱਛੋਂ ਉਹਨਾਂ ਦੇ ਸਪੁੱਤਰ ਕਮਲਦੀਪ (ਦੀਪੀ) ਉਦੋਂ ਅਸਿਸਟੈਂਟ ਐਡਵੋਕੇਟ ਜਨਰਲ ਪੰਜਾਬ ਸਨ ਤਾਂ ਮੈਨੂੰ ਉਹਨਾਂ ਦੀ ਲੋੜ ਪਈ l ਉਹਨਾਂ ਦੇ ਰਾਹੀਂ ਕਈ ਮਹਿਕਮਾਨਾ ਕੇਸ ਮੈਂ ਵਧੀਆ ਵਕੀਲਾਂ ਦੀ ਮਦਦ ਨਾਲ ਹਾਈਕੋਰਟ ਤੋਂ ਜਿੱਤੇ l ਬਠਿੰਡੇ ਰਹਿੰਦੇ ਉਹਨਾਂ ਦੇ ਰਿਸ਼ਤੇਦਾਰ ਮੈਨੂੰ ਅਕਸਰ ਮਿਲਦੇ ਤੇ ਜੇ ਕੋਈ ਸਮੱਸਿਆ ਹੁੰਦੀ ਤਾਂ ਹੱਲ ਕਰਵਾ ਲੈਂਦੇ l ਵੱਡੇ ਭਰਾ ਵਰਗੀ ਨੇੜਤਾ ਅਪਣੱਤ ਅਤੇ ਪਿਆਰ ਮੈਨੂੰ ਉਹਨਾਂ ਤੋਂ ਹਾਸਲ ਹੁੰਦਾ ਸੀ l ਚੰਡੀਗੜ੍ਹ ਜਾਣ ਵੇਲੇ ਮੈਂ ਉਨਾਂ ਨੂੰ ਮਿਲੇ ਬਗੈਰ ਕਦੇ ਵੀ ਨਹੀਂ ਵਾਪਸ ਨਹੀਂ ਆਉਂਦਾ ਸੀ l ਅੱਜ ਉਹਨਾਂ ਦੇ ਦੇਹਾਂਤ ਦੀ ਖਬਰ ਸੁਣ ਕੇ ਮਨ ਬਹੁਤ ਉਦਾਸ ਹੋਇਆ ਕਿਉਂਕਿ ਇੱਕ ਭਰਾ ਵਰਗਾ ਨੇਕ ਇਨਸਾਨ ਸਦਾ ਲਈ ਵਿਛੜ ਗਿਆ l