ਲੰਡਨ: 8 ਅਪ੍ਰੈਲ, ਦੇਸ਼ ਕਲਿੱਕ ਬਿਓਰੋ
ਬਰਤਾਨੀਆਂ 'ਚ ਇਕ ਵਿਅਕਤੀ ਨੇ ਦੁਨੀਆ ਦਾ ਸਭ ਤੋਂ ਭਿਆਨਕ ਕਤਲ ਕੀਤਾ ਹੈ। ਇਸ ਕਤਲ ਬਾਰੇ ਜਾਣ ਕੇ ਸਭ ਦੇ ਹੋਸ਼ ਉੱਡ ਜਾਣਗੇ, ਦਿਲ ਦੀ ਧੜਕਣ ਵਧ ਜਾਵੇਗੀ ਅਤੇ ਦਿਮਾਗ਼ ਚਕਰਾ ਜਾਵੇਗਾ। ਕਤਲ ਦੀ ਇਸ ਖੌਫਨਾਕ ਘਟਨਾ ਵਿੱਚ ਇੱਕ ਵਿਅਕਤੀ ਨੇ ਆਪਣੀ ਪਤਨੀ ਦੇ 224 ਟੁਕੜੇ ਕਰ ਦਿੱਤੇ। ਇਸ ਤੋਂ ਬਾਅਦ ਉਸ ਦੇ ਸਰੀਰ ਦੇ ਹਰ ਟੁਕੜੇ ਨੂੰ ਪਲਾਸਟਿਕ ਦੇ ਥੈਲਿਆਂ ਵਿੱਚ ਭਰ ਕੇ ਨਦੀ ਵਿੱਚ ਸੁੱਟ ਦਿੱਤਾ ਗਿਆ। ਇਸ ਬੇਰਹਿਮ ਕਾਤਲ ਦੀ ਉਮਰ ਸਿਰਫ 28 ਸਾਲ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਨੇ ਆਪਣੀ ਪਤਨੀ 'ਤੇ ਚਾਕੂ ਨਾਲ ਸੈਂਕੜੇ ਵਾਰ ਕੀਤੇ ਅਤੇ ਫਿਰ ਉਸ ਦੇ ਸਰੀਰ ਦੇ 224 ਟੁਕੜੇ ਕਰ ਦਿੱਤੇ। ਕਤਲ ਕਰਨ ਤੋਂ ਬਾਅਦ ਉਸ ਦੇ ਸਰੀਰ ਦੇ ਅੰਗਾਂ ਨੂੰ ਕੁਝ ਦਿਨਾਂ ਤੱਕ ਘਰ 'ਚ ਰੱਖਿਆ ਸੀ। ਬਾਅਦ ਵਿੱਚ ਉਸ ਨੇ ਆਪਣੇ ਇੱਕ ਦੋਸਤ ਨੂੰ ਪੈਸੇ ਦੇ ਕੇ ਅੰਗ ਸੁਟਵਾਏ ਸਨ।
ਇਸ ਕਤਲ ਨੇ ਬਰਤਾਨੀਆ ਸਮੇਤ ਪੂਰੀ ਦੁਨੀਆ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਮੁਲਜ਼ਮ ਨੇ ਬਿਨਾਂ ਕਾਰਨ ਦੱਸੇ ਕਤਲ ਕਰਨ ਦੀ ਗੱਲ ਕਬੂਲੀ ਹੈ। ਹੁਣ ਸਜ਼ਾ 8 ਅਪ੍ਰੈਲ ਨੂੰ ਸੁਣਾਈ ਜਾਵੇਗੀ।
ਜਾਣਕਾਰੀ ਮੁਤਾਬਕ ਇਹ ਘਟਨਾ 25 ਮਾਰਚ 2023 ਨੂੰ ਬਰਤਾਨੀਆਂ 'ਚ ਵਾਪਰੀ ਸੀ, ਜਦੋਂ 26 ਸਾਲਾ ਔਰਤ ਹੋਲੀ ਬ੍ਰੈਮਲੇ ਦੇ ਲਾਪਤਾ ਹੋਣ ਦੀ ਖਬਰ ਤੋਂ ਅੱਠ ਦਿਨ ਬਾਅਦ ਲਿੰਕਨਸ਼ਾਇਰ ਦੇ ਬਾਸਿੰਘਮ 'ਚ ਵਿਥਮ ਨਦੀ 'ਚੋਂ ਲਾਸ਼ਾਂ ਮਿਲੀਆਂ ਸਨ। ਬਰੈਮਲੀ ਦੀ ਲਾਸ਼ ਦੇ ਟੁਕੜੇ ਦੇਖ ਕੇ ਬ੍ਰਿਟਿਸ਼ ਪੁਲਸ ਵੀ ਹੈਰਾਨ ਰਹਿ ਗਈ।